Swahili Bible2

2

1KANDI maraika wa MUKAMA akaruga Girigali yaija Bokimu. Yagamba ati Nkabaihayo omu Misiri, nabaleta omu nsi eyinarahirire baisenkuru inywe; kandi nagamba nti Tindisisa ebiro byona ekiragano kyange naiywe: 2naiywe mutaliragana ekiragano nabantu bomu nsi enu; mulisea ebyoto byange: kiki ekyabakoleze kiti? 3Nanyowe nikyo nagambire nti Tindibabingamu omu maiso ganyu; baitu baliba nkamahwa omu mbaju zanyu, nabacwezi babu baliba namberemuli nkendubatira. 4Kandi nyahika, maraika wa MUKAMA obuyagambire ebigambo ebi abana bona aba Isareri, nubwo abantu baimukya amararaka gabu ba’ra. 5Nekiikaro eki bakyeta ibara lyakyo Bokimu: basa’ra ekyonzira hali MUKAMA.

6Kandi Yosuha obuyamazire okuraga abantu, abana ba Isareriagenda omuntu wena hali obugwetwabwe okulya ensi. 7Kandi abantu bako’raga MUKAMA ebiro byona ebya Yosuha, nebiro byona ebyabakuru abakizire Yosuha okwomera, ababoine emirimo yona emikuru eya MUKAMA, eyiyakolire Isareri. 8Kandi Yosuha mutabani wa Nuni, omuiru wa MUKAMA, akafa, ahikize emyaka kikumi mu ikumi. 9Bamuzika omu mutano gwobugwetwabwe omu Timunasi-heresi, omu nsi yensozi eya Eferaimu, ha rubaju orworusozi rwa Gasi orwobukizi bwemoso. 10Kandi bona abobusinge obu bakasorozebwa hali baisenkurubo: kandi baimuka hanyuma yabu abobusinge obundi abataramanyire MUKAMA, nobwekuba emirimo eyiyakolire Isareri.

11Kandi abana ba Isareri bakakora eki ekikaba kiri kibi omu maiso ga MUKAMA, bako’ra baalimu: 12Bafuruka MUKAMA Ruhanga wabaisenkurubo, ayabaihire omu nsi ya Misisri, bakuratira abacwezi, omu bacwezi babamahanga abakaba babahe’raine, babainamira hansi: kandi bayeremera MUKAMA okumubihiza. 13Bafuruka MUKAMA bako’ra Baali na Asitarosi. 14Ekiniga kya MUKAMA kyayakira Isareri yabahayo omu mikono yabanyagi ababanyagire, yabaguza omu mikono yabanyanzigwa babu ha mbaju zona, nukwo batasobole okweme’raho obundi omu maiso gabanyanzigwa babu. 15Nambere baramaga hona, omukono gwa MUKAMA gukaba guli halibo okubakora kubi, nka MUKAMA okuyagambire, kandi nak MUKAMA oku ya barahirire: kandi batuntura muno. 16Kamdi MUKAMA yaimukya abacwi bemisango, ababajunaga omu mukono gwababanyagire. 17Kunu batahu’re abacwi bemisango babu, baitu bakahondera abacwezi abandi nkabasihani, babainamira: bakahunguka bwango nibaruga omu muhanda baisenkurubo ogubagendamuga, nibahu’ra ebiragiro bya MUKAMA: bo batakole bati: 18baitu MUKAMA obuyabaimukize abacwi bemisango, nubwo mukama yaikaraga nomucwi wemisango, yabajuna omu mukono gwabanyanzigwa babu ebiro byona ebyomucwi wemisango ogu: baitu MUKAMA akeyijukya habwokusinda kwabu, habwabo ababerenge’raga nibabatuntuza. 19Baitu kikahika, omucwi wemisango obuyafaga, nubwo bagarukayoga enyuma bibakira baisenkurubo okukora kubi: nibakuratira abacwezi okubako’raga nokubainamiraga; bataleke engeso zabu, nomuhanda gwabu 20Ekiniga kya MUKAMA kyayakira Isareri; yagamba ati baitu ihanga linulisobeze ekiragano kyange ekinaragire baisenkurubo, kunu tibahulire iraka lyange; 21Nanyowe okuruga hati tindibinga omu maiso gabu na limu hamahanga Yosuha agayasigire obuyafire: 22nukwo ndenge Isareri habwago, rundi obubarakwataga omuhanda gwa MUKAMA okugugendamu, nkabaisenkurubo okubagukwataga, nandiki tikirikyo. 23Nukwo MUKAMA yasiga amahanga ago, okutababingamu bwango; kunu atabaheyo omu mukono gwa Yosuha.