Swahili Bible2

15

1NUBWO Erifazi Omutemani yagarukamu nagamba ati

2Omuntu owamagezi ahikirire okugarukamu nokumanya okutarumu,

Nokuijuza endaye nomuyaga gwoburugaizoba?

3ahikirire okuhakana nebigambo ebitarukugasa,

Rundi nokubaza okutasobora okukora ebirungi?

4Ego, noihaho okutina,

Notanga okugonza Ruhanga omu maisoge,

5baitu okutahiki’ra kwawe nukwegesa akanwa kawe,

Noyegomboza orulimi orwengobya.

6Akanwa kawe wenka niko kakucwerire amusango, kunu tali nyowe;

Ego, eminwa yawe wenka ekugambireho nka kaiso.

7Niwe wokubanza ha Bantu abazairwe?

Rundi okazarwa okubanza ensozi?

8Orahulire okuhanura kwa Ruhanga okwensita?

kandi oigalire amagezi habwawe wenka?

9Omanyire ki itwe ekitutamanyire?

Noyetegereza ki ekitali omulitwe?

10Hamu naitwe haroho abamezere enju nabasaija abagurusire muno,

Abakizire muno ‘so obukuru.

11Okuhumuza kwa Ruhanga kuke, tikururkukumara,

nekigambo ekyabaza empora naiwe?

12Kiki omutima gwawe okukuhabisa?

namaiso gawe nigakoimiza ki?

13iwe okuhinduka omwoyogwawe okurwana na Ruhanga,

Nosindika omu kanwa kawe ebigambo ebirukuingana aho.

14Omuntu kiki, abe asemire?

Nogu arukuzarwa omukazi, abe ahikirire?

15Dora, tarukwesiga abarukwerabe;

Ego, iguru tirisemire omu maisoge.

16Alisura ki omuntu anugirwe kandi ajunzire,

Omuntu arukunywa okutahiki’ra nkamaizi!

17Ndakwoleka, ompu’re;

Neki ekinaboine ndakitebeza:

18( Abantu abamagezi ekibamanyisize

Okuruga ha Baisekurubo,

kunu tibakiserekere;

19Abahairwe bonka ensi,

Kunu busaho omunyaihanga ayarabire omulibo

20Ngu Omuntu omubi arumwa nokusasa ebirobye ogwemyaka eterirweho omwenderezi.

21Okuhi’ra okwokutina kuliomu matuge;

Omu biro ebyomugisa munyagi alimuhikaho:

22Tarukuikiriza ngu aligaruka naruga omu muirima,

kandi busitama eemutegereza:

23Ahambara hara nase’ra ebyokulya, nagamba ati Birinkaha?

Amanyire ekiro ekyomuirima kimalize okuhika:

24Obujune nokuhururwa nibimutuntuza;

Nibimusingura, nkomukama ayetekanize okurwana:

25Baitu akago’ra omukonogwe okurwana na Ruhanga,

Yayehembera Owobusobozi bwona;

26Amujumbutukiraho nengoto egumangaine,

namakundi amakoto agaha bugabubwe:

27Baitu aswekere amaisoge nebisajwabye,

Kandi atungire ebibengo byebisajwa omu mbajuze.

28Kandi aikaire omu mbuga ezafurukirwemu,

Omu nju omuntu wena ezataikaramu,

Ezikaba ziri haihi okufoka emitumo.

29Talifoka omuguda, nebintubye ebiitungo tibiriikaraho,

Nebyana byabu tibiriinama ha itaka

30Taliruga omu muirima;

Omu’ro gulyomya amatagige,

Habworwoya orwakanwake alirugaho.

31Aleke okwesiga ebitarumu nayebiha wenka:

Baitu ebitarumu nibyo biriba emperaye.

32erihikiribwa ebirobye bitakahikirire,

Kandi itagirye tiriikara libisi.

33Alikunkumuka nkomuzabibu emicabibuye etakengere,

Alinaga orwakyorwe nkomuzeituni.

34Baitu ekitebe kyabatarukutina Ruhanga kiriba kigumba

Nomu’ro gulyokya ehema zabo abalya enguzi.

35batwara enda eyitima, bazaar okutahiki’ra,

Enda yabu etekaniza obugobya.