Swahili Bible2

41

1KANDI kyahika emyaka ebiri ehikire ehinguireho, Faraho akarota ekiroto: kandi dora, akaba ayemerire ha kyambu. 2Kandi dora, hakarugayo omu kyambu ente musanju, enungi igomokere zalira omu butorwa. 3Kandi dora, ente zindi musanju zazihondera niziruga omu kyambu, embi ezanukire; zayeme’ra haihi nente ezindi, ha rubaju rwekyambu. 4Kandi ente embi ezanukire zalya ente musanju enungi igomokere. Faraho yasisimuka. 5Kandi yagwijagira, yarota ekiroto obwakabiri: Kandi dora, entwe zengano musanju zamera ha musenka gumu, ezinyesere, enungi. 6Kandi dora, entwe musanju enke ezahohibwe omuyaga ogwoburugaizoba, zazihondera nizimera. 7Kandi entwe enke zamira entwe musanju ezinyesere, empango. Faraho yasisimuka, kandi dora, kibaire kiroto. 8Kandi kyahika nyenkya omutimagwe gwatuntura; yatuma okweta abafumo bona abomu Misiri, nabamagezi bona abamu: Faraho yabaro’ra ekirotokye; baitu busaho ayasoboire okubisobo’ra Faraho. 9Omwambukya omukuru yagambira Faraho at nyijukire hati emisango yange: 10Faraho akaba abihirirwe abairube, yambohera omu nju yomukuru wabamogora, nyowe nomwokya omukuru: 11naitwe tukarota ekiroto ekiro kimu, nyowe nauwe; twarota, omuntu wena nkamakuru gekirotokye okugali. 12Kandi hakaba haroho hamu naitwe omusigazi, Omuheburaniya, omuiru womukuru wabamogora; tukamuroto’ra yatusobo’ra ebiroto byaitu; omuntu wena akamusobo’ra nkekirotokye okukikaba kiri. 13Kandi kyahika, nkokuyatusoboroire, nukwo kyabaire kiti; nyowe yanga’ra omu bunyoro bwange, ogu yamuhanika. 14Nubwo Faraho yatuma okweta Yusufu, bamiha bwango omu nju yenkomo: yayemwa, yahingisa ebyokujwarabye, yataha hali Faraho. 15Faraho yagambira Yusufu ati Nkarota ekiroto, kandi busaho asoboire okukisobo’ra: kandi mpulire baganbire iwe ngu obwohu’ra ekiroto nosobora okukisobo’ra. 16Yusufu yagarukamu Faraho yagarukamu Faraho nagamba ati Tikiri omuli nyowe: Ruhanga araha Faraho okugarukamu okwobusinge. 17Faraho yagambira Yusufu ati Omu kiroto kyange, dora, nyemerire ha musa gwekyambu: 18Kandi dora, harugamu omukyambu ente musanju igomokere enungi; zalira omu butorwa: 19kandi dora, ente musanju ezindi zazihondera nizitemba, ezidodokere, embi muno ezanukire, ezintakabonahoga omu nsi yona eya Misiri okubiha: 20ente ezanukire embi zalya ente omusanju igomokere ezabandize: 21Obuzamazire okuzirya, tikimanyirwe ngu zizirire; baitu zibaire zikiri embi, nkokubanza. 22Nubwo nasisimuka. Kandi mboine omu kiroto kyange, kandi dora, entwe musanju zamera ha musenka gumu, empango, enungi: 23kandi dora, entwe musanju ezahotokere, enke, ezahohibwe omuyaga ogwoburugaizoba, zazihondera nizimera: 24Kandi entwe enke zamira entwe enungi musanju: nakiroto’ra abafumo; baitu busaho arukusobora okukinsobo’ra. 25Yusufu yagambira Faraho ati Ekiroto kya Faraho kiri kimu: Ruhanga ekyaija okukora nikyo aganbire Faraho. 26Ente musanju enungi niyo myaka musanju; ekiroto nikyo kimu. 27Nente musanju ezanukire embi ezazihondire nizitemba nyo myaka musanju, kandi entwe musanju ezitarumu ezihohibwe omuyaga ogwoburugaizoba; egi eyenjara. 28Kinu nikyo kigambo ekingambire Faraho: Ruhanga ekyaija okukora akyolekere Faraho. 29Dora, haliija emyaka musanju eyomweru murungi omu nsi yona eya Misiri 30hanyuma yegi halibaho emyaka musanju eyenjara; nomweru gwona gulyebe omu nsi ya Misiri; enjara erihwerekereza ensi; 31nomweru tigulimanywa omu nsi habwenjara erihondera; baitu eriba nyingi muno. 32Kandi ekiroto kikagambirwa Faraho emirundi ebiri, baitu ekigambo kyagumibwa Ruhanga, kandi Ruhanga alikihikiriza bwango. 