Swahili Bible2

16

1KANDI Samusoni akagenda Gaza yarorayo omukazi omusihani, yataha namberali. 2Bakitebeza Abagaza ngu Samusoni atahire hanu. Bamwehinguliriza, bamugwera omu irembo eryorubuga, baculera nibakiisa obuire, nibaga ngu Tuhikye emamba okusara, nubwo turamuita. 3Samusoni yabyama okuhikya itumbi, yakwata enyigi eziirembo lyorubuga, nemikumi’ro ebiri, yagisimbura, nekihongozo nakyo,yabita ha mabegage, yabitwara haruguru yorusozi orurolerire Heburoni.

4Kandi kyahika hanyuma, yagonza omukazi owomu kihanga kya Soleki, ibaralye nawe Derira. 5Abanyoro bomu Bafirisiti baija namberali, bamugambira ngu Omusonesone, orole amanige nambere garuga, kandi agatulimusoboza, nukwo tumu bohe tumubonabonese, kandi itwe tulikuha omuntu wena omulitwe ebicweka byefeza rukumi mu kikumi. 6Derira yagambira Samusoni ati Ongambire, nkwesengerize, nambere amani gawe amaingi garuga, kandi okubakusoboire okukuboha okukubonabonesa 7Samusoni yamugambira ati Obubalimboha nenkorakole embisi musanju, ezitakomere, nubwo ndifoka omuceke ninsisana nkomuntu ondi. 8Nubwo abanyoro abomu Bafirisiti bamuletera enkorakole embisis musanju ezitakomere, yazimubohesa. 9Kandi akabanyina abamugwerire babyamire omu kisika kyomunda. Yamugambira ati Abafirisiti bakugwireho Samusoni. Yacwa enkorakole nkomuguha ogwobugoigo okugucweka obugahya omu’ro. Nukwo amanige galema okumanywa. 10Derira yagambira Samusoni ati Dora, ontebuire, ombihire ebisuba: ontebeze nu,nkwesengerize, ekirukusobora okukubohesa. 11Yamugambira ati Obubalimboha kwonka nemiguha emihyaka etakakozireho mulimo, nubwo ndifoka omuceke ninsisana nkomuntu ondi. 12Nukwo Derira yakwata emiguha emihyaka yamuboha nayo, yamugambira ati Abafirisiti bakugwireho Samusoni. Kandi abakaba bamuserekerire bakaba baikaire omu kisika kyomunda. Yagicwa ha mikonoye nkehuzi. 13Derira yagambira Samusoni ati Na hati hona ontebuire, ombihire ebisuba: ontebeze ekirukusobora okukuboha. Yamugambira ati Obworayonda ebiyondo musanju ebiisoke lyange nedalizi. 14Yabibambira kimu norubambo, yamugambira ati Abafirisiti bakugwire Samusoni.Yasisimuka omu turotwe, yasikura orubambo rwomuti ogurukirwaho nedalizi. 15Yamugambira ati Nosobora ota okugamba Ninkugonza, kunu omutima gwawe tuli nanyowe? Ontebuire emirundi enu esatu, kunu tongambire amani gawe nambere garuga. 16Kandi kyahika, obuyamugadyaga obutosa nebigambobye, kandi namujwahya, omutimagwe gwatuntuzibwa nokuhikya okufa. 17gambira omutimagwe gwona,yamugambira ati Orumwiso rwona tibakarutaga ha mutwe gwage; baitu ndi Munaziri hali Ruhanga okuruga omu nda yamau: obundimwibwa, nubwo amani genge galindugaho, ndifoka omuceke, ninsisana nkomuntu ondi. 18Kandi derira obuyaboine omutebize omutimagwe gwonw, yatuma yayeta abanyoro Babafirisiti, nagamba ati muije omurundi gunu gwonka, baituantebize omutimagwe gwonw. Nubwo abanyoro babafirisiti baija namberali, nibaleta efeza omu ngaro zabu. 19Yamugwijagiza ha majuge; yayeta omuntu, yamumwa ebiyondo musanju ebiisokerye; yabanza okumugadya, amanige gamurugaho. 20Yagamba ati Abafirisiti bakugwireho samusoni. Yasisimuks omu turotwe yagamba ati Ndaturuka nkobusumi obundi, ndayekunkumura. Baitu atamanye MUKAMA okuyamurugireho. 21Abafirisiti bamukwata bamuihamu amaisoge; bamuleta Gaza, bamuboha namasamba gemiringa; yasera engano omu nju yenkomo. 22baitu isoke eryaha mutwegwe lyagaruka okumera obuyamazire okumwibwa.

23Kandi abanyoro babafirisiti bakesoroza hamu okusa’ra ebyonzira bingi Dagoni omucwezi wabu, nokusemererwa: baitu bakagamba ngu Omucwezi waitu ahaireyo Samusoni omunyanzigwa waitu omu mukono gwaitu. 24Kandi Abantu pbubamuboine bakugiza omucwezi wabu: baitu bakagamba ngu omucwezi waitu ahaireyo omu mukono gwaitu omunyanzigwa waitu, omuhwerekereza wensi yaitu. Kandi ayatuisireho baingi. 25Kandi kyahika, emitima yabu obwekaba esemerirwe, bagamba ngu Yeta Samusoni, atusekese. Bayetayo samusoni omu nju yenkomo; yabasekesa: bamwemereza hagati yenyomyo. 26Samusoni yagambira omwojo akaba amukwasire ha mukono ati Leka nkwate ha nyomyo ezirukuhangiza enju, nyowe nziigamireho. 27Lero enju ekaba ijuire abasaija nabakazi; abanyoro bona Babafirisiti bakaba baliyo; kandi hanju eruguru hakaba haroho abasaija nabakazi; nkekumi isatu abakaba nibasunga Samusoni obuyabasekeseze. 28Samusoni yakunga MUKAMA, nagamba ati Ai MUKAMA RUHANGA, onyijuke nkwesengerize, ompe amani nkwesengerize, omurundi gunu gwonka, ai Ruhanga, nukwo mpole enzigu ahonaho ha bafirisiti habwamaiso gange abiri. 29Samusoni yakwata ha nyomyo ibiri ezikabaziri hagati ezahangize enju, yaziigamiraho, omukonogwe ogwobulyo gukwasire emu, nogwemoso gukwasire endi. 30Samusoni yagamba ati Leka nfere Nabafirisiti. Yainama namanige gona; enju yagwera abanyoro, nabantu bona abakaba barumu. Nukwo akufa abayaisire omu kufakwe bakakira obwingi abo abayaisire akiri omwomezi. 31Nubwo bene babu na bona abenju ya ise basirimuka, bamutwara, bamuleta, Esitaoli omu kiikaro ekyokuzikamu ekya Manoha ise. Kandi akacwera Isareri emisango emyaka amakumi abiri.