Swahili Bible2

6

1NUBWO Yobu yagarukamu nagamba ati

2Ai bambi, kuba obujune bwange bulengerwe,

Nomuhito gwange gutairwe omu minzani hamu!

3Baitu byakukizire obulemezi omusenyi gweyanja:

Nikyo ebigambo byange byanguhire.

4Baitu engobe Zowobusobozi bwona ziri omunda yange,

Obusegwe omwoyo gwange obugunywa:

Ebirukutinisa ebya Ruhangabyesimbire enyi’ri okurwana nanyowe.

5Entulege egamba etungire obunyansi?

Rundi ente enuga obwerya ebyokulya byayo?

6Eki ekitarumu rusa nikiribwa hatali ekisura?

Rundi harumu okunura omu maizi gihuli?

7Obwomezi bwange bwangire okubikoraho;

Nibisisana namberendi nkebyokulya ebinugwa.

8Kuba ninsobora okutunga ekindukusaba;

Ruhanga ampe ekindukwegomba!

9Kuba Ruhanga aikirize okunsasangura;

Alekere omukonogwe, a’maleho!

10Nubwo nakutungire okuhumuzibwa;

Ego nakugumisisrize okusasa okutarukuganyira;

baitu tinyangire ebigambo bya Arukwera.

11Amani gange kiki, nyowe ntegereze?

Nempero yange kiki, nyowe ngumusirize?

12Amani gange nigo mani gamabale?

Rundi omubiri gwange gwomulinga?

13Tinikyo kinu, nyowe okutaba nokukonyerwe omuli nyowe,

Kandi okukora okurukugasa

kubingirwe kimu namberendi?

14Ogu ali haihi okuruhi’ra, kihikirire enganjaniye amugi’re embabazi;

Ogu a’sana okuleka okutina

Wobusobozi bwona

15Bagenzi bange bakozire nobugobya nkakambu,

Nkomuhera gwobwambu oguhwaho;

16Obuiragura habwamaizi agakwasire,

Nambere ebirika byesereka:

17Obubutagara bubura:

Okwokya obukubaho buhwaho omu kiikaro kyabwo.

18Esafali ezigenda ha rubaju rwabwo zihunguka;

batemba omu irungu, bahwereke’ra.

19Esafali za Tema zase’ra.

Ebitebe bya Seba byabategereza.

20Bakwatwa ensoni, baitu bakaba nibanihira;

Bahikayo, baburangana.

21Baitu hati bunu inywe timuli kintu;

Nimurora ekirukutinisa, nimutina.

22Nkagamba nti Mumpe?

Rundi nti Muheyo ekisembo habwange omu bintu byanyu?

23Rundi Munjune omu Mukono gwomunyanzigwa?

Rundi nti Muncungule omu Mukono gwabarukwendereza?

24Munyegese kandi ndaculera:

Mumanyise ekinasobeze.

25Ebigambo ebyokuhiki’ra ka byamani!

Baitu okuhakana kwanyu nukuhana ki?

26Inywe nimutekereza okuhana ebigambo?

Baitu ebigambo byomuntu alekere okunihira biba nkorwoya kwonka.

27Ego, inywe mwakutomire atanyina ise, Nimusagisa amagoba ha nganjani yanyu.

28Nukwo hati bunu muikirize okundole’ra;

Baitu mazimakwo timbihe bisuba omu maiso ganyu.

29Mugaruke mbesengerize, hatabaho okutahiki’ra;

Ego mugarukemu, obulyo bwange buhikirire.

30Haroho okutahiki’ra ha rulimi rwange?

Okuroza kwange tikurukusobora okubaganizamu ebireta akabi?