Swahili Bible2

4

1NUBWO Erifazi Omutemani yagarukamu yagamba ati

2Omuntu obwaralengaho okubaza naiwe, orabihirwa?

baitu noha asobora okweyigaliriza okutagamba?

3Dora, iwe okegesa baingi,

kandi wagumya emikono emiceke.

4Ebigambo bwage bikasagika

ogu akaba ali haihi okugwa,

Kandi wagumya amaju agatanyina amani.

5Baitu hati bunu kihikire namberoli, kandi oruhirire;

Kikukozireho, kandi otuntuzibwe.

6Okutina Ruhanga kwawe tinubwo bwesige bwawe,

Nokunihira kwawe okuhiki’ra okwemihanda yawe?

7Ijuka, nkwesengerize, noha arahwerekerire atanyina musango?

Rundi abahikirire baramalirweho nkaha?

8Nka nyowe okunaboine, abo abalima okutahiki’ra,

Nibasiga obubi, nibyo bagesa.

9Habworwoya rwa Ruhanga bahwereke’ra,

Kandi habwekiyaga ekyekinigakye bama’rwaho.

10Okububura okwentale, niraka eryentale eruku’ruma,

namaino agentale ensigazi, gacwekere.

11Entale engurusi efa, baitu omuhigo gugisiga,

Nobwana obwebtale ebuguma burarangana hona.

12Lero ekigambo kikandeterwa omu nsita,

Okutu kwange kwahu’ra nkokubaza ebihwa.

13Omu kutekereza okurukuruga omu biroto ebyekiro,

Oturo otwingi obutukwata abantu,

14Okutina kwankwata, nokutukumira,

Kwatengesa amagufa gange gona.

15Nubwo omuzimu gwarabaho omu maiso gange;

Obwoya obwomubiri gwange bwasasuka.

16Gwayeme’raho, baitu ntasobole okwetegereza okusisana kwagwo;

Ekiituru kikaba kiri omu maiso gange:

Haculera, nahu’ra iraka ngu

17Omuntu arukufa, alikira Ruhanga okuhiki’ra

Omuntu alisemera okukira

Omuhangiwe?

18Dora, tarukwesiga na kake abairube;

Na bamaraikabe abatera obudoma:

19Kirisura ki hali abo abaikara omu nju ezitaka,

Emiganda yabu eri omu cucu,

Abasasangurwa omu maiso genyenje!

20Omu mwanya gwa nyenkya

na kairirizi bacwacwanwa:

babura okuhikya ebiro byona, kunu gusaho akitaho omutima.

21Omuguha gwabu ogwehema tiguihwa omunda yabu?

bafa, kandi hataroho magezi.