Swahili Bible2

5

1KUNGA; haroho nomu alikugarukamu?

Kandi olihindukira oha omu barukwera?

2Baitu okubihirwa nukuita omuntu omudomadoma,

Kandi nihali niriita omusema

3Nkarora omudomadoma nasimba emihama:

Baitu ahonaho nakyena ekiikarokye ekyokuikaramu

4Abanabe bali hara nobusinge,

kandi basasangurwa omu irembo,

Kunu tiharoho owokubajuna.

5Amagesa gabu omujara agalya.

Nagaiha nomu mahwa,

Kandi obuhya bwasamira ebintu byabu.

6Baitu omuhito tiguruga omu cucu.

Nobubwakuba obujune tibwaruka omu itaka;

7Baitu omuntu aza’rwa obujune,

Nkakasazi okugataraka haiguru.

8Baitu nyowe nakuseruire Ruhanga,

Kandi Ruhanga nuwe nakusigire obulyo bwange:

9Arukukora ebigambo ebikuru

kandi ebitarukuse’rwa;

Ebyamahano ebitabarwa omuhendo:

10Anaga enjura ha nsi,

nasindika amaizi omu misiri:

11Nukwo anyumiza haiguru abo abaganya baimukibwa okuikara nobusinge.

12Aburanganiza okuhyangya kwabagobya,

Nikyo engaro zabu ziremera okuhikiriza ekibatandika.

13Akwata abamagezi omukuhyangya kwabu bonka:

Nokuhuhanura okwabamyehembo kujumikirwa kimu.

14batangatangana nomuirima enyamusana,

Nibahamanga omu ihangwe nkekiro.

15baitu uwe ajuna hali busitama eyakanwa kabu,

Abanaku omu Mukono gwowamani.

16Nukwo omunaku aba nokunihira,

Nokutahiki’ra nukubumba akanwa kakwo.

17Dora, anyina omugisa omuntu ogu Ruhanga owahana:

nukwo otaligaya okubonabonesa Kwowobusobozi bwona.

18Baitu asaliza, kandi aboha;

Ahutaza, kandi engaroze zikiza.

19Alikujuna omu bujune mukaga;

Ego, omu musanju akabi kona yikalikukoraho.

20Omu njara alikucungura omu kufa;

Nomu bulemu hali obusobozi bwa Busitama.

21Oliserekwa hali okubata okworulimi;

Kunu otalitina okuhwereke’ra obukulihika.

22Okuhwereke’ra nenjara olibiseka;

Kunu otalitina enyamaiswa ezensi

23Baitu oliragana ekiragano namabale gomu bwe’re;

Nenyamaiswa ezomu kisaka

ziriterana naiwe nobusinge.

24Kandi olimanya ehema yawe ikaire nobusige;

Kandi olibungira isibiko lyawe, kunu toliburwa kintu.

25Kandi olimanya oruzaro rwawe okuruliba rukur,

Nabaijukuru bawe nkobunyansi bwitaka.

26Olihika ha kina kyawe ogurusire muno,

nkekiba kyengano okukihunikwa omu kasumi hakyo.

27Dora, eki tukakise’ra, nukwo kiri kiti;

Kihu’re okimanye obwomugisa gwawe.