Swahili Bible2

49

1Kandi Yakobo aketa abanabe yagamba ati Mwesoroze hamu, nukwo mbagambire ebiribaho ha biro bya hampero.

2Mwesoroze muhu’re inywe abana ba Yakobo;

Muhu’re Isareri isinywe.

3Reubeni niwe muzigaijo wange, obosobozi bwange, kandi okubanza kwamani gange;

Ekitinisa ekyobukuru, nekitinisa kyamani

4Oli nkamaizi agatarukucurera, tolikira;

Baitu akatemba ha kitabu kya ‘so:

Wakisisa: akatemba ha kitabu kyange.

5Simeoni na Levi baisemu;

Busitama zabu byokurwanisa byamani.

6Iwe obwomezi bwange; otaliija omu rukurato rwabu;

Iwe ekitinisa kyange, otaliterana omu kitebe kyabu;

Baitu habwekiniga kyabu bakaita omusaija,

Na habwiraro lyabu bakatema enimi ekitega. 7Ekiniga kyabu kikyenwe, baitu king;

Nokubihirwa kwabu, baitu nuku’ruma:

Ndibaganiza omu Yakobo,

Ndibararangya omu Isareri.

8Yuda, iwe bagenzi bawe barakukaguzaga:

Omukono gwawe guliba habikya byabanyanzigwa babwe;

Abana ba ‘so barainamaga omu maiso gawe,

9Yuda nikyo kyana kyentale;

Otembere mwana wange, noruga omu muhigo:

Yainama, yabunda nkentale,

Kandi nkentale ebuguma noha aramwata?

10Omuigo gwobukama tiguliruga ha Yuda.

Nobugwakuba omuigo gwomulemi tiguliruga hagati yebigerebye,

Okuhikya Siro;

Ogu abantu baramuhu’raga.

11Nasibika omwana gwekisorokye ha muzabibu.

Nomwana gwenkainaye ha muzabibu ogukira oburungi:

Akogya ebyokujwarabye namarwa,

Nengoyeze nesagama eyemizabibu:

12Amaisoge garanataga na marwa,

Namainoge garayeraga hamata.

13Zeburuni araikaraga ha mugongo gwenyanja:

Araikaraga omwogo gwamato;

Nomutanogwe guliba ha Zidoni.

14Isakara nuwe enkaina eyamani,

Erukubyama hagati yamasibiko gentama:

15Yarora ekiikaro ekyokuhumura nkokukiri kirungi,

Nensi nkokwesimire; yaihamya ibegalye okuhimba.

Yafoka omuiru aragirwe emirimo.

16Dani aracweraga abantube emisango,

Orumu ha nganda za Isareri.]

17Dani arabaga enjoka omuhanda,

Kandi wahimbiri omu muhanda,

Enyakuruma embarasi ebikongoijo,

Nogu anyakugitemba agaranjuka.

18Ntegerize okujuna kwawe, ai MUKAMA.

19Gadi ekitebe kirimufunza:

Baitu uwe aliigatira ekikongoijo kyabu.

20Omu Asere ebyokulabye biranyetaga,

Kandi araletaga emikubi emirungi eyomukama.

21Nafutali niyo ensa esumuruirwe:

Agamba ebigambo ebirungi.

22Yusufu niryo itagi eryana muno,

Itagi eryana munu hali iziba;

Abanabe nibaranda ha muhuruzi nibalenga.

23Abarasa engobe bakamubihiza muno,

Bamurasa bamuhiganiza:

24Baitu obutabwe bukaguma namani,

Nemikono yengaroze ekahabwa amani

Hali emikono Eyomusobozi owa Yakobo

(Nuho haliruga omulisa, ibale lya Isareri).

25Ruhanga wa ‘so, nuwe arakonyeraga,

Kandi Owobusobozi bwona

Arakuhaga omugisa,

Emigisa eruga haiguru omu iguru,

Emigisa eruga omu nziha erukubyama hansi,

Nemigisa eyamabere, neyenda.

26Emigisa eya ‘so.

Ekirire kimu emigisa eya baisenkuru nyowe,

Okuhikya ha mutano ogwempero eyensozi ezitalihwaho:

Eraikaraga ha mutwe gwa Yusufu,

Kandi eruguru yomutwe gwogu ayabaganizibwe na bene babu.

27Benyamini ngagya erukunyaga:

Nyenkya aralyaga omuhiigo.

Kandi omu kairirizi aragabaga eminyago.

28Zinu zona nizo nganda za Isareri ikumi na ibiri; kandi nibyo isebo yabagambire nabasabira omugisa, omuntu wena nkomugisagwe okuguli nukwo yamusabire ati. 29Yabatere’ra, nabagambira ati Ningenda okutwarwa hali abantu bange: mulinzika hamu nabaisenkuru nyowe omu buingira obuli omu kibanja kya Eferoni 30Omuhiti, omu buingira obuli omu kibanja kya Makepera, eri omu maiso ga Mamire, omu nsi ya Kanani, Iburahimu obuyaguzire hamu nekibanja hali Eferoni Omuhiti okuba obutaka obwokuzikamuga. 31nuho bazikire Iburahimu na Sara mukaziwe; nuho bazikire Isaka na Rebeka mukaziwe, kandi nuho nazikire Leya: 32ekibanja nobuingira oburumu ebyaguzirwe hali abana ba Hesi, 33Kandi Yakobo obuyamazire okute’ra abanabe, yahinya amaguruge ha kitabu, yahayo obwomezibwe yatwarwa hali abantube.