Swahili Bible2

19

1NUBWO Yobu yagarukamu nagamba ati

2Mulihikya nkaha nimubihiza obwomezi bwange,

Nimucwacwana nebigambo?

3emirundi egi ikumi munjumire:

Timukwasirwe ensoni okunyendereza.

4Gamba nsisire nyowe,

Okusisa kwange kuikaire nanyowe nyenka.

5Obumugenderire okunyenyumirizaho inywenka,

Nokuntonga ekijumo kyange:

6Mumanye hati bunu ngu Ruhanga ampenderire obulyo bwange

Kandi enyehingulirize nakatimbake.

7Dora, ninyamuza habwokukorwa kubi, baitu timpulira:

Ninkunga okukonyerwa, baitu busaho okucwa omusango.

8Aigaire omuhanda gwange norugo tindukusobora okuhinguraho,

Ataire omuirima omu mihanda yange.

9Anjuire ekitinisa kyange,

Aihire ekondo ha mutwe gwange.

10Ansesere ha mbaju zona,

kandi mpoireho:

11Kandi anyakizeho ekinigakye,

Nantekereza okuba namberali nkomu hali abanyanzigwabe.

12Iherye niriramaga hamu,

batuta omuhanda gwabu namberendi,

batema orukande okwehinguliriza ehema yange.

13Anyirize hara bagensi bange,

Na batahi bange banyefokolire mali.

14Bene baitu balemere,

Nenganjani zange mali banyeberwe.

15abo abarukuikara omu nju yange, nabazana bange,

nibantekereza okuba omunyaihanga:

Ndi musuhuki omu maiso gabu.

16Ninyeta omuiru wange, tanyetebuka

Nobundukumwesengereza nakanwa kange.

17Orwoya rwange mukazi wange tarumanyire,

Nokwesengereza kwange tikumanyirwe abana abenda yange

18nabana abato bangaya;

Obundukuimuka, banjuma.

19Enganjani zange zona ezindukuhunura nazo ezindukuhanura nazo banugire:

nabo abanagondeze banyefokolire.

20Igufa lyange nirigumira ha ruhu rwange na ha nyama yange.

kandi nkizire nekisusu ekyaha maino gange.

21Munganyire, munganyire, ai bambi enganjani zange;

baitu omukono gwa Ruhanga gunkozireho.

22nimumpiganira kin ka Ruhanga

Kunu omubiri gwange tigubamara?

23Kuba ebigambo byange bihandikirwe!

kuba bihandikirwe omu kitabu!

24Kuba bisazirwe omu ibale.

Nekaramu eyekyoma nekirasasi okuhikya ebiro byona!

25baitu manyir nti omucunguzi wange aikaraho,

kandi nti alyeme’ra hansi ha mpero:

26kandi oruho orwomubiri gwange oburulikamara okuhwereke’ra,

Baitu hatali omubiri gwange ndirora Ruhanga:

27Oundirora habwange,

Namaiso gange galirora, kunutali ondi.

Ebyomunda yange bimazirwemu.

28Obumuraba nimugamba ngu Tulimuhigana!

Baitu ekikoro kyekigambo kiri omuli nyowe:

29Mutine busitama:

Baitu ekiniga nikireta okubonabonesebwa busitama,

Nukwo mumanye ngu haroho okucwerwa omusango.