Swahili Bible2

8

1KANDI abasaija ba Eferaimu bamugambira ngu Kiki ekyakukoleze kiti namberetuli, okutatweta, obuwagenzire okurwana na Midiani? Bakungana nauwe namani. 2yabagambira ati Nyowe nkozire ki okuingana naiwe? Emizabibu Eferaimu eyiyasoroize obwakabiri terukukira muno emizabibu Abiyezere eyiyanogere? 3Ruhanga akahayo omu mikono ynyu abakuru ba Midiani, nibo Orebu na Zebu: nyowe nkakora ki okuingana nainywe? Nubwo ekiniga kyabu Kyakeha namberali obuyagambire eki. 4Gideoni yaija Yorudani, yayambuka, uwe nabasaija bikumu bisatu abakaba bali nauwe, baruhire baitu nibakikuratira. 5yagambira abasaija ba Sukosi ati Mbesengerize muhe emigati yebyokulya abantu abarukunkuratira; baitu baruhire, kandi mbaire ninkuratira. Zebu na Zalimuna, abakama ba Midiani. 6Abakuru ba Sukosi bagamba ngu Engaro za Zebu na Zalimuna ziri omu mukono gwawe hati bunu, Itwe okuha ihe lyawe emigati? 7Gideoni yagamba atinukwo MUKAMA obwalikahayo Zebu na Zalimuna omu mukono gwage, nyowe ndihura emibiri yanyu bamahwa gomu kisaka namake’re. 8Yarugayo yagenda Penueri, Yabagambira omu mulingo gumu nogu: abasaija ba Penueri bamugaruku nkabasaija ba Sukosi okubagarukiremu. 9Kandi yagambira abasaija ba Penueri ati Obundigaruka nobusinge, ndisesa orukomero runu.

10Lero Zebu na Zalimuna bakaba bali omu karakora, namahe gabu hamu nabo, abantu nkabasaija kakumi mwenkumi itano, bona abasigaireho ha ihe ryona eryabana boburugaizoba: baitu hakagwa ha basaija abasomoraga busitama kasirira mubukumi bubiri. 11Kandi Gideoni yatemba omu muhanda gwabo abataha omu hema ha rubaju rwa Noba na Yogebeha orwoburugaizoba, yatema ihe; baitu ihe likaba litamanyire. 12Zeba na Zalimuna bairuka; kandi yabakuratira; yakwata abakama ba Midiani bombi, Zeba na zalimuna, yatinisa ihe ryona. 13Gideoni mutabani wa Yoasi yagarukira omu bulemu ahali entembotembo eya heresy. 14Kandi yakwata omusigazi ha basaija ba Sukosi, yamukaguliriza: uwe yamumanyisa abalemi ba Sukozi nabakuiru bayo,abasaija ensanju mu musanju. 15Yaija hali abasaija ba Sukosi, yagamba ati Murole Zeba na Zalimuna abamwanterireho enaku, nimugamba ngu Engaro za Zeba na Zalimuna ziri omu ngaro zawe hati bunu, itwe okuha ebyokulya abasaija bawe abajwahire? 16Yatwara abakuru abomu rubuga, yakoma anahwa gomuirungu namake’re yayegesa nago abasaija ba Sukosi. 17Yasesa orukomero orwa Penueri, yaita abasaija aborubuga oru. 18Nubwo yagabira Zeba na zalimuna ati Abasaija abamwaitire Tabora bakasisana bata? Bagarukamu ngu Nkaiwe okwoli nukwo nabo; bona bakasisanira kimu abana bomukama. 19yagamba ati Nibo bagenzi bange, abana ba mau: nka MUKAMA okwali omwomezi kuba mwabajunire okutaitwa, 20Tinkubaisire inywe. Yagambira yesere omwanawe omuzigaijo ati Imuka obaite. Baitu omusigazi ogu atasomole busitamaye: baitu akatina, baitu akaba akiri muto. 21Zeba na Zalimuna bagamba ngu Imuka iwe otugweho. Baitu nkomusaija okwali, namanige nukwo gali gati. Gideoni yaimuka, yaita Zeba na Zalimuna, yatwara ebirezi ebikaba biri ha bikya byengamira zabu.

22Nubwo abasaija ba Isareri bagambira Gideoni ngu Otuleme iwe nomwana wawe nomwana wa mwana wawe: baitu otujunire omu mukono gwa Midiani. 23Gideoni yabagambira ati Tindibalema nyowe, nobwakuba omwana wange talibalema. 24Gideoni yabagambira ati Mbaire ninyenda okubasaba ekigambo, omuntu wena omuliinywe ampeempeta ezomu matu eziyanyagire. ( baitu bakaba banyina empeta ezomu matu ezezabu, baitu Baisameri.) 25Bagarukamu ngu Turaziha, Titurukwanga. Bayara hansi ekyokujwara, banagaho omuntu wena empeta eziyanyagire. 26Kandi obulemezi obwempeta ezomu matu ezezabu eziyasabire bwaba sekeri zezabu rukumi mu rusanju; okutataho ebirezi, nebirukulengija, nebyokujwara ebirukugajuka abakama ba Midiani ebibajwaraga, Kandi okutabara emikufu ekaberi ha bikya byengamira zabu. 27Kandi Gideoni yabikoramu efodi yagita ha rubugarwe, nuho Ofura: kandi isareri yona bagenda bagikuratirayo norwanju: yafoka nkomutego hali Gideoni nenjuye yona. 28Nukwo Midiani yasingurwa omu maiso gabana ba Isareri, batagaruke obundi okuimukya emitwe yabu. Ensi yahumu’ra emyaka amakumi ana omu biro bya Gideoni.

29Kandi Yerubaali mutabani wa Yoasi yagenda yataha omu ntuye wenka. 30Kandi Gideoni akaba anyina batabanibe ensanju abayazaire wenka: baitu akaswera abakazi baingi. 31Nomukundwawe akabali omu Sekemu nauwe akamuza’ra omwana omwojo, yamuruka ibarallye Abimereki. 32kandi Gideoni omwana wa Yoasi akafa akuziremuno, yazikwa omu kituro kya Yoasi ise, omu Ofura eya Ababiyezere.

33Kandi kyahika Gideoni obuyakafire. Ahonaho abana bna Isareri bagaruka okuhinduka, bakuratira baalimu norwanju, bafora baali-berisi omucwezi wabu. 34Kunu abana ba Isareri bataijuke MUKAMA Ruhanga wabu, ayabajunire omu mukono gwabanyanzigwa babu bona ha mbaju zona: 35Kunu batagi’re embabazi enju ya yerubaali nuwe Gideoni, nkobururungi bwona okubukaba buli obuyakozire Isarare.