Swahili Bible2

7

1NUBWO Yerubaali, nuwe Gideoni, nabantu bona abakaba bali nauwe, baimuka nyenkya kara, basimba ehema zabu haihi nensoro yamazi eya Harodi: enkande za Midiani zikaba ziri ha rubaju rwabu orwobukizi bwemoso, ahali orusozi rwa Morehe, omu kihanga.

2MUKAMA yagambira Gideoni ati Abantu abali naiwe basagaine obwingi, nyowe obutahayo Abamidiani omu mikono yabu, Abaisareri baleke okwehaisiriza namberendi nibagamba ngu Emikono yaitu itwenka niyo etujunire. 3Nukwo oyegendere, odumire omu matu gabantu nogamba Oti Wena orukutina nakutumira, leka agaruke aruge hanu ha rusozi Gireadi. Kandi bagarukayo abantu bukumi bubiri mwenkumi ibiri; hasigaraho kakumi.

4MUKAMA yagambira Gideoni ati Abantu bakisagaine; obasirimule hali amaizi, nuho ndabakulengera: kandi kiraba kiti, wena oundukugambaho namberiwoli nti Onu aragenda naiwe, nuwe aragenda naiwe; kandi wena oundukugambaho namberiwoli nti Onu aragenda naiwe, nuwe aragenda. 5Nukwo yasirimura abantu ba maizi MUKAMA yagambira Gideoni ati Wena arukukomba amaizi norulimi, nkembwa okwekomba, nuwe orasororamu; nukwo nauwe arukuteza amaju ha nsi okunywa. 6kandi omuhendo gwabu abakombere, nibaimukya engaro ha kanwa, bahika abasaija bikuni bisatu: baitu abantu abandi bona bakateza amaju hansi okunywa amaizi. 7MUKAMA yagambira Gideoni ati Habwebikumi bisatu abakombere ndibajuna, nimpayo Abamidian omu mukono gwawe: abantu bona begendere omuntu wena hali ekiikarokye. 8Nukwo abantu batwara ebyokulya omu ngaro zabu, nengwara zabu: kandi yatuma abasaija bona aba Isareri omuntu wena hali ehemaye, baitu yasigaho bikumi bisatu: nenkande za Midiani zikaba ziri hansiye omu kihanga.

9Kandi kyahika ha kiro eki MUKAMA yamugambira ati Imuka, osirimuke omu rukande; baitu nduhaireyo omu rukande; baitu nduhaireyo omu mukono gwawe. 10baitu obworaba noti na okusirimuka, genda na Pura omuhereza wawe hali orukande: 11orahu’ra ekibaragamba; hanyuma emikono yawe erigumibwa okusirimuka omu rukande. Nubwo yasirimuka na Pura omuherezawe, bataha omu basaija abanyina ebyokurwanisa abakaba bali omu rukande ha mpero yarwo. 12Nabamidiani nabamaleki nabana batekanirize omu kihanga nkenzingana obwingi nomusenyi oguli ha nyanja rubaju. 13kandi Gideoni obuyahikireyo, dora, hakaba haliyo omuntu ayarotoroire mutuhiwe ekiroto, kandi dora, omugati ogwa sayiri gwagwa omu rukande rwa Midiani, gwataha omu hema, gwagitera yagwa, gwagijumika, ehema yabyama kwonka. 14Mutahiwe yagarukamu nagamba ati Niyo busitama mali eya Gideoni mutabani wa Yoasi, omusaija wa Isareri: omu mukono gwogu Ruhanga ahaireyo Midiani, nihe rayo.

15Kandi kyahika, Gideoni obuyahulire nibaroto’ra ekiroto, namakuru gakyo, yaramya; yagarukayo omu rukande rwa Isareri, yagamba ati Muimuke;baitu MUKAMA ahaireyo omu mukono gwanyu ihe lya Midiani. 16yabaganizamu abasaija abo bikumi bisatu ebihanda bisatu, yata engwara omu ngaro zabu zona, nensoha ezitarumu kantu, nebimuli omunda zensoha. 17Yabagambira ati Mutunulire nyowe, mukole nka nyowe: kandi dora, obundakahika nambere orukande rugarukire, kiraba kiti, nka nyowe okundakora, nukwo nainywe mukole muti. 18Obundatera engwara, nyowe na bona abandi nabo, nubwo nainywe mutere engwara embaju zona ezorukande rwona, mugambe muti Habwa MUKAMA na habwa Gideoni.

19Nukwo Gideoni, nabasaija kikumi abakaba bali nauwe bahika hali orukande nambere rwagarukire ekisisimuka ekyakanaki bandizeho, obubokaba nubwo bataireho abekisisimuka eki ekyakana: batera engwara, bayata ensoha ezikaba ziri omu ngaro zabu. 20Ebihanda bisatu batera engwara, bayata ensoha, bakwata ebimuli omu mikono yabu eyemoso, nengwara omu mikono yabu eyobulyo bazitere: batoka ngu Busitama ya MUKAMA neya Gideoni. 21Bayeme’raho omuntu wena omu kiikarokye nehinguliriza orukande: ihe ryona lyairuka; 22batoka, bababinga. Batera engwara ebikumi bisatu, MUKAMA yahindura busitama yomuntu wena okurwanisa ihe ryona: ihe lyairuka okuhikya Besisita eherire Zerera, okuhika ha mutano gwa Aberime-hora, haihi na tabasi. 23Abasaija ba Isareri bayesoroza nibaruga omu Nafutali, nomu Asere, nomu manase yona, Bakuratira Midiani.. 24Gideoni yatuma abakwenda okuraba omu nsi yona eyensozi eya Eferaimu nagamba ati Murugeyo, muije okuramagira Midiani, mulinde emyogo yamaizi omu maiso gabu, okuhikya Besi-bara na Yorudani. Nukwo abasaija bona aba Eferaimu bayesoroza hamu, balinda emyogo yamaizi okuhikya Besi-bara na Yorudani. 25Bakwata abakuru babiri aba Midiani, nibo na Zebu; baitira Orebu ha ibale lya Orebu, kandi Zebu bamuitira ha ndeba ya zebu, bakuratira Midiani: baleta emitwe ya Orebu na Zebu hali Gideoni nseri ya Yorudani.