Swahili Bible2

21

1NUBWO Yobu yagarukamu nagamba ati

2Mwekambe okuhu’ra okugamba kwange;

Kandi eki kibe okuiruki’ra kwanyu.

3Mundeke, nanyowe ngambe;

Kandi obundamara okugamba, mweyongere okutera enaku.

4Baitu nyowe nimpyemera abantu?

Kandi nyowe okutanguhiriza niki?

5Mundole’re, muhuni’re,

Mute engaro zanyu ha kanwa kanyu.

6Nobundukuijuka nintuntura,

Okwekanga nukukwata ha mubiri gwange.

7Kiki ababi okuba abomezi,

Nokugurusa, ego, nibafoka bamani omu busobozi?

8Oruzaro rwabu rugumibwaho hamu nabo omu maiso gabu,

Nabaijukuru babu omu maiso gabu.

9Enju zabu ziba businge hataroho kutina,

Kunu omuigo gwa Ruhanga tigubahikaho.

10Enimi yabu eyema kunu teba kimasa;

Ente yabu ehaka, kunu tetoroga.

11Basindika abana babu abato nkigana,

Nabana babu bazina.

12Bazinira ha njogera nenanga,

Basemerwa habwokugamba kwenyamulere.

13Bamara ebiro byabu baboine omugisa,

Nahonaho basirimuka okuzimu.

14Baitu bagambira Ruhanga ngu Oturugeho;

Baitu titurukugonza okumanya okwemihanda yawe.

15Wobusobozi bwona noha, itwe tumuko’re?

kandi tulitunga ki obutulimusaba?

16Dora, omugisa gwabu tiguligwomu mukono gwabu bonka

Okuhamura okwababi kundi hara.

17Etabaza eyomubi erazibwa emirundi ingaha?

Nomuhito gwabu okubahikaho?

Ruhanga nagaba obujune omu kubihirwakwe?

18Kandi bo okuba nkembiba omu maiso gomuyaga

kandi nkebisunga ebitwarwa ekiyaga?

19Inywe nugambire ngu Ruhanga ayahu’ra abana okutahiki’ra.

leka amusasule wenka, akumanye wenka.

20Leka amaisoge wenka garole okuhwereke’rakwe,

Kanywe ha kiniga Kyowobusobozi bwona.

21Baitu asemererwa ata enjuye hanyumaye,

Omuhendo ogwamezige obugusarwa hagati?

22Haroho alyegesa Ruhanga amagezi?

Baitu acwera omusango abo abanyumizibwa muno.

23Omu afa namanige gona,

Ahumulire kimu namirembe yonka:

24Amaberege gaijuire amata,

Nomusoina ogwamagufage mubisi.

25Ondi afa omu kusa’rwa okwomwoyo,

Taroza ha mugisa ebiro byona.

26Babyama bombi omu cucu,

Enzito zibasweka.

27Dora, manyire ebitekerezo byanyu,

Namagezi agamuncwerire hatali bulyo.

28Baitu nimugamba ngu Enju yomukuru erinkaha?

nehema erinkaha ababi eyibaikaramuga?

29Timukakaguzaga abo abagenda omu muhanda?

Kunu timurukumanya obwokuro’raho bwabu?

30Ngu omuntu omubi aganyirwa omu kiro kyomuhito/

baturukibwa aheru omu kiro kyekiniga?

31Noha alimanyisa omuhandagwe ha maisoge?

kandi noha alimusasasura eki ekiyakozire?

32kandi alihimbwa natwarwa hali ekina,

Kandi balirole’ra ekiturokye.

33Entaka ezekihanga zimuheheza,

Nabantu bona balimukuratira,

Nkokubakaba bali baingi abamubandize.

34Nukwo inywe nimumpumuliza ki nebitarumu,

Baitu omu kugarukamu kwanyu harumu ebisuba byonka?