Swahili Bible2

8

1NUBWO Biridadi Omusuha yagarukamu nagamba ati

2Olihikya nkaha okugamba ebigambo ebi?

Ebigambo byakanwa kawe birihikya nkaha okusisana nkomuyaga gwamani?

3Ruhanga nacwere’ra emisango?

Rundi Wobusobozi bwona nacwere’ra ebyobulyo?

4Abana bawe obubaraba bamusisire,

Kandi abaihaireyo omu mukono gwokusisa kwabu:

5Iwe obworayekamba okuse’ra Ruhanga,

Noyesengereza Wobusobozi bwona;

6Kuba obaire osemire, kandi ohikirire;

Mazimakwo hati bunu yakusisimukire habwawe.

Naha omugisa ekiikaro kyawe ekyokuhiki’ra.

7Okubanza kwawe nobukukaba kuli kuke,

Emparo yawe eyahanyuma yakukyanire muno.

8Baitu kaguza, nkwesengerize, ebyebiro byaira,

Oteho omutima gwawe hali ebi baisenkurubo ebibaseruire:

9(Baitu itwe tuli ba ijo,

titumanyire kigambo,

Baitu ebiri byaitu ebya ha nsi kiituru kyonka

10Bo tibalikwegesa, nibakutebeza,

Nibagamba ebigambo ebiruga omu mutima gwabu?

11Orufunjo nurusobora okumera hataloho sabu?

Omubimbiri nugusobora okumera hataroho maizi?

12Obugukiri omubisi, gutakatemerwe,

Gwanguha okuhotoka okukira ebinyansi ebindi byona.

13Nukwo emihanda eri eya bona abarukwebwa Ruhanga;

Kandi okunihira kwomu

ntu atarukutina Ruhanga kulibura:

14Obwesigebwe bulicweka hagati,

Kandi okwesigakwe kuli ha nju yenyamububi.

15Alyesigamira ha njuye, baitu terigumaho.

Aligikwata namani, baitu teriikaraho.

16Ali mubisi omu maiso gizoba,

Nobutagibwe bugaliha okuhikya orugonjorwe.

17Emihamaye ekwata ha mutamo,

Arora ekiikaro ekyamabale.

18Obwalihwereke’ra omu kiikarokye.

Nubwo kirimwehakana ngu Tinkuboine.

19Dora, nukwo kusemererwa okomuhandagwe,

Kandi omu itaka halirugamu abandi.

20Dora, Ruhanga talinaga omuntu ahikirire,

Kunu talisagaki abakozi bobubi.

21Aligaruka okuijuza akanwa kawa nokuseka,

Neminwa yawe nokutoka.

22Abo abakunobere balijwara ensoni;

Nehema eyomubi teribaho.