Swahili Bible2

43

1ENJARA ekaba eri nyingi omu nsi. 2Kandi kyahika obubamazire okulya engano eyibaihire omu Misiri, isebo yabagambira ati Mugarukeyo mutu gu’re akokulya. 3Yuda yamugambira ati Omusaija akaturahi’ra mali nagamba ati Timulibona amaiso gange, rundi Mugenzi wanyu ali hamu nainywe. 4Obwolituma mugenzi waitu naitwe, tulisirmuka tulikugu’ra ebyokulya: 5baitu obwotaikirize okumutuma, naitwe titulisirimuka: baitu omusaija akatugambira ati Timuli bona amaiso gange, rundi mugenzi wanyu ali hamu nainywe. 6Isareri yagamba ati Kiki ekibankoleze kubi muti okugambira omusaija ngu munyina 7mugenzi wanyu ondi Bagamba ngu Omusaija akatukaguliriza muno ebyowaitu nebyabene baitu, nagamba ati Isinywe akiri mwomezi munyina mugenzi wanyu ondi naitwe twamugambira ebigambo ebi nkokubiri: twakusoboire tuta okumanya ngu naija okugamba ati Musirimule mugenzi wanyu 8Yuda yagambira Isareri ise ati Tuma omwojo hamu nanyowe, kandi tuliimukya okugenda; tube abomezi tuleke okuja, itwe naiwe nabana baitu abato. 9Nyowe ndaba omwemawe; olimujunaniza nyowe omu mukono gwange: obu ntalimuleta namberli nimuta omu maiso gawe, nubwo omusango guliba hali nyowe ebiro byona: 10baitu kakuba tutaraikaire muno, mananukwo hati tuba tugarukire omurundi ogwa kabiri. 11Isareri isebo yabagambira ati Hati obukiraba kiri kiti, nukwo mukole muti; mutwale ha byana ebensi ebikomerwemu omu bintu byanyu, Mutwa’re omusaija ekisembo, Enkwasi etali nyingi, nobwoki obuke nebirukuboya nomugaju nebinyobwa namaijalero: 12kandi mutwale efeza emihendo ebiri omu ngaro zanyu; kandi nefeza Ezagaruirwe omu kanwa kensahu zanyu, muzitwale nazo omu ngaro zanyu; rundi baka 13ziga’ra batamanyire: kandi mutwale na mugenzi wanyu, muimuke, mugarukeyo hali omusaija: 14kandi Ruhanga Owobusobozi bwona abahe okuganyirwa omu maiso gomusaija, abaleke’re mugenzi wanyu ondi na Benyamini. Nanyowe obundiferwa abana bange, ndiferwa.

15Abasaija bakatwara ekisembo eki, batwara nefeza emihendo ebiri omu ngaro zabu, na Benyamini; baimuka basirimuka Misiri, bayeme’ra omu maiso ga Yusufu. 16Yusufu obuyaboine Benyamini ali hamu nabo, yagambira omuketo owenjuye ati Twara abasaija omu nuu, obaitire enyama, otekanize; baitu abasaija baralya hamu na nyowe omu ihangwe. 17Omu saija yakora nka Yusufu okuyaragire; omusaija yatwara abasaija omu nju ya Yusufu. 18Abasaija batina, baitu babalesere omu nuu ya Yusufu; bagamba ngu Habwefeza eza garuirweyo omu nsahu zaitu obwokubanza nikyo batuletire munu; atuboneho ekigambo, atujumbutukireho, atunyage okuba abairu, kandi nenkaina 19zaitu. Bai’ra haihi omuketo owomu nju ya Yusufu, bagamba nauwe ha mulyango ogwenju, 20nibagamba ngu Ai mukama wange, mananukwo dtukasirimuka okubanza okugura ebyokulya: 21kandi kyahika obutwaizire omu kiikaro ekyokuraramu twasumu’ra ensahu zaitu, kandi dora, efeza yomuntu wena ekaba eri omu kanwa kensahuye, efeza yaitu omuhendo gwayo guhikire: kandi tuziresere omu ngaro zaitu. 22Kandi tulesere nefeza ezindi omu ngaro zaitu okugura ebyokulya: titumanyire ayataire efeza zaitu omu nsahu zaitu. 23Yagamba ati Businge bube halinywe, mutatina: Ruhanga wanyu, kandi Ruhanga wa isinywe nuwe yabahaire tungo omu nsahu zanyu: nyowe nkahabwa efeza zanyu. Yabaturukiza Simeoni. 24Omusaija yatahya abasaija omu nju ya Yusufu, yabaha amaizi banabe ebigere byabu; yaha enkaina zabu ebyokulya. 25Batekaniza ekisembo Yusufu obwaraija omu ihangwe: baitu bakahu’ra ngu baralira oku ebyokulya. 26Yusufu obuyagarukire omuka bamuletera omu nju ekisembo ekikaba kiri omu ngaro zabu, bamuinamira nibajumara hansi. 27Yabakaguza okubakaba bali, yagamba ati Isinywe aliyo,omugurusi oumwagambireho 28akiri mwomezi Bagamba ngu Omuiru wawe isitwe aliyo kurungi, akiri mwomezi. Bainamya emitwe nibaramya. 29Yaimukya amaisoge yarora Benyamini mugenziwe, omwana wa nyina, yagamba ati Ogunuwe mugenzi wanyu omuto Oumwangambireho yagamba ati Ruhanga akwoleke embabazi mwana wange. 30Yusufu yayanguha; baitu omutimgwe gukasalirirwa mugenziwe: yase’ra hokuliri’ra; yataha omu kisikakye, yaliri’ramu. 31Yanaba omu maiso yaturuka; yayegumya, yagamba ati Muihule ebyokulya. 32Bamuhereza uwe wenka nabo bonka, Nabamisiri abalyaga hamu nauwe nabo bonka: baitu Abamisiri batasobole okulya ebyokulya hamu Nabaheburaniya; baitu eki kyomuziro hali Abamisiri. 33Baika’ra omu maisoge, omuzigaijo nkobukurubwe okubukaba buli, nomuto nkobutobwe okubukaba buli: abasaija bahuni’ra bonka na bonka. 34Yabacweraho entonge ha byokulya ebikaba biri omu maisoge: baitu entonge eya Benyamini ekakira yabubona emirundi etano. Banywa, basemererwa hamu nauwe.