Swahili Bible2

47

1NUBWO Yusufu yataha yatebeza Faraho nagamba ati Isenyowe na bagenzi bange,nentama zabu, ente zabu, na byona ebibanyinabyo, bakaruga omu nsi ya Kanani; Kandi dora, bali omu nsi ya Goseni. 2Yakoma abasaija batano omu bagenzibe yabaranga hali Faraho. 3Faraho yakaguza bagenzibe ati Emirimo yanyu kiki? Bagambira Faraho ngu Abairu bawe bahuma, itwe nabaisenkuru itwe. 4Bagambira Faraho ngu Tuizire okuikara omu nsi; baitu obunyansi bwa Magana gabairu bawe busaho; baitu njara nyingi omu nsi ya kanani: nukwo hati tukwe sengerize, abairu bawe baikalege omu nsi ya Goseni. 5Faraho yagambira yusufu ati ‘So na bagenzi bawe baizire haliwe: 6ensi ya Misiri eri omu maiso gawe: aharukira oburungi omu nsi nuho ote so na bagenzi bawe; baikalege omu nsi ya Goseni: kandi obworaba omanyire omulibo abasaija bamagezi obafole abakuru bente zange. 7Yusufu akatahya Yakobo ise, yamuta omu maiso ga Faraho; Yakobo yasabira Faraho omugisa. 8Faraho yakaguza Yakobo ati Ebiro ebyemyaka eyo bwomezi bwawe bingaha? 9Yakobo yagambira Faraho ati Ebiro ebyemyaka eyokugonya kwange nibihika emyaka kikumi mwasatu: ebiro ebyemyaka eyobwomezi bwange bike kandi bibi, kunu tibihika ebiro ebyamyaka eyobwomezi obwabaisenkuru nyowe omu biro byokugonya kwabu. 10Yakobo yasabira Faraho omugisa, yaruga omu maiso ga Faraho. 11Yusufu yaikaza ise na bagenzibe, yabaha obutaka omu nsi ya Misiri, omu nsi harukukira oburungi, omu nsi ya Ramesesi nka Faraho okuyaragire. 12Yusufu yalisa ise, nabagenzibe, nabona abomu nju ya ise, nebyokulya nkenju zabu okuzikaba ziri. 13Kandi hatabe ebyokulya omu nsi yona; baitu enjara ekaberi nyingi muno, ensi ya Misiri nensi ya Kanani nikyo zagwerire ensazi habwenjara. 14Yusufu yasoroza efeza zona eza ezazokere omu nsi ya Misiri nomu nsi ya Kanani habwengano ezibaguzire: Kandi Yusufu yaleta efeza omu nju ya Faraho. 15Efeza zona obuzahoire omu nsi ya Misiri nomu nsi ya Kanani. Abamisiri bona baija hali Yusufu, nibagamba ngu Otuhe ebyokulya: baitu kiki okufera omu maiso gawe? Baitu efeza zitubuzire. 16Yusufu yagamba ati Muheyo ebisoro byanyu; nayowe ndabahaga habwebisoro byanyu, efeza obuziribabura. 17Kandi baletera Yusufu ebisoro byabu: Yusufu yabahingisiza ebyokulya nembarasi nentama nente nenkaina: yabalisiza ebyokulya nabahingisiza nebisoro byabu byona omwaka ogu. 18Omwaka ogu obugwahoireho, bamuizira omu mwaka ogwakabiri, bamugambira ngu Titwasereke mukama wange; efeza zitu zona zihoireho namagana gebisoro ga Mukama wange busaho ekisigaireho omu maiso ga mukama wange, rundi emibiri yaitu nobutaka bwaitu: 19nukwo kiki okufera omu maiso gawe, itwe nensi yaitu otugure itwe nnsi yaitu habwebyokulya, naitwe nensi yaitu? Tuliba bairu ba Faraho. otuhe embibo, tube bomezi, tuleke okufa, nensi ereke okuba ekifuruka. 20Kandi Yusufu yagu’ra Faraho ensi yona eya Misiri; baitu abamisire bakagura omuntu wena omusirigwe, baitu enjara ekabasaga: ensi yafoka ya Faraho. 21Kandi nabantu yabaihu’ra yabata omu mbuga okuruga ha mpero yomutano gwa Misiri okuhikya ha mpero yagwo. 22Rundi ensi yonka eya banya katagara niyo ataraguzire: baitu banyakatagara bakaba banyina omugabo gwabu ogubahabwaga Faraho, kandi balyaga omugabo gwabu Fraho oguyabahaga; nikyo bataragulize ensi yabu. 23Nubwo Yusufu ya gambira abantu ati Dora, hati ngulire Faraho inywe nensi yanyu dora, embibo yanyu inginu, kandi murasigaga omu nsi. 24Kandi kirihika obumuragesaga, nubwo murahaga Faraho ekicweka ekyakatano, nebicweka bina nibyo birabaga byanyu, okuba ebyokusiga omu musiri, nokuba ebyokulya byanyu, kandi ebyabo omu nju zanyu, nokuba ebyokulya bya bana banyu abato. 25Bagaba ngu Otujunire omu kufa: turole embabazi omu maiso ga mukama wange, kandi tuliba bairu ba Faraho. 26Yusufu akataho ekiragiro eki omu nsi ya Misiri okuhikya na hati, Faraho okuhabwaga ekicweka ekyakatano; rundi ensi ya banyakatagara bonka niyo etarafokere ya Faraho. 27Isareri akaikara omu nsi ya Misiri, omu nsi ya Goseni; kandi ba ketungira ebintu, bazara, bakanya muno. 28Yakobo akamara emyaka ikumi nomusanju omu nsi ya Misiri: nukwo ebiro bya Yakobo, emyaka yobwomezibwe yahikya emyaka kikumi mwana mu musanju. 29Akasumi kakaba kali haihi okuhika Isareri akokuferamu: yayeta mutabaniwe Yusufu, namugambira ati hati obundaba mboine embabazi omu maiso gawe, nkwesengerize ta omukono gwawe hansi yekibero kyange, onko’re ebyambabazi nebyamananu; otalinizika nkwesengerize, omu Misiri: 30baitu obundigwijagira hamu na baisenkuru nyowe, nubwo olimpimba okunyiha omu Misiri, kandi olinzika omu kiikaro kyabu ekyokuzikamu. Yagamba ati Ndikora nkokwongambire. 31Yagamba ati Ndahira: yamurahira. Isareri kyainama ha musago.