Swahili Bible2

11

1NUBWO Zofa Omunamasi yagarukamu nagamba ati

2Ebigambo ebingi tikihikirire okubigarukamu?

Omuntu aijuire ebigambo byakanwa asemerire okuihwaho omusango?

3Okwenyumiza kwawe kuhikirire okuculeza abantu?

Obwotebura, busaho muntu arakukwasa ensoni?

4Baitu ogambire oti Okwegesa kwange kusemire,

Baitu nyowe nsemire omu maiso gawe.

5Baitu kuba Ruhanga agambire,

Nayasamya akanwake hali iwe

6Kuba akwolekere ensita ezamagezi,

Baitu gemiringo nyingi omu kukora kwago okwamani!

Nukwo omanye oti Ruhanga akujunaniza bike, ebitarukuingana nkokutahiki’ra kwawe.

7Nosobora okuzara Ruhanga habwokuse’ra?

Nosobora okwetegerereza kimu Wobusobozi bwona?

8Nukwo kuraiha okwa haiguru; nosobora okukora ki?

Nukwo kuhama okukira okuzimu; nasobora okumanya ki?

9Orulengo rwakwo nurukira ensi,

Nurugaliha okukira enyanja.

10Obwalirabamu, nakinga,

Nayeta hali okucwerwa omusango,

Noha alisobora okumutanga?

11Baitu amanyire abantu abatarumu:

Kandi arora okutahiki’ra nobwatakutaho omutima.

12baitu omuntu atarumu abuzirwe amagezi,

Ego, omuntu azrwa nkekyana ekyentulege.

13Obwoterekereza omutima gwawe okurungi,

Nogo’ra emikono yawe namberali;

14Okutahiki’ra obukuli omu ngaro zawe, okute hara,

Obubi buleke okuikara omu hema zawe;

15Mananukwo nubwo oliimukya amaiso gawe hatali kamogo;

Ego, oligumaho, tolitina:

16Baitu olyebwa obujune bwawe;

Olibuijuka nkamaizi agasesekere:

17Kandi obwomezi bwawe buliro’rana okukira ihangwe;

Nobwomuirima gulibaho, gulifoka nka nyenkya.

18Naiwe oliba nobusinge, baitu haroho okunihira;

Ego, olise’ra ha mbuju zona,

kandi olihumura hataloho kutina.

19Kandi olibyama, busaho alikutinisa;

Ego, baingi balikwesengereza.

20Baitu amaiso agababi galifa,

Tibalitunga omuhanda ogwokuirukiramu,

Nokunihira kwabu kuliba okuhayo obwomezi.