Swahili Bible2

13

1DORA, eriso lyange likarora ebi byona,

Okutu kwange kukahu’ra, kwakyetegereza.

2Ekimumanyire, nanyowe nkimanyire:

Timurukukira amagezi.

3mazimakwo ningonza okubaza Nowobusobozi bwona,

kandi ningonza okuhakana na Ruhanga.

4Bairu inywe muli bahesi bebisuba,

Inywena muli abafuno abatarukugasa.

5Kuba muculerire kimu!

Eki kyakubaire amagezi ganyu.

6Muhu’re ‘nu okuhakana kwange,

Kandi mutegere amatu okutongana okweminwa yange.

7Mukigamba habwa Ruhanga nokutahiki’ra,

Nimubaza nobugobya habwe?

8Mulimutaho ekitinisa?

Mulihakanira Ruhanga?

9Kirungi uwe abaseru’re kimu?

Rundi nkomuntu okwabiha omuntu, nikwo mulibiha ogu?

10mazimakwo alibahana, Obumulisorora omu Bantu omu nsita.

11Obukurubwe tibulibatinisa,

Nokutinwakwe tikulibagwaho?

12Ebigambo byanyu ebiijukwa nganikyo ziju,

Enkomera zanyu nizo nkomera zobudongo.

13Muculere, mundeke nyowe ngambe,

Leka binyizire nkokubiragonza.

14Nikingasira ki okukwata omubiri gwange namaino gange,

Ninta obwomezi bwange omu ngaro zange?

15Nobwanyita ndimutegereza;

Baitu nditonganira emihanda yange omu maisoge.

16kandi nikyo kirirfoka okujunwa kwange;

baitu atarukutina Ruhanga taliija omu maisoge.

17Mwekambe okuhu’ra okugamba kwange,

Okuduma kwange kutahe omu matu ganyu.

18Dora ‘nu. Nterekerize okutongana kwange;

Manyire nti mpikirire.

19Ali nkaha alihakana nanyowe?

baitu hati bunu ndaculera nimpayo obwomezi.

20Kimu kyonka otankora bigambo bibiri,

Nanyowe tindyesereka hali amaiso gawe:

21Iha omukono gwawe hali nyowe;

Okutinwa kwawe kuleke okuntinisa.

22Nubwo oranyeta nanyowe ndayetebuka;

Rundi nyowe ngambe, iwe ongarukemu.

23Ebyokutahiki’ra byange nebibi byange bingaha?

Omanyire okusisa kwange nekibi kyange.

24Noserekera ki amaiso gawe,

Nonyeta omunyanzigwa wawe?

25Orahigana akababi akarukubingwa omuyaga?

Kandi orahondera ebisunga ebyomere?

26Baitu nompandikira ebigambo ebirukusa’ra,

nongweta ebyokutahiki’ra

ebyobusigazi bwange:

27Kandi ontaire ebigere byange omu nkomo, noita emihanda yange yona;

Nosa’ra omusitale okwehinguliriza ebigere byange:

28Nobundukusisana nkekintu ekijunzire ekirukuhwaho,

Nkekyokujwara ekirirwe enyenje.