Swahili Bible2

25

1Kandi Iburahimu akaswera mukazi ondi, ibaralye Ketura. 2Nauwe yamuza’ra Zimurani na Yokisani na Medani na Midiani na Isibaki na Suha. 3Yokisani yazara Seba na Dedani. Nabana ba Dedani mbanu, Asulimu na Letusimu na Leumimu. 4Nabana ba Midiani; Efa na Efere na Hanoki na Abida na Eridaa. Abo bona bana ba Ketura. 5Iburahimu yaha Isaka byona ebyakaba anyinabyo. 6Baitu abana ababazana Iburahimu abakabanyinabo, yabaha abo ebisembo; yabasindika okuruga hali Isaka omwanawe obwakaba akiri mwomezi, bagenda burugaizoba omu nsi yoburugaizoba. 7Kandi ebiro ebyemyaka eyobwomezi bwa Iburahimu ebiyahikize mbinu, emyaka kikumi mu nsanju netano. 8Iburahimu yahayo obwomezibwe, yafa ahikize kurungi emyaka mingi, mugurusi, emyakaye ehikirire; yatwarwa hali abantube. 9Isaka na Isameri batabanibe bamuzika omu buingira bwa Makepera omu musiri gwa Eferoni, omwana wa Zohara Omuhiti, 10ogurolerire Mamire; omusiri Iburahimu oguyaguzire hali abana ba Hesi: nuho Iburahimu yazikirwe na Sara mukaziwe. 11Kandi kyahika Iburahamu obuyamazire okufa, Ruhanga yaha Isaka omwanawe omugisa; Isaka yaikara Beeri-rahai-roi.

12Kunu nukwo kuzara kwa Isameri, omwana wa Iburahimu, Hagara Omumisiri omuzana wa Sara ouyazalire Iburahimu: 13Kandi ganu nigo mabara gabana ba Isameri, amabara gabu nkokuzara kwabu okukuli:omuzigaijo wa Isameri, Nebayosi; na Kedara na Adubeeri na 14Mibusamu, na Misima, na Duma 15na Masa; Hadadi na Tema, Yetura, Nafisi na Kedema: 16abo nibo bana ba Isameri, kandi ago nigo mabara gabu omu bika byabu, kandi omu hema zabu; abakuru ikumi nababiri nkamahanga gabu okugali. 17Kandi enu niyo myaka Isameri eyiyahikize, emyaka kikumi mwasatu mu musanju: yahayo obwomezibwe yafa; yatwarwa hali abantube. 18Kandi baikaraga okuruga Havira okuhika Suru erolerire Misiri nkonkwonganda Asura: ogu yaikaraga omu maiso ga bene babu bona.

19Kunu nukwo kuzara kwa Isaka, omwana wa Iburahimu: Iburahimu akazara Isaka 20kandi Isaka akaba ahikize emyaka ana obuyaswire Rebeka, muhara wa Besueri omwaramu owa Padani-aramu, munyanya Labani Omwaramu,okuba mukaziwe. 21Isaka yayesengereza MUKAMA habwa mukaziwe, baitu akabali engumba: MUKAMA yahu’ra okwesengerezakwe, Rebeka mukaziwe yaba nenda. 22Abana barwanira omundaye; yagamba ati Kiraba kiri kiti nyomerire ki? yagenda okukaguza MUKAMA. 23MUKAMA yamugambira ati

Amahanga abiri gali omunda yawe,

Nenganda ibiri ziryahukana okuruga omu nda yawe:

Kandi ihanga erimu lirikira amani ihanga erindi:

omukuru aliko’ra omuto. 24Kandi ebirobye obubyahikire okuzara, dora, abarongo bakaba bali omu ndaye. 25Owokubanza akarugamu nananata omu mubirigwe gwona, nugusisana nkekyokujwara ekyebyoya; bamuruka ibaralye Esau. 26Kandi hanyuma harugamu mugenziwe, nomukonogwe gukaba gukwasire ha kikongoijo kya Esau; kandi ibaralye bamuruka Yakobo: kandi Isaka akaba amazire emyaka enkanga mukaziwe obuyabazaire. 27Abojo bakura: Esau akabali omuhigi wamagezi, omusaija owomu kisaka; Yakobo akabali omusaija omuculezi, yaikaraga omu hema. 28Kandi Isaka akagonza Esau, baitu yalyaga ha muhiigogwe: kandi Rebeka akagonza Yakobo. 29Kandi Yakobo akacumba ekigude: Esau yataha okuruga omu kisaka, nagwa ensazi: 30Esau yagambira Yakobo ati Ondise, nkwesengerize, ekigude kinu ekirukunanata; baitu ngwire ensazi: ibalyare nikyo lyayetirwe Edomu. 31Yakobo yagamba ati Onguze hati ebyobukuru bwawe. 32Esau yagamba ati Dora, ndi haihi nokufa kandi ebyobukuru bwange biringasira ki? 33Yakobo yagamba ati Ndahira hati: yamurahira: yaguza Yakobo ebyobukurubwe. 34Yakobo yaha Esau omugati nekigude ekyebihimba; yalya, yanywa, yaimuka, yayegendera: nukwo Esau yagayire ati ebyobukurubwe.