Swahili Bible2

18

1Omu biro biri hakaba hataroho omukama omu Isareri: kandi omu biro biri oruganda Rwabadani bakeseru’ra ensi yobugwetwa yokuikaramu; baitu nokuhikya ebiro ebi bakaba batakatungire obugwetwa omu nganda za Isareri. 2Kandi abana ba dani batuma abahakitabu byabu abasaija batano abomu muhendo gwabu gwona, abasaija emanzi, abarugire Zora na Esitaoli, okutata ensi nokugise’ramu; babagambira ngu Mugende, muse’re omu nsi: baija omu nsi yensozi eya Eferaimu, ha nju ya Mika, bagonya oku. 3Obubakaba bali ha nju ya Mika, bamanyi’ra iraka lyomusigazi Omulevi: bahindukira oku, bamugambira ngu Noha yakulesere hanu? Kandi nokora ki omu kiikaro kinu? Kangi kiki ekyonyinakyo hanu? 4Yabagambira ati Nukwo Mika yankozire ati, kandi angulirire, nanyowe nfokere nyakatagarawe. 5Bamugambira ngu Tukwesengerize kaguza amagezi hali Ruhanga, nukwo tumanye omuhanda gwaitu nambere turukugenda, rundi guliba gwomugisa nandiki tikirikyo. 6Nyakatagara yabagambira ati Mugende nobusinge:orugendo rwanyu orumurukugenda ruli omu maiso ga mukama.

7Nukwo abasaija batano bagenda, baija, Raisi, barora abantu abakaba barumu, baikaire nobusinge, Nkabazidoni okubali, baculire batarukutina: baitu hakaba hataroho Bantu omu nsi egi abobusobozi okubakora kubi, kandi bakaba bali hara nabazidoni, kunu bataterane nabantu abandi. 8Kandi bagaruka hali bene babu ha Zora na Esitaoli: bene babu babagambira ngu Nimugamba muta? 9bagamba ngu Muimuke, tugende tubaramagire: baitu ensi tugiboine, kandi dora, nungi muno: kandi inywe muculerire? Mutagira obugara okutagenda nokutahamu nokugirya ensi. 10Obumuligenda muliija hali abantu abaikaire nobusinge, kandi eba nkoto; baitu Ruhanga agihaireyo omu mukono gwanyu; ensi nambere hatabura ekintu kyona ekya hansi.

11Kandi harugayo okugenda abomu kitabu kyabadani, omu Zora nomu esitaoli, abasaija rukaga bahagatire ebyokurwanisa ebyobukemu. 12Baramaga batema orukande omu kiryasi-Yealimu, omu Yuda: nikyo bayetera ekiikaro eki Mahanedani, nokuhikya hati: dora, kiri enyuma ya Kiryasi-yealimu. 13Kandi barugayo bagenda omu nsi yensozi eya Eferaimu, baija ha nju ya Mika. 14Nubwo abantu abatano abagenzire okutata ensi ya Raisi bagarukamu bagambira bagezi babu ngu Mumanyire omu nju zinu harumu efodi, na terafimu, nekisisani ekisaruirwe, nekisisani ekyagibwe? Nukwo hati bunu mutekereze ekibahikirire okukora. 15Bahunguka bagendayo, baija ha nju yomusigazi Omulevi, niyo enju ya mika,bamukaguza okwaloho kurungi. 16Nabasaija orukaga abahagatire ebyokurwanisa ebyobulemu, abomu bana ba Dani, bayeme’ra ha irembo eryomusongo’ro. 17Nabasaija abatano abagenzire okutata ensi batemba, batahayo, batwara ekisisani ekisaruirwe, nefodi na terafimu, nekisisani ekyagibwe: na nyakatagara yayeme’ra ha irembo lyomusongo’ro hamu nabasaija rukaga bahagatire ebyokurwanisa ebyobulemu. 18Kandi abo obubatahire omu nju ya Mika, nibaleta ekisisani ekisaruirwe, nefodi, na terafimu, nekisisani ekygibwe nyakatagara yabagambira ati Nimukora ki? 19Bamugambira ngu Culera, ta engaro zawe ha kanwa kawe, oije ogende naitwe, obe namberetuli isitwe kandi nyakatagara;ekirukukira oburungi namberoli kiraha? Okuba nyakatagara hali enju yomuntu omu, rundi okuba nyakatagara hali oruganda nenju omu Isareri?. 20Omutima gwa nyakatagara gwasemererwa, yatwara’ efodi na terafimu, nekisisani ekisaruirwe yagenda hagati yabantu. 21Nukwo bahinduka barugayo, bayebembeza abana abato nente nebintu. 22Obubairireyo hara nenju ya Mika, abasaija abakababali omu majuagali haihi nrnju ya Mika bayesoroza hamu, bakuratira abana ba Dani. 23bayami’ra abana ba dani. Bahindura amaiso gabu,bagambira Mika ngu Obaire ki noija nekiingaine hanu? 24Yagamba ati Mutwaire abacwezi bange abanakozire, na nyakatagara, kandi mugenzire, na nyakatagara, kandi mugenzire, nanyowe nyina ki Ekisigaireho? Kandi mungambire muta Obaire ki? 25Abana ba Dani bamugambira ngu Iraka lyawe lireke okuhu’rwa omulitwe, rundi abasaija abekiniga baleke okukugwaho,naiwe oburwe obwomezi bwawe, nobwomezi bwabenju yawe. 26Abana ba dani bayegendera: na Mika obuyaboine bamukizire amani, yahinduka yagarukayo omu njuye. 27Kandi batwara eki Mika ekiyakozire, na nyakatagara owakabanyinauwe, baija Raisi hali abantu abakaba baeulire batarukutina, babatema nobwogi bwa busitama; bayokya orubuga nomu’ro. 28Kunu hatabeho omujuni, baitu rukaba ruli hara na Zidoni, kunu bakaba batarukuterana nabantu abandi; kandi rukaba ruli omu kihanga ekiherire Besi-rehobu. 29baruka orubuga ibara kyarwo Dani, nkibara lya Dani isebo okuliri ayairwe Isareri: baitu ibara eryorubuga likaba liri raisi ira. 30Abana ba dani bayeteraho ekisisani ekisaruirwe: na Yonasani, mutabani wa Geresomu, mutabani wa Musa, uwe nabatabanibe babagabanyakatagar hali oruganda Rabadani okuhikya ekiro ekyokunyagwa kwensi. 31Nukwo bayeterireho bati ekisisani ekisaruirwe ekya Mika ekiyakozire, ebiro byona enju ya Ruhamga obwekaba eri omu Siro.