Swahili Bible2

6

1NUBWO Dalyo omukama yataho ekiragiro, kandi base’ra omu nju eyebitabu byamakuru, nambere bayahuraga ebikwato omu Baburoni. 2kandi bakasanga Akimesa, omu kikali ekiri omu Isaza lya Mediya, omuzingo, kandi numwo hakaba hahandikirwe ebyokuijukya. 3Omu mwaka gwa Kuro omukama akataho ekiragiro ati Ebyenju ya Ruhanga eri yerusalemu, enju eyombekwe, ekiikaro nambere basara ebyonzira, nemiganda etebweho namani; okuraiha kwayo mikono nkaga, nokugaliha kwaayo mikono nkaga; 4nenka’ra isatu ezamabale amakoto noruka’ra rumu owemiti emihyaka: nebintu babiihe omu nju yomukama: 5kandi nebintu ya ruhanga, nebukadeneza ebiyaihire omu yekaru eri yerusalemu, yabireta baburoni, biga’rweyo, kandi babirete ha yekaru eri yerusalemu, kimu kimu omu kiikaro kyakyo, kandi olibita omu nju ya ruhanga. 6Nukwo hati bunu, iwe Tatenai omulemi wenseri yekyambu, sesara-bozenai, nabatahi banyu abafasaki, abalinseri yekyambu, mubai’re hara: 7muleke omulimo ogwenju egieya Ruhanga: omulemi wa Bayudaya nabakuru ba Bayudaya bommbeke enju egi eya Ruhanga omu kiikaro kyayo. 8Kandi nintaho ekiragiro ekimulikora abakuru abo ababayudaya habwokwombeka enju egi eya Ruhanga: nti muliha ha bintu byomukama, ha / musoro ogwenseri yekyambu, nimwekamba okuma’ra abasaija abo, baleke okutangwa. 9Kandi ebi ebibataga, enimi ento, nentama empaya, nebyana byentama, okuba ebihongwa hali Ruhanga wiguru, engano, ekisura, amarwa, namagita, nkekigambo kya banyakatagara abali yerusalemu okukiri, nukwo murabahaga bukyabukya hatali kwosa: 10basalege ebyonzira ebyekisorokoko ekirungi hali ruhanga wiguru, basabirege obwomezi bwomukama, nobwo batabanibe. 11kandi ntaireho ekiragiro nti omuntu wena alihindura ekigambo kinu, omuti gusomorwe omu njuye, ahimbwe atungwe haligwo; nenjuye eforwe nkorubungo habweki: 12kandi Ruhanga ayaikaizeyop ibaralye asese abakama bona namahanga gona, abaligo’ra omukono gwabu okuhindura eki, okuhwerekereza enju egi eya Ruhanga eri Yerusalemu. Nyowe dalyo ntaireho ekiragiro; kikorwe nokwekamba kwona.

13Nubwo tatenai, omulemi wenseri yekyambu, Sesara-bozenai, nabatahi babu, habwekigambo Dalyo ekiyatwekere, bakikora nokwekamba kwona. 14nabakuru babayudaya bakombeka kandi bakabona omugisa, habwokuragura kwa hagai nabi na zekaliya mutabani wa Ido. Bayombeka bagimara, nkebiragiro bya Kuro na dalyo na Atakisakisi omukama wa Peresi. 15Kandi enju egi ekahwa ha kiro kyakasatu ekyokwezi Adara, omu mwaka gwobusinge bwa dalyo omukama ogwa mukaga. 16Nabana ba Isareri, banyakatagara nabalevi, nabandi abomu bana bokusengurwa, bakerinda okusororwa okwenju eya Ruhanga nokusemererwa. 17Kandi bakahonga ha kusororwa okwenju egi eya Ruhanga enimi kikumi, entama empaya bikumi bibiri, ebyana byentama bikumi bina; kandi okuba ekihongwa kyakibi habwa Isareri yona embuzi empaya ikumi na ibiri, nkomuhendo gwenganda za Isareri okuguli. 18bata ba nyakatagara omu bicweka byabu, Nabaleviomu mbu zabu, habwokuhereza kwa Ruhanga anyakuli yerusalemu; nkokukyahandikirwe omu kitabu kya Musa.

19Kandi abana abokusengurwa bakalya Okuhingurwaho ha kiro kya ikumi na bina ekyokwezi okwokubanza. 20Baitu banyakatagara Nabalevi bakaba besemize bonka hamu; bona bakaba basemire: kandi bakaitira Okuhingurwaho abana bona abokusengurwa, kandi habwa bene babu bayakatagara, kandi habwabu bonka. 21Kandi abana ba Isareri, abagarukire barugire omu kusengurwa, na bona abakaba bebaganize omu bugwagwa bwabakafiri bomu nsi, base’re MUKAM, Ruhanga wa Isareri, bakalya, 22kandi bakerinda obugenyi obwemigati etatumbisibwe ebiro musanju nokusemererwa: baitu MUKAMA akabaha okusemererwa, yahindura namberebali omutima gwomukama wa Asura, agumye emikono yabu omu mulimo gwenju ya Ruhanga, rahanga wa Isareri.