Swahili Bible2

33

1BAITU, Yobu, nkwesengerize, ohu’re okugamba kwange,

Otegere okkutu ebigambo byange byona. 2Dora nu, nyasamize akanwa kange,

Orulimi rwange rugambire omu kanwa kange.

3Ebigambo byange biribaza amazima agomu mumutima gwange:

Eki eminwa yange ekyemanyire nikyo eragamba omu mananu.

4Omwoyo gwa Ruhanga gukankora, Orwoya Orwowobusobozi bwona nurumpa obwomezi.

5Oraba nosobora ongarukemu;

Terekereza ebigambo byawe omu maiso gange, oyeme’re aho.

6Dora, nyowe ndi hali Ruhanga nkaiwe okwoli:

Nanyowe nkabumbwa omu itaka.

7Dora, okutinisa kwange tikulikutinisa,

Kunu obulemezi bwange tibulikulemera.

8Mazimakwo obuwagambire nyowe nkahu’ra,

Nahu’ra iraka eryebigambo byawe, ngu

9Nyowe nsemire, tindoho okusisa;

Tinyina omusango, nobukwakuba okutahiki’ra tikuli omuli nyowe;

10Dora, anzoramu ebyokuhakanira,

Nambali’ra okuba omunyanzigwawe;

11Ata ebigere byange omu nkomo,

Andole’ra emihanda yange yona.

12Dora, ndakugarukamu, omu eki toil wobulyo;

Baitu Ruhanga nakira omuntu obukuru.

13Nohakanira ki nauwe?

Baitu tarukubali’ra ebigambobye byona.

14Baitu Ruhanga agamba omurundi gumu,

Ego, emirundi ebiri nobwabantu batakitaho omutima.

15Omu kiroto, omu kwolekwa okwekiro,

Oturo twinge obutugwa ha bantu,

Obubagwajagira ha kitabu;

16Nubwo aigura amatu gabantu,

Nata emanyikirizo ha kwegesebwa kwabu,

17Atange omuntu hali eki ekyamalirire,

Asereke emyehembo hali omuntu;

18Atanga obwomezibwe butasirimuka omu kina,

Obwomezibwe buleke okuhwereke’ra habwa busitama.

19Kandi abobabonesebwa obuhuruzi ha kitabukye,

Nokurwana okutahwaho omu magufage:

20Nukwo obwomezibwe bunuga ebyokulya,

Nemaye enuga ebyokulya ebyobunuzi.

21Omubirirgwe gumarwaho, kunu tigusobora okuzoka;

Namagufage agakaba gatarukubonwa nigaturuka. 22Ego, omwoyogwe gui’ra haihi nekina,

Nobwomezibwe hali abahwerekereza.

23Obuharaba haroho maraika hamu nauwe,

Omudumi, omu hali orukumi,

Okwoleka omuntu ekimuhikirire;

24Nubwo aba wembabazi namberali, nagamba ati

Mujune atasirimuka omu kina,

Mboine ekicunguro.

25Omubirigwe guliba muhyaka okukira ogwomwana omuto;

Agaruka omu biro ebyobutobwe:

26Asaba Ruhanga, kandi amukwatirwa embabazi;

Nukwo arora amaisoge nokusemererwa:

Kandi agaru’ra omuntu okuhiki’rakwe.

27Azina omu maiso gabantu nagamba ati. Nsisire, kandi nkahabisa eki ekikaba kiri kirungi,

Kunu tikirukungasira:

28Anunuire obwomezi bwange butagenda omu kina,

Kandi obwomezi bwange bulirora omusana.

29Dora, ebi byona Ruhanga abikora,

Emirundi ebiri, ego, emirundi esatu, hali omuntu,

30Aga’re obwomezibwe nabuiha omu kina,

Amulikwe omusana ogwabomezi.

31Yetegereza muno iwe Yobu, ohu’re nyowe:

Huna, nanyowe ndagamba.

32Oraba onyina ekyokugamba ongarukemu:

gamba, baitu ningonza okukuihaho omusango.

33Obukiraba kitalikyo, hu’ra nyowe:

Culera, nanyowe ndakwegesa amagezi.