Swahili Bible2

30

1BAITU hati bunu abo abandukukira obukuru nibansekereza,

Baisebo abanagayire okuta hamu nembwa ezigana lyange,

2Ego, amani agemikono yabu gakungasire ki?

Abasaija abahoirwemu obusigazi.

3Banukire habwokusega nenjara;

Nibanena itaka eryomere omu kizima ekiirungu nebitongo.

4Nibanoga omugobiswa omu kisaka;

Nemihama yendale nibyo byokulya byabu.

5Babingwa hagati yabantu;

Bayami’ra enyuma yabu nkokubayamu’ra omusuma.

6Kibahikirire okuikara omu bihamanga ebyebihanga,

Omu buingira bwitaka namabale.

7Nibali’ra omu kisaka;

Hansi yomumya besoroize hamu.

8Bana babadomadoma, ego, bana babasaija abatanyina amabara;

Bakaterwa enkoba nibabingwa omu nsi.

9Kandi hati bunu nfokere ekizina kyabu,

Ego, nfokere nkenganikyo nambere bali.

10Banugire, banyemerire hara,

Tibarukutina okuncwera amacwanta ha maiso.

11Baitu abohoroire omuguhagwe, ambonaboneseze,

Kandi banagire orukoba omu maiso gange.

12Na mukono gwange ogwobulyo haimukire igana lyabagwagwa;

Nibacuma kuli ebigere byange,

Nibatuta namberendi emihanda yabu eyokuhwerekereza.

13Basisa omuhanda gwange,

Bakanyisa omuhito gwange,

Abasaija abatanyina mukonyezi.

14Baija nkokubarabire omu kihuru ekigalihire:

Hagati omu bitongo bangwaho.

15Ebitinisa bihindukire okungwera,

Nibihigana ekitinisa kyange nkomuyaga;

Nomugisa gwange guhoireho nkekiho.

16Kandi hati bunu obwomezi bwange busesekere omunda yange;

Ebiro ebyomuhito binkwasire,

17Omu buire obwekiro amagufa gange gacumitwa omunda yange,

Nobuhuruzi obunduma tibuhumura.

18Habwamani amaingi agendwara yange ekyokujwara kyange kisisikaire:

Kingumireho nkebikya ebyekizibaho kyange.

19Anagire omu sabu,

Nfokere nkecucu niju.

20Ninkukunga, tongarukamu:

Ninyimuka, kandi nondera kwonka.

21Ohindukire oku’runma namberendi:

nomopigana nobusobozi obwomukono gwawe.

22Nompimbira omuyaga, nongutrmbya nkekisoro;

Onyagize omu kai’ringwa.

23Baitu manyire olimpikya hali okufa,

Kandi hali enju eterihweho abomezi bona.

24Mazimakwo taligo’ra omukonogwe hali omutumo ogwebikamburu;

Nobuhokuba omu kuhwereke’rakwe, omuntu asobora okwamuza habwebi.

25Nyowe ntaliri’re ogu akabali omu bajune?

Obwomeezi bwange butaganye habwogu ayasegere?

26Obunanihire ebirungi, nubeo akabi kaizire obu,

Obunategerize omusana,nubwo haizere omuirima.

27Ebyomunda yange nibyokya, tibirukuhumura;

Ebiro ebyomuhito bimpikireho. 28Ningenda ninganya hataloho izoba:

Nyimuka omu iso’rokaniro, ninkunga bankonyere.

29Ndi mugenzi webiha,

Kandi omutahi wehudu.

30Oruhu rwange ruiraguire, nurumbambukaho,

Namagufa gange gahire nekibabu.

31Nikyo enanga yange efokire okuganya,

Nenyamulere yange efokere iraka lyabo aba’ra.