Swahili Bible2

40

1Kandi kyahika hanyuma yebi omwambukya womukama wa misiri nomwokyawe bakabihiza mukama wabu omukama wa Misiri, 2Faraho yabihirwa abanyorobe bombi omukuru wabambukya nomukuru wabokya. 3Yababoha omu nju yomukuru wabamogora omu nju yenkomo omu kiikaro Yusufu hayabohirwe. 4Omukuru wabamogora yabakwasa Yusufu uwe yabaherezaga bamarayo akasumi baboherwe omu nkomo. 5Kandi bakarota ekiroto bombi omuntu ekirotokye wenka omu kiro kimu omuntu wena nkamakuru gekiikarokye okugali omwambukya nomwokya abomukama wa Misiri abakaba baboherwe omu nkomo. 6Yusufu yataha nambere bali nyenkya yabarora kandi dora bakaba batuntiure. 7Yakaguza abanyoro ba Faraho abakaba bali nauwe omu nkomo omu nju ya muakamawe, nagamba ati kiki ekibabihize kiti amaiso ganyu hati? 8Bamugambira ngu Turosire ekiroto kunu busaho arukusobora okukisobo’ra. Yusufu yabagambira ati okubobo’ra amakuru tikuli kwa Ruhanga mukindo to’re, mbesengerize. 9Omwambukya omukuru yaroto’ra Yusufu ekirotokye yamugambira ati omu kiroto kyange dora omuzabibu gubaire omu maiso gange 10kandi ha muzabibu habaireho amatagi asatu: gubaire nkogurukwana, gwayakya ebyakyo byagwo nebijuma byagwo byayana emizabibu eyengere 11nembonekyo ya Faraho ebaire omu mukono gwange nakwata emizabibu nagimigira omu mbonekyo ya Faraho nahayo embonekyo omu mukono gwa Faraho. 12Yusufu yamugambira ati ganu nigo makuru gakyo amatagi asatu nibyo biro bisatu; 13hasigaireho ebiro bisatu Faraho alinyumiza omutwe gwawe nakuga’ra omu bunyoro bwawe, kandi oruherezaga embonekyo ya Faraho omu mukonogwe nkokuwakoraga ira obwokaboli omwabukyawe. 14Baitu onyijukege nyowe obwolibona ebirungi onyoleke nyowe embabazi nkwesengerize, ongambeho hali Faraho onyihe omu nju enu 15baitu mananukwo nkanyagwa omu nsi Yabaheburaniya kandi na kunu tinkakoraga kigambo ekihikirire okubantaisa omu nkomo. 16Omwokya omukuru obuyaboine okusobo ra kurungi yagambira Yusufu ati Nanyowe mbaire omu kiroto kyange, kandi dora,ebiibo bisatu ebibairemu ogurukwera babaire ha mutwe 17gwange kandi omu kiibo ekyerunguru habairemu emiringo yona eyebyokulya ebyokeze ebya Faraho nenyonyi zabirira omu kiibo ha mutwe gwange 18Yusufu yagarukamu ati ganu nigo makuru gakyo ebiibo ebisatu 19nibyo biro bisatu hasigaireho ebiro Faraho alinyumiza omutwe gawawe okuruga haliwe kandi alikuhanika ha muti nenyonyi zirirya enyama yawe okugiiha haliwe. 20Kandi kyahika ha kiro kyakasatu, nikyo kiro Faraho ekiyazalirwemu akacumbira abairube bona obugenyi: Kand yanyumiza omutwe gwomwabukya omukuru, nomutwe gwomwokya omukuru omu bairube. 21Yaga’ra omwambukya omukuru omu bwambukyabwe; yahereza embonekyo omu mukono gwa Faraho. 22Baitu yahanika omwokya omukuru: nka Yusufu okuyabasoboroire amakuru. 23Baitu omwambukya omukuru ataijuke Yusufu, yamwebwa.