Swahili Bible2

17

1KANDI hakaba haroho omusaija owensi yensozi eya Eferaimu, ibaralye nuwe Mika. 2Yagambira nyina ati ebicweka byefeza rukumi mukikumi ebyakuihirweho, ebiwakyenereho omukyeno, kandi wakigamba omumatu gange, dora, efeza eri nanyowe; nkabiiba. Nyina yagamba ati Omwana wange ahabwe omugisa hali MUKAMA. 3Yaga’ra ebicweka byefeza rukumi mu kikumi hali nyina, nyina yagamba ati mazimakwo mpaireyo efeza zinu hali MUKAMA omu mukono gwomwana wange, okukora ekisisani ekisaruirwe nekisisani ekyagibwe: Nukwo hati bunu ndabiga’ra namberoli. 4Obuyamazire okuga’ra efeza hali nyina, nyina yatwaraho ebicweka byefeza bikumi bibiri, yabiha omuhesi, uwe, nekisisani ekisaruindi kikaba kiri omu nju ya Mika. 5Omusaija ogu Mika akabanyina enju yabacwezi, yakora efodi, na terafimu, yasorora omu hatabanibe kandi yafoka nyakatagarawe. 6Omubiri ebi hakaba hataroho omukama omu Isareri: omuntu wena yakoraga eki ekikaba kiri kirungi omu maisoge wenka.

7Kandi hakaba haroho omusigazi owomu Beterehemu-yuda owomu ruganda rwa Yuda, 8Omulevi ayagonyere oku. Omusaioja ogu yaruga omu rubuga, omu Beterehemu-yuda’ agende agonye nambere alizora ekiikaro: yaija omu nsi yensozi eya Eferaimu hali enju ya Mika, obwakaba ali omu rugendorwe. 9Mika yamugambira ati Norugankaha? Yamugambira ati Nyowe ndi Omulevi owomu Beterehemu-yuda, nungenda okugonya nambere ndizora ekiikaro. 10Mika yamugambira ati Ikara nanyowe, obe namberendi nka isenyowe na nyakatagara, nanyowe nakuhaga omwaka nomwaka ebicweka byefeza ikumi,nomujwaro omurundi gumu nebyokulya byawe. Nukwo Omulevi yatahamu. 11Omulevi yasima okuikara nomusaija ogu; omusigazi yabaga namberali. 12nkomu hali batabanube. Mika yasorora Omulevi omusigazi yafoka nyakatagarawe, yaikara omunju ya Mika. 13Nubwo Mika yagamba ati hati bunu manyire nti MUKAMA alinkora ebirungi, baitu ntungire Omulevi okuba nyakatagara wange.