Swahili Bible2

1

1HAKABA haroho omusaija omu nsi Uzi, ibaralye nuwe Yobu; omusaija ogu akaba ahikirire kandi wamazima. Yatinaga Ruhanga, yatantaraga ekibi. 2kandi akazara abana abojo musanju nabana abaisiki basatu. 3Nitungolye ntama kasanju, nengamira nkumi isatu, neki’ri zente bitano, nenkaina ebuguma bitano, nabantu abenju baingi muno; nukwo omusaija ogu akabali omukuru okukira abana bona aboburugaizoba. 4Kandi batabanibe bagenda nibalya obugenyi omu nju zabu, omuntu wena omu njuye ha kirokye wenka; batumaga okweta banyanyabo abasatu okuija okulya nokunywa hamu nabo. 5Kandi kyahika, ebiro byabu ebyokulya obugenyi obubyahwahoga, Yobu yatumaga okubeza, yaimukaga nyenkya omu rukyakya, yahongaga ebihongwa ebyokeze nkomuhendo gwabu bona okugukaba guli: baitu Yobu akagamba ati Rundi abana bange baraba basisire, kandi bajunire Ruhanga omumutima yabu. Nukwo Yobu yakoraga ati obutosa.

6Kandi habaho ekiro abana ba Ruhanga obubaizire okukurata omu maiso ga MUKAMA, kandi satani nauwe akaija hamu nabo. 7MUKAMA yagambira Satani ati Iwe noruga nkaha? Satani yagarukamu MUKAMA yagamba ati Ndugire okubungabunga omu nsi nokugendagenda omuyo. 8MUK AMA yagambira Satani ati Ocumitirize omuiru wange Yobu? baitu busaho arukumusisana omu nsi yona, omusaija ahikirire kandi owamazima, omuntu arukutina Ruhanga, kandi natantara ekibi. 9Nubwo Satani yagarukamu MUKAMA yagamba ati Yobu natinira busa Ruhanga? 10Iwe tomuzitirire orugo okumwehinguliriza uwe nenju ye, na byona ebyanyinabyo, ha mbaju zona? Ohaire omugisa omulimo ogwengaroze, nitungolye likanyire omu nsi. 11Baitu hati bunu go’ra omukono gwawe, okole ha byona ebyanyinabyo, alikwehakana omu maiso gawe. 12MUKAMA yagambira Satani ati Dora, byona ebyanyinabyo biri omu mukono gwawe; kimu kyona otaligo’ra omukono gwawe haluwe wenka. Nukwo Satani yaturuka omu maiso ga MUKAMA.

13Kandi kikahika ha kiro ekimu abanabe abojo nabaisiki obubakaba nibalya nibanywa amarwa omu nju ya mugenzi wabu omukuru, 14omukwenda yaija hali Yobu, yagamba ati Enimi zikaba nizirima, nenkaina zikaba nizirira ha rubaju rwazo:

15Abaseba bazigwera, baziihaho; ego, baisire abairu nobwogi bwa busitama; kandi nyowe nyenka nkizireho omu nkutebeze. 16Obwakaba nakibaza, haija ondi, yagamba ati Omu’ro gwa Ruhangaa gugwire okuruga haiguru, gwokeze entama, nabairu, gubokize kimu; kandi nyowe nyenka nkizireho omu nkutebeze. 17Obwakaba nakibaza, haija ondi, yagamba ati Abakalidiya bakebaganiza ebihanda bisatu, bagwera engamira, baziihaho, ego bakaita abairu nobwogi bwa busitama; kandi nyowe nyenka nkirizeho omu nkutebeze. 18Obwakaba nakibaza, haija onid yagamba ati Batabani bawe na bahara bawe babaire nibalya nibanywa amarwa omu nju ya mugenzi wabu omukuru: 19kandi haija ekiyaga kingi ekirugire omu irungu, kyatekera enju ha burugu buna, yagwera abasigazi, kandi bafire; kandi nyowe nyenka nkirizeho omu nkutebeze. 20Nubwo Yobu yaimuka yatemura omunagirogwe hansi, yaramya; 21yagamba ati Nkaturuka omu nda ya maundi busa: MUKAMA akampa, kandi MUKAMA aihireho; ibara lya MUKAMA lisimwe. 22Omu ebi byona Yobu atasise, nobukwakuba okutera Ruhanga obudoma.