Swahili Bible2

11

1LERO Yefuta Omugireadi akabali omusaija wamani wobumanzi, kandi akabali omwana womukazi omusihani: na Gireadi nuwe yazaire Yefuta. 2Omukazi wa Gireadi yamuza’ra abojo; abana ba mukaziwe obubakuzire babinga yefuta, nibamugambira ngu Toligwetwa omu nju ya isitwe; baitu oli mwana womukazi ondi. 3Yefuta yairuka begenzibe, yataha omu nsi ya Tobu: kandi abasaija abatarukugasa bayesoroleza hali Yefuta, baturuka hamu nauwe.

4Kandi kyahika ekicu kihinguireho, abana ba Amoni baramagira Isareri. 5kandi kyahika, abana ba Amoni obubaramagire Isareri, abakuru bomu Gireadi bagenda okuihayo yefuta omu nsi ya Tobu: 6Bagambira Yefuta ngu Ija obe omukur waitu,turwane nabana ba Amoni. 7Yefuta yagambira abakuru bomu Gireadi ati Inywe mutanobe, nimumbiga omu nju ya isenyowe? Kiki ekibalesere namberendi hati bunu obumuboine obujune? 8Abakuru ba Gireadi bagambira yefuta ngu Nikyo tukugarukirire hati bunu, ogende naitwe, orwane nabana ba Amoni, kandi oliba omutwe gwaitu okulema bona abomu Gireadi. 9Yefuta yagambiraabakuru ba Gireadi ati obumuraba nimunga’ra owange okurwana nabana ba Amoni, MUKAMA nabahayo namberendi, nubwo ndiba omutwe gwanyu? 10Abakuru bomu Gireadi bagambira Yefuta ngu MUKAMA nuwe aliba kaiso namberetuli; mazimakwo nkekigambo kyawe okukiri, nukwo tulikora tuti. 11Nubwo Yefuta yagenda nabakuru ba Gireadi, abantu bamufora omutwe kandiukuru okubalema: kandi Yefuta yagambira ebigambobye byona omu maiso ga MUKAMA omu Mizipa.

12Kandi yefuta yatuma abakwenda hali omukama wabana ba Amoni nagamba ati Iwe nojunana ki nanyowe okuija namberendi okurwana nensi yange? 13Omukama wabana ba Amoni yagarukamu abakwenda ba Yefuta ati Baitu Isareri akanyaga ensi yange obuyarugireyo omu Misisri, okuruga Arononi okuhikya Yaboki, nokuhikya Yorudani: nukwo hati bunu ga’ra ensi ezi nobusinge. 14Yefuta akagaruka okutuma abakwenda hali omukama wabana ba Amoni: 15yamugambira ati Nukwo Yefuta yagambire ati Isareri atanyage ensi ya Moabu, nobwekuba ensi yabana ba Amoni: 16baitu obubarugireyo omu Misiri, Isareri yagendera omu Irungu okuhikya Enyanja Erukutukura, yaija kadesi; 17Nubwo Isareri yatuma abakwenda hali omukama wa Edomu nagamba ati Leka, nkwesengereza, ndabe omu nsi yawe: baitu omukama wa Edomu yayanga okuhu’ra. Kandi nukwo yatuma ati hali omukama wa Moabu: baitu yayanga: kand Isareri yaikara omu Kadesi. 18Nubwo yaraba omu Irungu yayehinguliriza ensi ya Edomu, nensi ya Moabu, yaija ha rubaju rwensi ya Moabu orwoburugaizoba, kandi batema enkande ha rubaju ruli nseri ya Aranoni; baitu batatahe omu mutano gwa Moabu, baitu Aranoni nugwo mutano gwa Moabu. 19Kandi Isareri yatuma abakwenda hali Sihoni omukama wa Abamoli, omukama wa Hesiboni; Isareri yamugambira ati leka, tukwesengerize, turabe omu nsi yawe tuhike omu kiikaro kyowaitu. 20baitu Sihini atesige Isareri okuraba omu mutangwe: baitu Sihoni akesoroza abantube bona, yatema enkande omu Yahazi, yarwana na Isareri. 21Kandi MUKAMA Ruhanga wa Isareri yahayo Sihoninabantube bona omu mukono gwa Isareri, babatema: nukwo Isareri yalya ensi yona Eyabamoli, abantu abomu nsi egi. 22Kandi bakalya omutano gwona ogwa Abamoli, okuruga Aranoni nokuhikya Yaboki, nokuruga irungu okuhikya Yorudani. 23Nukwo MUKAMA Ruhanga wa Isareri, abingire Abamoli omu maiso gabantube Isareri, naiwe noyenda okubalya? 24Torukwenda okulya ensi kemosi omucwezi wawe eyakuhaire okugirya? Nukwo na MUKAMA Ruhanga waitu abayabingire omu maiso gaitu nibo turalya ensi zabu. 25Kandi hati bunu iwe nokira baraki mutabani wa Zipo, omukama wa Moabu? Uwe arahakaine na Isareri, rundi ararwaine nabo? 26Isareri obuyatahaga hesiboni nembuga zayo, na Aroere nembuga zayo, nembuga zona eziri ha rubaju rwa Aranoni, emyaka bikuni bisatu; kiki ekyabahinzire kuziga’ra namberemuli omu myaka egi? 27Nukwo nyowe tinkusisire, baitu iwe nosisira nyowe okundwanisa: MUKAMA arukucwa emisango, acwe hati ebyabana ba Isareri nabana ba amoni. 28baitu omukama wabana ba amoni atahu’re ebigambo bya yefuta ebiyamutumire.

