Swahili Bible2

27

1KANDI Yobu yagaruka okuleta orufumorwe, nagamba ati

2Nka Ruhanga okwali omwomezi, ayaihireho obulyo bwange;

Nowobusobozi bwona, ayasalize obwomezi bwange;

3( Baitu obwomezi bwange bukiri omuli nyowe,

Norwoya rwa Ruhanga ruli omu nyindo zange;)

4Mananukwo eminwa yange teribaza okutahiki’ra,

Kunu orulimi rwange tiruligamba ebisuba.

5Tikisoboka nyowe okubaihaho omusango:

Okuhikya okufa kwange tidyeyihaho okuhiki’rakwange.

6Okuhiki’ra kwange ninkukwatira kimu, tindikuleka na kake:

Omutima gwange gutalincwera omusango obunkiri omwomezi.

7Omunyanzigwa wange abe nkababi,

Ogu anyimuki’ra abe nkatali wokuhiki’ra.

8Baitu okunihira kwatarukutina Ruhanga kulinkaha, nobwatunga itungo,

Ruhanga obwamuihaho obwomezibwe?

9Ruhanga alihu’ra okukungakwe,

Obujune obubumuhikaho

10Ogu alisemererwa Owobusobozi bwona,

Nakunga Ruhanga obutosa?

11Ndabegesa ebyomukono gwa Ruhanga;

Eki ekirir Nowobusobozi bwona tinkisereke.

12Dora, inywe inywena mukiboine inywenka:

Nukwo, kiki ekyabafoire nkabatarukugasa na kake?

13Gunu nugwo mugabo gwomuntu omubi ahali Ruhanga:

Nobugwetwa gwaberenge’ra obubahabwa hali Owobusobozi bwona

14Abanabe obubakanya, buli bakanyire busitama;

Nabaijukurube tibalitera empamo.

15Abo abasigaraho barazikwaga omu kufa,

Nabafakatibe tibalitera empamo.

16Nobwakanyisa efeza nkecucu,

Natekaniza ebyokujwara nkiitaka;

17Rundi abitekaniza, baitu abahikirire balijwara,

Nabatanyina omusango balibagana efeza.

18Ayombeka enjuye nkenyamambubi,

Kandi nkorukande omulinzi orwatema.

19Abyama ali muguda, baitu talisorozebwa;

Aigura amaisoge, baitu afire.

20Epumpu zimukwata nkamaizi;

Ekiyaga kimuiba ekiro.

21Omuyaga ogwoburugaizoba gumuihaho agenda;

Gumusingo’ra omu kiikarokye.

22Baitu Ruhanga alimuhungu’ra, kunu taliganyira;

Okugopnza nagonza okuiruka omukonogwe.

23Abantu balimute’ra enkwakwa,

Balimusimuza okumubinga omu kiikarokye.