Swahili Bible2

26

1KANDI enjara ekagwa omunsi, niyo enjara endi etali enjara yokubanza eyagwire omu biro bya Iburahuimu. Isaka yagenda hali Abimereki, omukama Wabafirisiti Gera. 2MUKAMA yamubonekera, yagamba ati otasirimuka Misiri; ikara omu nsi eyindakugambiraho; 3ikara omu nsi enu, nanyowe ndaikaraga hamu naiwe kandi ndakuhaga omugisa, baitu iwe nabaijukururu bawe, ndibaha inywe ensi zinu zona, kandi ndagumyaga ekirahiro ekirahirire Iburahimu ‘so; 4kandi ndikanyisa abaijukuru bawe nkenyunyuzi eza haiguru, kandi ndiha abaijukuru bawe ensi zinu zona; nomu baijukuru bawe amahanga gona agensi numwo galiherwa omugisa; 5Baitu Iburahimu yahu’raga iraka lyange yayerindaga omwebi ebinamutererire, ebigambo byange nebyokwegesa byange, nebiragiro byange. 6Isaka yaikara Gera: 7Abasaija bayo bamukaguza ha mukaziwe; yagamba ati Munyanya nyowe: baitu akatina okugamba ati mukazi wange; nagamba ati abasaija ba Kunu baleke okunyita habwa Rebeka: baitu akabali omurungi okurora. 8Kandi kyahika, akaba amazireyo ebiro bingi, Abimereki omukama Wabafirisiti yaro’ra omu kihengezi, kandi dora Isaka akaba nazana na Rebeka mukaziwe. 9Abimereki yayeta Isaka yagamba ati Dora, mazimakwo nuwe mukazi wawe kandi iwe okagamba ota munyanya nyowe? Isaka yamugambira ati; baitu nkagamba nti 10Ndeke okufa habwe. Abimereki yagamba ati Kinu kiki ekyokozire? Omu hali abantu yakubyamire na mukazi wawe atamanyire, naiwe wakutulesereho omusango. 11Abimereki yatere’ra abantu bona nagamba ati. Alikwata ha musaija ogu rundi ha mukaziwe talireka okufa. 12Isaka akasiga omu nsi egi, yatunga omu mwaka ogu ogumu emirundi kikumi: 13MUKAMA yamuha omugisa. Omusaija yaba mukuru, yayeyongerayongera okuhika obuyabaire mukuru muno: 14kandi akabanyina amaganage maingi agembuzi nagente nabomukaye baingi yakwasa Abafirisiti ihali: 15baitu amaziba gona, abairu baise agabalimire omu biro bya iburahimu ise, Abafirisiti Abafirisiti bakaba bagaigaire, kandi bagaijuza itaka. 16Abimereki yagambira Isaka ati Genda oturugeho, baitu notukira muno amani 17Isaka yarugayo, yatema orukande omu kyeya kya Gera yaikarayo. 18Isaka yaigura amaziba gamaizi agabalimire omu biro bya Iburahimu ise; baitu Abafirisit bakagaigara Iburahimu obuyamazire okufa: kandi yageta amabara gago nkamabara okugali ise agayagarukire. 19Nabairu ba Isaka bakalima omu kyeya, basangayo iriso lyamaizi agensoro. 20Kandi abahuma abomu Gera bakatera empaka nabahuma ba Isaka nibagamba ngu Amaizi gaitu: yaruka eriso ibara lyalyo Eseki: baitu bakakungana nauwe. 21Kandi bakalima iziba erindi, kandi naryo balite’ra empaka, yaliruka ibara lyalyo Sitina 22Yaimukya okurugayo yalima iziba erindi, eri batalite’re mpaka yaliruka ibara lyalyo Rehobosi; yagamba ati Baitu hati MUKAMA atuhaire omwanya., kandi tulikanya omu nsi. 23Kandi yarugayo natemba Beeri-seba. 24MUKAMA yamubonekera ekiro eki yagamba ati Ninyowe Ruhanga wa Iburahimu ‘so: otatina baitu nyowe ndi hamu naiwe, kandi ndakuhaga omugisa, kandi ndakanyisaga abaijukuru bawe habwomuiru wange Iburahimu. 25Kandi akombeka ekyoto oku, yakunga ibara lya MUKAMA, yasimbayo ehemaye: naho abairu ba Isaka bakalimayo iziba. 26Nubwo Abimereki yagenda namberali naruga Gera, hamu na Ahuzasi enganjaniye, na Fikoli omukuru weherye. 27Isaka yabagambira ati kiki ekibalesesere namberendi baitu munobere, kandi mukambinga nambere muli 28Bagamba ngu Tukarora mali MUKAMA ali naiwe; kandi twagamba tuti Habeho hati ekirahiro hagati yaitu naiwe kandi turagane ekiragano naiwe; 29okutatukoraga kubi, nkaitwe okututarakukwasireho, kandi nkokututarakukoraga kantu, rundi ebirungi byonka, kandi tukakuraga nobusinge hati niwe MUKAMA ouyahaire omugisa. 30Yabacumbira obugenyi, balya banywa. 31Baimuka nyenkya kara., barahirangana kandi Isaka yabaraga bamurugaho nobusinge. 32Kandi kyahika ha kiro eki, abairu ba Isaka bakaija, bamugambira ebiiziba eribakaba balimire, nibamugambira ngu Tuboine amaizi. 33Yaliruka Siba: ibara lyorubuga nikyo lyayetirwe Beeriseba na hati hona. 34Kandi Esau obwakaba ahikize emyaka amakumi ana, yaswera Yudesi omuhara wa Beeri omuhiti, na Basemasi omuhara wa Eroni omuhiti 35abo bakabihiza Isaka na Rebeka omu mitima yabu.