Swahili Bible2

48

1KANDI kyahika hanyuma yebi omuntu yagambira Yusufu ati Dora, so arwaire: yatwara nauwe batabanibe babiri. Manase na Eferaimu.. 2Omuntu yagambira Yakobo ati Dora mutabani wawe Yusufu naija namberoli: Isareri yayegumya yaaika’ra ha kitabu. 3Yakobo yagambira Yusufu ati Ruhanga Owobusobozi bwona akambonekera Luzi omu nsi ya kanani, yampa omugisa, 4yangambira ati Dora ndikusagisa, indikukanyisa, kandi ndikufora ekitebe kyamahanga; kandi indibaha abaijukuru bawe abali kuratira ensi enu okuba butaka obwebiro nebiro. 5Kandi hati ba tabani bawe ababiri, abakuzlirwe omu nsi ya Misiri, obunkaba ntakaizire haliwe omu Misiri nibo bange; Eferaimu na manase baraikaraga bange, nka Reubeni na Simeoni. 6Nabana bawe abolizara hanyuma yabu nibo baliba bawe; bararukwaga ibara lyabagenzibabu omu bugwetwa bwabu. 7Kandi nyowe, obunarugire Padani, Rakeri akanfaho omunsi ya Kanani omu muhanda, hakaba hakyasigaireho omwanya mwingi okuhika Eferasi (niyo Baterahemu). 8Isareri yarora batabani ba Yusufu yagamba ati Banu baha? 9Yusufu ya gambira ise ati Nibo bana bange, Ruhanga abayamperire hanu. Yagamba ati balete nkwesengerize hali nyowe, nda basabira omugisa. 10Baitu a maiso ga Isareri gakaba ga himbaire habwobugurusi, kunu atasobole okuhweza. Yabairiza namberali;yabanywegera yababumbatira; 11Isareri yagambira Yusufu ati Nkaba ntarukutekereza okurora amaiso gawe: kandi dora, Ruhanga emboneseze nabana bawe. 12Yusufu yabaiha omu majuge ha gati; yainama namaisoge hansi. 13Yusufu yabakwata bombi. Eferaimu nomukonogwe ogwobulyo hali omukono gwemoso gwa Isareri, na Manase nomukono gwe ogwemoso hali omukono gwobulyo ogwa Isareri, yabairiza namberali. 14Isareri yago ‘ra omukongogwe ogwobulyo yaguta ha mutwe gwa Eferaimu, kunu nuwe muto, kandi omukonogwe ogwemoso ha mutwe gwa manase. yasoberaniza emikono akimanyire; baitu manase nuwe akabali omuzigaijo. 15Yasabira Yusufu omugisa nagamba ati Ruhanga baisenkuru nyowe Iburahimu na Isaka oubagenderaga omuisoge Ruhanga ayandisaga ebiro byange byona 16okuhikya na hati, maraika ayancinguire omu bubi bwona ahe omugisa abojo; kandi ibara iyange iyetwege halibo, nibara lya baisenkuru nyowe Iburahimu na Isaka. Kandi bafoke ekitebe ekikoto hagati yensi. 17Yusufu obuyaboine ise ataire omukonogwe ogwobulyo ha mutwe gwa Eferaimu yabihirwa: yaimukya omukono gwa ise okuguiha ha mutwe gwa Eferaimu, okuguta ha mutwe gwa Manase. 18Yusufu yagambira ise ati Tikirikyo tata: baitu onu nuwe muzigaijo; ta omukono gwawe ogwobulyo ha mutwegwe. 19Ise yayanga nagamba ati Manyire, mwana wange, manyire, nauwe alifoka ihanga, nauwe aliba omukuru: baitu megenziwe omuto nuwe alimukira obukuru, nabaijukurube balifoka amahanga maingi. 20Yabasabira omugisa ekiro eki nagamba ati Omuliwe Isareri arasabaga omugisa nagamba ati Ruhanga akufolege nka Eferaimu, kandi nka Manase: kandi Eferaimu akamubanza Manase. 21Isareri yagambira Yusufu ati Dora ninfa: baitu Ruhanga araikaraga hamu nainywe, alibaga’rayo omu nsi yabaisenkuru inywe. 22Kandi nkuhaire iwe omugabo gumu okukira abagenzi bawe ogunaihire omu mukono gwa Abamoli na busitama yange nobuta bwange.