Swahili Bible2

34

1Kandi Dina, omuhara wa Leya, ouyazalire Yakobo, akaturuka okurora abaisiki abomu nsi. 2Sekemu mutabani wa Hamora Omuhiti omukuru wensi yamurora, yamutwara, yabyama nauwe, yamuswaza. 3Nomutimagwe gwaterana na Dina omuhara wa Yakobo, yagonza omuisiki yagambira omuisiki nembabazi. 4Sekemu yagambira Hamora ise ati Nswere’ra omuisiki ogu. 5Kandi Yakobo yahu’ra okuyasasire Dina omuharawe; na batabanibe bakaba bali nente omu iswa: kandi Yakobo yaculera okuhikya obubaizire. 6Hamora ise Sekemu yaija hali Yakobo okuhanura nauwe. 7Batabani ba Yakobo bataha barugire omu iswa obubakihulire. Kandi abasaija bakasalirwa, habihirwa muno, baitu akarora ekyomuziro omu Isareri obuyabyamire nomuhara wa Yakobo; ekitahikirire okukorwa. 8Hamora yahanura nabo nagamba ati Omutima gwomwana wange Sekemu nugwegomba omuhara wanyu: mbesengerize mumuhe omuswere. 9Kandi tumuswe’rane hamu; inywe mutuhe abahara banyu, naitwe tubahe abahara baitu. 10Kandi muraikaraga naitwe: nensi erabaga omu maiso ganyu; muikalemu, musubulemuga, mutungiremuga ebintu omu nsi. 11Sekemu yagambira ise omuisiki nabanyanya ati Kantunge embabazi omu maiso ganyu, kandi ekimurancwera kyona ndibaha. 12Ebyokujuka nebisembo byona ebimuransaba nambere biriingana hona ndibaha: baitu mumpe omuisiki muswere. 13Batabani ba Yakobo bagarukamu Sekemu na Hamora ise nobugobya nibagamba, baitu akasisa Dina munyanya bo, 14babagambira ngu Titurukusobora okukora kinu, okuha munyanya itwe hali omuntu atasazirwe; baitu eki kyakubaire kyensoni hali itwe: 15ha kiragano kinu kyonka turaikiriza inywe: obumuraikiriza okuba nkaitwe, omusaija wena 16omulinywe asarwe, nubwo tulibaha abaisiki banyu, kandi turaikaraga nainywe, kandi tulifoka ihanga limi. 17Baitu obumutalituhu’ra okusarwa; nubwo tulitwara omuhara waitu tuligenda. 18Ebigambo byabu byaseme’ra Hamora na Sekemu mutabani wa Hamora. 19Omusigazi ataikaleho kukora eki, baitu yasemererwa omuhara wa Yakobo: kandi akabanyina ekitinisa okukira enju yona eya ise.

20Kandi Hamora na Sekemu mutabaniwe baija hali irembo lyorubuga rwabu, bahanura nabasaija bomu rubuga rwabu, 21nibagamba ngu Abasaija abo nibaikara nobusinge naitwe; baikalege omu nsi, basubulege naitwe, baitu dora, ensi egalilire, eribamara; itwe tuswerege abahara babu, kandi tubahege abaharabaitu. 22Kimu kyonka abasaija baliikiriza itwe okuikara naitwe, okufoka ihanga limu, habwekigambo kinu ekyekiragano, omusaija wena omulitwe obwalisarwa, nkabo okubasazirwe. 23Ente zabu nebintu byabu nebisoro byabu byona tibiriba byaitu? baitu tubaikirize kwonka nabo baraikaraga naitwe. 24Kandi bona abarugire ha irembo eryorubugarwe bakahu’ra Hamora na Sekemu mutabaniwe; nomusaija wena yasarwa, bona abarugire ha irembo eryorubugarwe. 25Kandi kyahika ha kiro kyakasatu obubasasire, abana ba Yakobo ababiri, Simeoni na Levi banyanya Dina, batwara bombi busitama zabu, bagwera orubuga bakaba batamanyire baita abasaija bona. 26Baita Hamora na na Sekemu mutabaniwe na busitama, baiha Dina omu nju ya Sekemu, bagenda. 27Batabani ba Yakobo bakasanga ababaisire, banyaga orubuga, baitu bakasisa munyanyabo. 28Batwara entama zabu, nente zabu, nenkaina zabu, na byona ebikaba biri omu rubuga, na byona ebikaba biri omu musiri; 29nitungo lyabu lyona, nabana babu bona abato nabakazi babu, babanyaga bababoha, byona mali ebikaba biri omu nju. 30Yakobo yagambira Simeaoni na Levi ati Muntuntuze, munugisize omu bantu abensi, omu Bakanani nomu Baperizi: kandi nyowe, baitu omuhendo gwaitu muke, balyesoroza bona hali nyowe okuntema; kandi ndihwerekerezebwa, nyowe nenje yange. 31Bagamba ngu Akakora kurungi okugira munyanya itwe nkomukazi-musihani?