Swahili Bible2

7

1KANDI hanyuma yebigambo ebi, omu businge bwa Atakisakisi omukama wa Peresi, Ezera mutabani Seraya, mutabani wa azaliya, mutabani wa 2Hirikiya, mutabani wa Sarumu, mutabani wa Zadoki, mutabani wa Ahitubu, 3mutabani wa Amaliya, mutabani wa Azaliya, mutabani wa Merayosi, 4mutabani wa Zerahiya, mutabani wa Uzi, 5mutabani wa Buki, mutabani wa Abisuha, mutabani wa Finehasi, mutabani wa Eryeza, mutabani wa Aroni nyakatagara omukuru: 6Ezera ogu akaruga Baburoni yatemba; kandi akabali omuhandiki arukwanguhya omu biragiro bya Musa, MUKAMA, Ruhanga wa Isareri ebiyahaire: kandi omukama yamuha byona ebiyasabire, nkomukono gwa MUKAMA Ruhangawe okugukaba guli haluwe. 7Nabamu abomu bana ba Isareri bakatemba, nabomu banyakatagara, / Nabalevi, nabazini, nabakumirizi, Nbanesini, hali yerusalemu. Omu mwaka gwa Atakisakisi omukama ogwa musanju. 8yaija yerusalemu omu kwezi kwakatano, nugwo mwaka gwomukama ogwa musanju. 9baitu ha Kiro kyokubanza ekyokwezi kwokubanza, nuho yabandize okuruga baburoni, kandi ha kiro kyokubanza ekyokwezi kwakatano yahika yerusalemu, habwomukono omurungi ogwa Ruhangawe, ogukaba guli haluwe. 10baitu Ezera akaba agumize omutimagwe okuse’ra ebiragiro bya MUKAMA, okubikoraga, nokwegesa omu Isarei ebyatairweho nebyobulyo.

11Lero enu niyo ebaruha eyaihirwe omu baruha omukama Atakisakisi eyiyahaire Ezera nyakatagara, omuhandiki, omuhandiki, owebigambo webiragiro bya MUKAMA, nebi ebiyaterireho Isareri. 12Ngu Atakisakisi, omukama wabakama, hali Ezera nyakatagara omuhandiki webiragiro bya Ruhanga womu iguru, ahikirire,nebindi biti. 13Ntaireho ekiragiro nti abo bona abomu Bantu ba Isareri, na banyakatagara babu babalevi, abali omu bukama bwange, abarukugonza habwabu bonka okugenda yerusalemu, bagende hamu naiwe. 14baitu iwe otumirwe omukama nabahanuzibe musanju, okukaguliriza ebya Yuda na yerusalemu, nkebiragiro bya ruhanga wawe ebiri omu ngaro zawe okubiri; 15nokwetweka efeza nezabu, omukama nabahanuzibe ebibahaire nibagonza hali Ruhanga wa isareri, ekiikarokye ekyokuikaramu ekiri omu Yerusalemu, 16nefeza zona nezabu zona ezolisanga omu isaza lyona erya baburoni, nekihogwa ekyokugonza ekyabantu, nekya banyakatagara, abahonga nibagonza habwenju eya Ruhanga wabu eri omu Yerusalemu; 17nikyo olyekambira okugura nepiya zinu enimi, nentama empaya, nebyana byentama, kandi nebihogwa byabyo ebyobyokulya, nebihongwa byabyo ebyokunywa, kandi olibihongera ha Kyoto ekyenju ya Ruhanga wanyu eri omu Yerusalemu. 18Kandi kyona ekirisimwa iwe nabagenzi bawe okukora nefeza nezabu ezirisigaraho, nukwo mukole muti nka Ruhanga wanyu okwaligoza. 19Nebintu ebyohairwe habwokuhereza okwomu nju ya Ruhanga wawe, olibihemba omu maiso ga ruhanga wa yerusalemu. 20Nebindi byona ebyolitaga habwenju eya Ruhanga wawe, ebyoligonza okuhayo, olibihayo nobiiha omu nju eyeryahu’ro eryomukama. 21Nanyowe, nyowe Atakisakisi omukama, btaireho ekiragiro hali abaketo bona abali nseri yekyambu, nti Kyona kyona Ezera nyakatagara, omuhandiki webiragiro bya Ruhanga womu iguru, ekyalibasaba, kikorwe nokwekamba kwona. 22nokuhikya etaranta zefeza kikumi, nokuhikya ebirengo byengano kikumi, nokuhikya entugiro zamagita kikumi, nekisura hataroho kulenga. 23Kyona kyona ekiriragirwa Ruhanga womu iguru kikorwe mali mali habwenju eya Ruhanga womu iguru; baitu nikigasa kita okureta ekiniga ha bukama bwomukama nobwa batabanibe? 24Kandi tubamanyisize inywe ebya banyakatagara bona Nabalevi, abazini, abakumirizi, Abanesini, rundi abairu abenju egi eya Ruhanga ngu Tikibahikirire okusoroza omusoro nobuzakuba ehozo nobukwakuba okuzinira ebintu namberebali. 25naiwe Ezera, nkanmagezi aga Ruhanga wawe agali omu mukono gwawe okugali, olitaho abanyoro nabacwi bemisango, abaracwaga emisango yabantu abali nseri yekyambu, bona abamanyire ebiragiro bya Ruhanga wawe, kandi olyegesa ogu atabimanyire. 26Kandi omuntu wena atalikora ebiragiro bya Ruhanga wawe, nebiragiro ebyomukama, bekambe okumuita, rundi okumubinga omu nsi, rundi okumuta omu nkomo.

27MUKAMA asimwe, ruhanga wa baisenkuru itwe, ayataire ekigambo kiti omu yerusalemu; 28kandi angairire embabazi omu maiso gomukama, nabahanuzibe, nomu maiso gabanyoro bomukama bona abohabwomukono gwa MUKAMA Ruhanga wange ogukaba guli hali nyowe, kandi nasoroza abasaija abakuru omu Isareri okutemba nanyowe.