Swahili Bible2

41

1NOSOBORA okucunda empyonirobo?

Rundi okuboha orulimi rwayo nomuguha?

2Nosobora okurabya omuguha omu nyindo zayo?

Rundi okufumura orusaya rwayo nekyoma?

3Erikwesengereza muno?

Rundi eribaza naiwe ebigambo ebihehire?

4Eriragana naiwe ekiragano?

Omutwale okuba omuiru wawe ebiro byona?

5Oligizanisa nkokwozanisa enyonyi?

Rundi oligiboha habwabazana bawe?

6Ebihanda ebyabasohi bence biriihamu obusubuzi?

Baligibagana nabaguzi?

7Nosobora okuijuza oruhu rwayo ebyoma ebiroho amarobo?

Rundi omutwe gwayo namacumu agacumita encu?

8Giteho omukono gwawe!

Ijuka obulemu oleke okweyongera okukora oti.

9Dora, okunihira egi kwa busa

Omuntu tayekanga obwagirora kwonka?

10Busaho wobumanzi ati okutembe’ra natembe’ra okugiimukya:

Nukwo araha ogu arukusobora okweme’ra omu maiso gange?

11Noha yabandize okumpa nyowe’ musasule?

Byona ebiri hansi yiguru lyona byange.

12Tincule’re maguru gayo

Nobugakuba amani gayo amaingi, nobukwakuba okuteranizibwa kwayo okurungi.

13Noha asobora okujura ekyokujwara kyayo ekyaharuguru?

Noha arataha omuda yensaya zayo ibiri?

14Noha asobora okukingura enyingi ezamaiso gayo?

Okutinisa nukwehinguliriza amaino gayo.

15Amagamba gayo agamani nukwo kwenyumizi kwayo,

Gabohangaine nkemanyikirizo okweboha.

16Erimu nirirterana liti nerindi,

Orwoya okusobora tirurukusobora okuraba hagati.

17Gateranizibwa hamu;

Gakwatana hamu, okusobora tigarukusobora okubaganizibwa.

18Orwoya orwomu nyindo zayo nurwangasana nkomusana,

Namaiso gayo nigasisana nkebikohi byorukyakya.

19Omu kanwa kayo haruga ebimuli ebirugamu.

Namasasazi gomu’ro gaguruka okurugamu.

20Omu nyindo zayo harugamu omuika,

Nkogwekinaga ekirukutokomera, kandi nkamabingo agahire.

21Orwoya rwayo nurucumika amakara,

Norulimi rwomu’ro ruruga omu kanwa kayo.

22Omu bikya byayo nuho harumu amani

Kandi okwekanga kuguruka omu maiso gayo.

23Eminofu eyomubiri gwayo eteranizibwa:

Egumira haliyo, terukusobora okutengeta.

24Omutima gwayo gugumire nkibale;

Ego gugumire nkorubwngo.

25Obweyimuka abamani batina;

habwakufube’ra bagwa iraro.

26Obubagitegeka busitama tegasa;

Nobulyakuba icumu, nempirima, nomuhanda ogusongoire.

27Ebali’ra ekyoma nkobunyansi,

Nomulinga egubali’ra nkomuti ogujunzire.

28Engobe terukusobora okugibinga;

Obubale obwomwesuso butoka nkebisinga nambereri.

29Nimiigo egyeta ebisunga:

Eswka okuhi’ra okwempirima.

30Ebicweka byayo ebyahansi biri nkenguhyo ezobwogi:

Esisana nkecundire ha saba ekyoma ekihura.

31Etokomeza enziha nkekinaga:

Esisaniza enyanja nkesabuni ehire.

32Eyabgasaniza omuhanda hanyuma yayo;

Omuntu yakutekeruze enyanja emezere enju.

33Busaho kintu ekigiingana hansi,

Erukurwa etarumu okutina.

34Erole’ra byona ebinyumizibwe haiguru:

Nuwe mukama waban bona abemyehembo.