Swahili Bible2

13

1KANDI abana ba Isareri bakagaruka okukora eki ekikaba kiri kibi omu maiso ga MUKAMA; MUKAMA yabahayo omu mukono Gwabafirisiti emyaka amakumi ana.

2Hakaba haroho omusaija owa Zora, oworuganda rwa Dani, ibaralye Manoha; mukaziwe akabali enguma, atazale. 3Maraika wa MUKAMA yaboneka hali omukazi ogu, yamugambira ati Dora ‘nu, oli ngumba, tozara baitu oliba nenda, olizara omwana omwojo. 4Nukwo hati bunu nkwesegerize, oyerindege, oleke okunywa amarwa nobukyakuba ekitamiza kyona, nobukyakuba okulya 5ekintu kyona ekyomuziro: baitu dora, oliba nenda, olizara omwana omwojo: kunu orumwiso rutali rutalihika ha mutwegwe: baitu omwana aliba Omunaziri hali Ruhanga okuruga enda: nuwe alibanza okujuna Isareri omu mukono Gwabafirisiti. 6Nubwo Omukazi yaija yatebeza iba, nagamba ati omusaija wa Ruhanga aizirege namberendi, gokutinisa muno; namukaguza nambere yarugire, baitu atantebeze ibaralye, 7baitu yangambira ati Dora, oliba nenda; olizara omwana omwojo; nukwo hati bunu oleke okunywa amarwa, nobukyakuba ekitalya ekintu kyona ekyomuziro: baitu omwana aliba omunaziri hali Ruhanga kuruga enda okuhikya ekiro kyokufakwe. 8Nubwo Manoha yayesengereza MUKAMA nagamba ati Nkwesengerize Mukama, Oikirize omusaija wa Ruhanga ouwatumire agaruke okuija namberertuli, atwegese ebitulikora omwana alizarwa. 9Ruhanga yahu’ra iraka lya Manoha; maraika wa Ruhanga yagaruka okuija hali mukazi obwakaba aikalire omu musiri: baitu Manoha iba akaba atali naiwe. 10Omukazi yayanguha yairuka, yatebeza iba namugambira ati Dora, omusaija ambonekire ayaizire namberendi Ijweri. 11Manoha yaimuka yakuratira mukaziwe, yaija hali omusaija, yamugambira ati Niwe musaija, ogu ayabalize nomukazi? Yagamba ati Ninyowogu. 12Manoha yagamba ati leka ebigambo byawe bihiki’re: omwana alisisana ata, nomulimogwe guliba ki? 13Maraika wa Mukama yagambira Manoha ati Byona ebinagambire omukazi abyerindege. 14Aleke okulya kyona ekiruga omu muzabibu, kunu atalinywa marwa nobukyakuba ekitamiza kyona, nobukwakuba okulya ekintu kyona ekyomuziro; byona ebimamuragire abyerindege. 15Manoha yagambira maraika wa MUKAMA ati nkwesengerize oikalehoga, tukutekenirize akabuzi. 16Maraika wa MUKAMA yagambira Manoga ati Nobworanyikazaho, tindye ha byokulya byawe: baitu obworaba noyenda okutegeka ekihongwa ekyokeze, kikuhikirire okukihongera MUKAMA. 17Manoha yagambira maraika wa MUKAMA ati Ibara lyawe niwoha, nukwo ebigambo byawe obubirikahiki’ra tututeho ekitinisa? 18maraika wa MUKAMA yamugambira ati Kiki ekirukukukaguliza ibara lyange, baitu nsita? 19Nukwo Manoha yatwara akabuzi nekihongwa kyebyokulya. Yabihongera MUKAMA ha mwandara: maraika yakora ebyamahano: Manoha na mukaziwe nibarora. 20Baitu kyahika orulimi rwomu’ro oburwaimukire ha Kyoto nurumikuka haiguru, maraika wa MUKAMA, yatemba omu rulimi rwomu’ro orwaimukize ha Kyoto: manaho na mukaziwe baro’raho: bagwa hansi bajumaire. 21Baitu maraika wa MUKAMA atagaruke okubonekera Manoha na mukaziwe. Nubwo manoha yamanya okwali maraika wa MUKAMA. 22Manoha yagambira mukaziwe ati Mazimakwotulifa, baitu tuboine Ruhanga. 23baitu mukaziwe yamugambira ati MUKAMA pbwabaire nayenda okutuita, takuikirize ekihongwa ekyokeze nekihongwa kyebyokulya hali emikono yaitu, baitu takukwolekere ebigambo binu byona, kunu takutugambire omu kasumi kanu ebigambo binu byona, kunu takutugambire omu kasumi kanu ebigambo ebi ebiingaine aho. 24Omukazi yazara omwana omwojo, yamuruka ibaralye samusoni: Omwana yakura, MUKAMA yamuha omugisa. 25Omwoyo gwa MUKAMA gukabandiza Mahane-dani okumutwara, hagati ya Zora na Esitaoli.