33Nukwo hati Faraho ase’re omusaija arukwetegereza owamagezi, amuhe okulema ensi ya Misiri. 34Faraho akole ati, ateho abarolerezi omu nsi, ayahule ekicweka ekyakatano ekyensi ya Misiri omu myaka musanju eyomweru. 35Kandi basoroze ebyokulya byona ebyemyaka enu emirungi erukuija, kandi bahulege engano omu mukono gwa Faraho, biriba ebyokulya ebyomu mbuga kandi bagirindege. 36Ebyakulya biryahu’rwa ensi habwemyaka musanju eyenjara, eribaho omu nsi ya Misiri; nsi etalifa enjara. 37Kandi ekigambo eki kikaba kirungi omu maiso ga Faraho nomu maiso gabairube bona. 38Faraho yagambira abairube ati Tulibona omuntu ndi nkonu, omusaija anyakurumu omwoyo gwa Ruhanga? 39Faraho yagambira Yusufu ati Baitu Ruhanga akwolekere ebi byona busaho arukwetegereza, kandi owamagezi nkaiwe: 40niwe olirema enju yange, kandi nkekigambo kyawe okukiri abantu bange bona baralemwaga: kimu kyonka ha kitebe kyange nyowe ndakukiraga obukuru. 41Faraho yagambira Yusufu ati Dora, nkuhaire okulema ensi yona ya Misiri. 42Kandi Faraho yasomora empetaye eyemanyikirizo omu rukumurwe, yamukweka Yusufu omu rukumu, yamujweka ebyokujwara ebyekitani esemire, kandi yata omukufu ogwezabu omu bikya; 43yamugendesa omu gali eyakabiri eyakabanyinayo; bayami’ra omu maisoge ngu Muteze amaju: yamuha okulema ensi yona eya Misiri. 44Faraho ya gambira Yusufu ati Ninyowe Faraho, kandi hatali iwe tihaloho muntu alimukya omukonogwe nobukyakuba ekigereky omu nsi yona eya Misiri. 45Kandi Faraho yaruka Yusufu ibaralye Zafenasi-paneha; yamuha Asenasi omuhara wa Potifera nyakatagara wa Oni okumuswera. Yusufu yagenda yahikya ensi ya Misiri. 46Kandi Yusufu akaba ahikize emyaka asatu obuyayemerire omu maiso ga Faraho omukama wa Misiri. Yusufu yaruga hali Faraho yagenda okuhikya ensi yona ya Misiri. 47Kandi omumyaka muusanju eyomweru ensi ekana ebyana bingi. 48Yasoroza ebyokulya byona ebyemyaka musanju yayahura ebyokulya omu mbuga: ebyokulya ebyomu Misiri, ekaba neyehinguliriza orubuga rwona, yabyahuraga omu rubuga oru. 49Yusufu akahura engano nkomusenyi gwenyanja nyingi muno, okuhikya obuyalekere okubara; baitu ekaba atali yokubarwa. 50Kandi Yusufu akaza’rwa abana abojo babiri, omwaka gwenjara gukaba gutakahkire,Asenasi omuhara wa Poti-fera nyakatagara wa Oni nuwe nyabamuzalire. 51Yusufu yaruka owomuzigaijo ibaralye Manase: nagamba ati Baitu Ruhanga anyebeseze okutabana kwange kwona, nenju yona ya isenyowe. 52Nowakabiri yamuruka ibaralye Eferaimu: nagamba ati Baitu Ruhanga ankanyisize omu nsi eyomuhito gwange. 53Emyaka musanju eyomweru eyabaire omu nsi ya Misiri yahwaho. 54Kandi emyaka musanju eyenjara yatandika okuija, nka Yusufu okuyagambire: enjara yagwa omu nsi zona; baitu omu nsi yona eya Misiri nuho hakaba hali ebyokulya. 55Kandi ensi yona eya Misiri obuyarimirwe enjara, abantu bakaliri’ra Faraho habwebyokulya: Faraho yagambira Abamisiri bona ati Mugende hali Yusufu; ebyaragambiraga nibyo mukolege muti. 56Enjara yahikya ensi zona: Yusufu yakinguraho amaguli gona, yaguza Abamisiri; enjara yaba nyingi omu nsi eya Misiri. 57Nabensi zona bakaija hali Yusufu omu Misiri okugura engano; baitu enjara ekaba eri nyingi omu nsi zona.