Swahili Bible2

22

1NUBWO Erifazi Omutemani yagarukamu nagamba ati

2Omuntu nasobora okugasira Ruhanga?

Mazimakwo anyakuli wamagezi ayegasira wenka.

3Nikisemeza Owobusobozi bwoba, iwe okuhiki’ra?

rundi nikimuletera amagoba, iwe okuhikiriza emihanda yawe?

4Iwe okumutina nikyo akuhanira?

Nikyo atonganira naiwe ebyomusango?

5Obubi bwawe tibuli bwingi?

Kunu ebyokutahiki’ra byawe tibinyina ha bigarukira.

6baitu okaka mugezi wawe emikwatirizo hatali bulyo,

Wajura abali kwonka ebyokujwara byabu.

7Otabahe amaizi abowanyu abaruhire,

Waima omujara ebyokulya.

8Baitu omusaija wamani, nuwe yatungire nsi;

Omusaija owekitinisa nuwe yagiikairemu.

9Okabinga abafakati batanyina kantu,

Nemikono yabatanyina baisebo yahendeka.

10Nikyo emisuso ekwehingulirirze,

Kandi okutinisa okwa bwango nukukutuntuza,

11Rundi omuiruma, oleke okuhweza,

Namaizi amaingi gakusweka.

12Ruhanga tali omu iguru haiguru?

Kandi dora enyunyuzi okuziraihire muno!

13Kandi ogambire oti Ruhanga namanya ki?

Nasobora okucwa emisango nayema omu muirima kasira?

14Ebicu ebikwasire bimuswekaho, nokurora atarukurora;

Kandi agendera omu nkulingo eyiguru.

15Nogonza okukwata omuhanda ogwaira

Abantu ababi ogubalibataga?

16Abaihirweho bwango empikozabu zitakahikire,

Abaseserwe emiganda yabu nkebitungezi:

17Abagambire Ruhanga ngu Oturugeho;

Kandi ngu Owobusobozi bwona nasobora okutuko’ra ki?

18Baitu akaijuza enju zabu nebintu ebirungi:

Baitu okuhanura kwababi kundi hara.

19Abahikirire bakirora, kandi basemererwa; nabataroho musango babasekereza:

20Nibagamba ngu Mazimakwo abo abatuimukire bamazirweho,

nabasigaire balibo omu’ro gwabalya.

21yegara ‘nu haliwe, obe nobusinge:

Nukwo omugisa guliija namberoli.

22Ikiriza, nkwesengerize, ebiragiro ebiruga omu kanwake,

Oyahule ebigambobye omu mutima gwawe,

23Obwoligaruka hali Owobusobozi bwona olyombekwa;

Obwoliirizayo okutahiki’ra hara nehema zawe.

24Kandi ote itungo ltawe omu cucu,

Nezabu ya Ofiri omu mabale gakambu;

25Kandi Owobusobozi bwona nuwe aliba itungo lyawe,

nefeza eyomuhendo namberoli.

26Baitu nubwo olisemererwa Owobusobozi bwona,

Kandi oliimukya amaiso gawe hali Ruhanga.

27Olimusaba, kandi alikuhu’ra;

Kandi olimara okweraga kwawe.

28Kandi oliragira ekigambo,

kirirgumaho namberoli;

Nomusana gulimulikira emihanda yawe.

29Obubalikunaga hansi, ongamba oti Haroho okuimukibwa;

Kandi omuntu omuculezi alimujuna.

30Alijuna omuntu nobwaloho musango:

Ego alijunwa habwokusemera okwengaro zawe.