Swahili Bible2

1

1KANDI kyahika hanyuma Yosuha obuyamazire okufa, abana ba Isareri bakaguza hali MUKAMA nibagamba ngu Noha omulitwe alibanza okutembe’ra 2Abakanani okubarwanisa? MUKAMA yagamba ati Yuda nuwe alitembe’re: dora mpaireyo ensi omu mukonogwe, 3Yuda yagambira Simeoni mugenziwe ati Ija ogende nanyowe omu mugabo gwage, turwanise Abakanani; nanyowe nukwo ndigenda naiwe omu mugabo gwawe, Nukwo Simeoni yagenda nauwe. 4Yuda yabatembe’ra; MUKAMA yahayo Abakanani nabaperizi omu mikono yabu: batemaho omu Bezeki abantu kakumi. 5Kandi basanga Adoni bezeki omu Bezeki: bamurwanisa batema Abakanani nabaperizi. 6Baitu Adoni- bezeki yairuka; bamuhondera bamukwata bamusaraho enkumuze ensaija nebyarabye ebisaija. 7Adoni-bezeki yagamba ati Abakama ensanju abasazirweho enkumu zabu ensaija nebyara byabu ebisaija bakomakomaga ebyokulya byabu omunda yemeza yange. Nka nyowe okunakozire, nukwo Ruhanga ampoire enzigu ati. Batmuleta Yerusalemu yaferayo.

8Abana ba Yuda barwanisa Yerusalemu, baginyaga bagitema nobwogi bwa busitama, bayokya orubuga nomu’ro. 9Hanyuma abana ba Yuda basirimuka okurwanisa Abakanani abaikaraga omu nsi eyensozi, nomu Bukizi Bwobulyo, nomu kyeya. 10kandi Yuda yaramagira Abakanani abaikaraga heburoni: (kandi Ibara lya Heburoni omu biro byaira likaba liri Kiryasi-araba:) batema Sesai na Ahimani na Tarumai 11Yarugayo yaramagira abantu abomu Debiri. ( Kandi ibara lya Debiri omu biro byaira likaba liri Kiryasi- sefere.) 12Kalebu yagamba ati Alitema Kiryasi-sefere, naginyaga nuwe ndiha Akisa omuhara wange omuswere. 13Kandi Osinyeri mutabani wa Kenazi, mugezi wa Kalebu omuto, yaginyaga: yamuha Akisa omuharawe okumuswera. 14Kandi Kyahika obuyaizire nambereli, yamutere’ra okusaba ise ekibanja: yaruga hankainaye; Kalebu yamugambira ati Noyenda ki? 15Yamugambira ati ompe ekisembo; baitu okanta omu nsi Yobukizi Bwobulyo, ompe kandi nensoro zamaizi.Kalebu yamuha ensoro ezeruguru nensoro eza ifo.

16Nabana ba Omukeni muramu wa Musa bakarugayo omu rubuga rwebikoga hamu nabana ba Yuda, bagenda omu irungu lya Yuda, eriri ha bukizi bwobulyo omu Aradi; bagenda baikara nabantu. 17Kandi Yuda yagenda na Simeoni mugenziwe, batema Abakanani abakaba bali omu Zefasi, bagihwerekerereza kimu. Kandi ibara eryorubuga lyayetwaga Horuma. 18kandi Yuda yanyaga gaza hamu nomutano gwayo, na Asikeroni hamu nomutano gwayo, na Ekeroni hamu namutano gwayo. 19Kandi MUKAMA akabali hamu na Yuda; yabingamu abaikaraga omu nsi eyensozi; baitu atasobole okubingamu abomu kihanga, baitu bakaba banyina egali ezebyoma. 20Kandi Heburoni bakagiha kalebu, nka Musa okuyagambire: yabingayo batabani abasatu ba Anaki. 21Kandi abana ba benyamini batabingemu Abayebusi abaikaraga yerusalemu: baitu Abayebusi baikaraga hamu nabana ba Benyamini omu yerusalemu, nokuhikya hati.

22Nenju ya Yusufu, nabo bakabrmagira Beseri: kandi MUKAMA akabali nabo. 23Kandi enju ya Yusufu batuma okutata Beseri.( Lero ibara eryorubuga omu biro byaira likaba liri Luzi). 24Kandi entasi zikarora omuntu naturuka omu rubuga, bamugambira ngu Otwaleke tukwesengerize omuhanda ogwokutaha omu rubuga, naitwe turakukora ebyembabazi. 25Yaboleka irembo eryorubuga, batema orubuga nobwogi bwa busitama; baitu balekera omuntu ogu nabomukaye bona. 26Omuntu ogu yagenda omu nsi Yabahiti yayombeka orubuga, yaruruka ibara lyarwo Luzi: niryo ibara lyarwo nokuhikya hati.

27Na manase atabingemu abomu Besi-seani nembuga zayo, nobwekuba Taanaki, nembuga zayo nobubakuba abomu Doru nembuga zayo, nobubakuba abomu Ibuleamu nembuga zayo, nobubakuba abomu Megido nembuga zayo: baitu Abakanani bakaguma okuikara omu nsi egi. 28Kandi kikahika, Abaisareri obubatungire amani bakoza Abakanani emirimo, kunu batababingiremu kimu.

29Na Eferaimu atabingemu Abakanani abaikaraga gezere hagati omulibo.

30Zeburuni atabingemu abomu Kitironi, nobubakuba abomu naharoli, baitu Abakanani baikaraga hagati yabu, bafoka abakozi bemirimo.

31Asere atabingemu abomu Ako, nobubakuba abomu Zidoni, nobubakuba abomu Akirabu, nububakuba abomu Heriba, nobubakuba abomu Afiki, nobubakuba abomu Rehobu: 32baitu Abasere baikaraga omu Bakanani, abantu abensi: baitu batababingemu.

33Nafutali atabingemu abomu Besi-semesi, nububakuba abomu esi-anasi; baitu yaikaraga omu Bakanani, abantu abomu nsi: baitu abomu Besi-semesi nabomu besi-anasi bafoka namberebali abakozi bemirimo.

34Nabamoli bakabingira abana ba Dani omu nsi eyensozi: batabaikirize okukonkomoka omu kihanga: 35baitu Abamoli bakaguma okuikara omu rusozi Heresi, omu Aiyaroni, nomu Saalibimu: baitu omukono ogwenju ya Yusufu gwasingura, nukwo bafoka abakozi bemirimo. 36Nomutano gwa Abamoli gukaruga ha ntembotembo ya Akarabimu, okuruga ha mwandara okuhikya eruguru.