Swahili Bible2

9

1KANDI ebigambo ebi obubyakozirwe, abakuru bai’ra haihi namberendi nibagamba ngu Abantu ba Isareri, na banyakatagara Nabalevi, tibebaganize nabantu abomu nsi, baitu nibakora nkebinugwa byabu okubiri, Abakanani, Nabahiti, Nabaperizi, Nabayebusi, Nabamoni, Nabamoabu, Nabamisiri, Nabamoli. 2Baitu baswire abahara babu, kandi babaswererire batabani babu; nukwo oruzaro orurukwera rujwangaine nabantu abensi: ego omukono gwabakuru nogwbalemi gubaire guli mukuru omu kusisa kunu. 3Obunahurire ekigambo eki, natemura ekyokujwara kyange nomunagiro gwange nemireju yange, naika’ra hansi mpunirire. 4Nubwo bayesoroleza namberendi bona abatukumiraga habwebigambo bya Ruhanga wa Isareri, habwokusisa kwabo abokusengurwa; naikara mpunirire okuhikya ekihongwa kya kairirizi. 5Kandi ha kihongwa kyakairirizi naimuka ha kwebundaza kwange, ekyokujwara kyange nomunagiro gwange bitemukire; nateza amaju gange, nasasanura engaro zange hali MUKAMA Ruhanga wange; 6nagamba nti Ai Ruhanga wange, nkwasirwe ensoni, ninanata ha maiso okuimukya amaiso namberoli Ruhanga wange: baitu ebyokutahiki’ra byaitu bikanyire okukira emitwe yaitu, nomusango gwaitu gukuzire okuhika ha iguru. 7Okuruga ebiro byabaisenkuru itwe twagwe’raga emisango mingi na hati hona; kandi habwebyokutahiki’ra byaitu, itwe nabakama baitu na ba nyakatagara baitu tukahebwayo omu mukono gwabakama abensi ezindi, hali busitama, hali okusengurwa, na hali okunyagwa, na hali ensoni ezomu maiso, nkokukiri hati. 8Kandi hati bunu habwakacu kake twolekerwe embabazi ezarugire hali MUKAMA Ruhanga waitu, okutusigira ekicweka ekyokukira, nokutuha engango omu kiikaro kye ekirukwera, Ruhanga waitu amulikye amaiso gaitu, atuhe okwemera, kake omu buiru bwaitu. 9Baitu itwe tuli bairu rubale; baitu Ruhanga waitu tatusigire omu buiru bwaitu, baitu atwongereho okuganyira omu maiso gabakama ba Peresi, okutuha okwomera, okuimukya enju ya Ruhanga waitu, nokusemeza ebikamburu byayo, nokutuha muhuruzi omu Yuda nomu Yerusalemu. 10Kandi hati bunu, ai Ruhanga waitu, tuligamba tuta hanyuma yebi? 11baitu tufurukire ebiragiro byawe, ebiwaragire omu bairu bawe banabi, nogamba oti Ensi eyimulitahamu okugirya, niyo ensi etasemire, habwokutasemera kwabantu abensi, habwebinugwa byabu, abagiijuize okuruga ha mpero nokuhikya ha mpero yayo nobugwagwa bwabu. 12Nukwo hati bunu, mulike okuha abahara banyu hali batabani babu, nobukwakuba okuswere’ra batabani banyu abahara babu, nobukwakuba okuse’ra obusinge bwabu nobugwakuba omugisa gwabu ebiro byona: mube bamani mulye omugisa gwensi, mugigwete abana banyu okuba obugwetwa ebiro byona: 13Kandi hanyuma ya byona ebituhikireho habwengeso zaitu embi, kandi habwomusango gwaitu omukoto, baitu tuboine iwe Ruhanga waitu otubonaboneseze kake, kunu tikuli nkebyokutahiki’ra byaitu okubisemerire, kandi otahaire ekicweka eki ekisigaireho, 14itwe turigaruka okucwe ebiragiro byawe, nokuswerangana nabantu abarukukora ebinugwa ebi? Tiwakutubihirirwe okutuhwerekereza mali, hatasigaraho ekicweka, nobubakuba abantu abokukira nomu? 15Ai MUKAMA, Ruhanga wa Isareri, niwe ohikirire; baitu itwe tusigaire ekicweka ekyakizire, nkokukiri hati: dora, tuli omu maiso gawe nomusango gwaitu; baitu busaho muntu asobora okweme’ra omu maiso gawe habweki.