Swahili Bible2

7

1ABANTU tibanyina obulemu ha nsi?

Nebirobye tibirukusisana nkebiro byomuntu akolereza empera?

2Nkomuiru ayegomba ekiituro,

Nkanyakukolereza empera okwarole’ra omusaragwe:

3Nukwo nagweserwe amezi agatarumu,

Nebiro ebitali byokuhumura nibyo byanterirweho.

4Obumbyama ningamba nti

Ndaimuka di? Baitu ekiro kyeyongera;

Nimbugabuga okukiisa obuire.

5Omubiri gwange gujwaire enzito nobukama bwecucu:

Oruhu rwange ruigara, kandi rugaruka okucweka.

6Ebiro byange nibyanguha okukira entabalizi yomuruki wengoye,

Nimbimaraho hatali kunihira.

7Ai bambi, ijuka obwomezi bwange, nurwo rwoya kwonka:

Eriso lyange tiririgaruka okubona ebirungi.

8Eriso lyogu arukumbona tirigaruka okumbona:

Amaiso gawe galindole’ra, baitu tindibaho.

9Nkekiho okukihwaho nikibura,

Nukwo ogu asirimuka okuzimu taligaruka okukununuka.

10Taligaruka obundi omu njuye, Kunu ekiikarokye tikirigaruka okumumanya.

11Nikyo ntalitangira akanwa kange;

Ndigamba omu kusalirwa okwomwoyo gwange;

Ndihyema habwokusa’ra okwomu bwomezi bwange.

12Ninyowe nyanja, rundi endyoka eyomu nyanja,

Iwe okuntaho abokundole’ra?

13Obungamba nti Ekitabu kyange kirampumuza,

Okubyama kwange kurakehya okuhyema kwange;

14Nubwo ontinisa nebiroto,

Nonkanga nokolekwa:

15Nukwo obwomezi bwange nubwegomboza okunigwa,

Nokufa, okukira amagufa gange ganu.

16Ninuga obwomezi bwange;

tindukwenda okwomera ebiro byona:

Ndeka; baitu ebiro byange nibyo bitarimu.

17Omuntu kiki, iwe okumunyumiza,

Nokumutaho omutima gwawe,

18Nokumubungira obukyabukya,

Nokumulengalenga okutaikya?

19Olihikya nkaha okutanyihaho amaiso gawe,

Kandi okutandeka omwanya,

mire amacwanta gange?

20Obundabe nsisire, iwe omurolerezi wabantu?

Kiki ontaireho nkekintu kyawe ekyokuba’ra engobe,

Nukwo okulemara ninyeremeza nyenka?

21Kiki okutaganyira ekyokusisa kyange,

Noihaho okutahiki’ra kwange,

Baitu hati ndabyama omu cucu;

Kandi olyekamba okunse’ra, baitu tindibaho.