Swahili Bible2

10

1OMWOYO gwange gujwahire obwomezi bwange;

Ndacukumura okuhyema kwange;

Ndagamba omu kusalirwa okwomwoyo gwange.

2Ndagambira Ruhanga nti Otancwera omusango;

Onyoleke ekyohakanira nanyowe.

3Okwendereza kurungi namberoli,

Ogaye omulimo ogwengaro zawe,

Kandi omulikire okuhanura kwababi?

4Iwe onyina amaiso agomubiri,

Rundi norora nkomuntu okwarora?

5Ebiro byawe biri nkrbiro ebyomuntu

Rundi emyaka yawe eri nkemyaka eyomuntu,

6Iwe okujunaniza okutahiki’ra kwange,

Nose’ra ekibi kyange?

7Nobwomanyire nyowe tindimubi;

Kandi busaho asobora okujuna omu Mukono gwawe?

8Engaro zawe nizo zankozire, zambumba,

Ahamu ha mbaju zona;

Baitu nompwerekereza.

9Ijuka, nkwesengerize, okuwambumbire nkibumba;

Kandi Olinga’ra ha cucu?

10Tonyasire nkamata,

Wancunda nkamata agakwasire?

11Okajweka oruhu nomubiri,

Wanteraniza hamu namagufa nebinywa.

12Okampa obwomezi nembabazi,

Nokurole’ra kwawe kwalinda omwoyo gwange.

13Baitu ebigambo ebi wabisereka omu mutima gwawe;

Manyire nti kinu kiikaire naiwe:

14Obundaba ninsisa, nubwo onyetegereza,

Nokutahiki’ra kwange tolikunyihaho.

15Obundiba omubi, zirimbona;

Kandi obundiba mpikirire, tindimukya omutwe gwange;

Ninyijura ensoni,

Nindora omuhito gwange.

16kandi omutwe gwange obuguraba nugwebyumiza iwe nompigana nkentale:

Kandi nogaruka okweyoleka wamahano namberendi.

17Noga;raho obuhyaka bakaiso bawe hali nyowe,

Nonyongeraho okubihirwa kwawe;

Ebyokuhinduka nebyobulemu biri nanyowe.

18Nukwo kiki okunyiha omunda?

nakuhaireyo obwomezi, eriso lyona tiryakumboine.

19nakufokere nkatakabahoga;

Nakuhimbirwe okuihwa omunda nokutwarwa ha kina.

20Ebiro byange tibiri bike? Nukwo oleke,

nanyowe ondekere, ntungeho okuhumura,

21Ntakarugire hanu, nambere ntaligaruka,

Ningenda omu nsi yomuirima nekiituru ekyokufa;

22Ensi eyomuirima kasira, nkomuirima gwonyini;

Ensi eyekiituru ekyokufa, nambere hatali kutereke’ra.

Nomusana nambere gusisana nkomuirima.