29Nubwo omwoyo gwa MUKAMA gwaija ha Yefuta yaraba omu Gireadi na Manase, yaraba pmu Mizipe eya Gireadi, kandi okuruga Mizipe eya Gireadi yarabaho nahika hali abana ba Amoni. 30Yefuta yayeraga hali MUKAMA nagamba ati Obwolihayo mazima abana ba amoni omu mukono gwange, 31nubwokiriba kiti, eki kyona ekirituruka omu miryango eyenju yange, okuntangi’ra, obundigaruka nobusinge ndugire omu bana ba amoni, kiriba kya MUKAMA, kandi ndikihayo nkekihongwaekyokeze. 32Nukwo Yefuta yahingura nagenda hali bana ba Amoni okurwana nabo; MUKAMA yabahayo omu mukonogwe. 33Yabatema okuruga Aroero okuhikya nambereoija Minisi, embuga abiri, kandi okuhikya Aberi-keramimu nokuita Kwingi muno. Nukwo abana ba Amoni basinguirwe bati omu maiso ganaba ba Isareri.

34Kandi Yefuta yaija Mizipa hali enjuye, kandi dora, omuharawe yarugayo okumutangi’ra akabali omwanawe omu wenka: akaba atanyina mwana ondi, nobwakuba omwojo nobwakuba omuisiki. 35Kandi kyahika, obuyamuboine yatemura ebyokujwarabye, yagamba ati Zimboine! Mwana wange! Ombundaize muno, ofokere omu hali abo abarukuntuntuza: baitu nkasamira MUKAMA akanwakange, kunu tindukusobora okugarukayo enyuma. 36Yamugambira ati tata, okasamira MUKAMA akanwa kawe; nkorankeki okukiri ekyarugire omu kanwa kawe; baitu MUKAMA akuholire enzigu ha banyanzigwa bawe abana ba Amoni. 37Yagambira ide ati leka ekigambo kinu kikorwe habwange: ondekere amezi abiri, nudge hanu ngende omu nsozi, ntere empama habwobuto bwange, nyowe nabatahi bange. 38yagamba ati Genda. Yamuraga amezi abiri: yagenda uwe babatahibe, yatere empamo habwobutobwe omu nsozi. 39Kandi kyahika amezi abiri obugahinguireho yagarukayo hali ise, uwe yamukora nkokweragakwe okukuli okuyayeragire: kandi akaba atamanyire musaija. 40Kandi yaba engeso omu Isareri, abaisiki bomu Isareri bagendaga omwaka nomwaka okute’ra empamo omuhara wa Yefuta Omugireadi, ebiro bina omwaka gwona.