Swahili Bible2

5

1LERO banabi, Hagai nabi, na Zekaliya mutabani wa Ido, bakaragu’ra abayudaya abakaba bali yuda na Yerusalemu; bakabaragu’ra omu ibara lya Ruhanga wa Isareri. 2Nubwo haimuka zerubaberi mutabani wa sealityeri, na yesuha mutabani wa Yozadaki, babanza okwombeka enju ya Ruhanga eri Yerusalemu; kandi hamu nabo hakaba haroho banabi ba Ruhanga nibabakonyera. 3Omu biro ebi hakaija namberebali Tatenai, omulemi wenseri yekyambu, na sesara-bozenai, na batahi babu, babagambira ngu Nohayabahaire ekirango okwombeka enju enu nokumara muhuruzi enu? 4Nubwo twabaza nabo ngu Amabara gabasaija abarukwombeka enu niboha? 5Baitu eriso erya Ruhanga wabu likaba liri ha bakuru Babayudaya, kandi batabahinde, okuhikya obubalireta ebigambo hali Dalyo, kandi baligarukamu ebigambo omu baruha.

6Ebigambo ebyaihirwe omu baruha tatenai, omulemi wenseri yekyambu, na Sesarabozenai, na batahibe Abafasaki, abakaba bali nseri yekyambu, eyibatwekire Dalyo omukama: 7bakamutwekera ebaruha, eyahandikirwe eti; hali dalyo omukama, mirembe yonka. 8Omukama amanye ngu Itwe tukataha omu isaza lya Yuda, hali enju eya Ruhanga omukuru, eyayombekerwe namabale amakoto, kandi emiraba yemiti bagitaire omu bisika, kandi omulimo gunu nibagukora nobwekambi, kandi gubaire nomugisa omu ngaro zabu. 9Nubwo twakaguza abakuru abo, twabagambira ngu Noha yabahaire ekiragiro okwombeka enju enu, 10nokumara muhuruzi enu? Kandi twakaguza amabara gabu, tukumanyise kurungi, nukwo tuhandike amabara gabasaija abali ha mutwe gwabu. 11Kandi batugarukamu bati nibagamba ngu Itwe tuli bairu ba Ruhanga wiguru nensi, kandi ntwombeka enju eyayombekerwe emyaka mingi muno, omukama wa Isareri omukuru eyiyayombekere yagimara. 12Baitu baisenkuru itwe obubamazire okweremera Ruhanga wiguru okumubihiza, yabahayo omu mukono gwa nebukadeneza omukama wa baburoni, Omukalidaya, ayahwerekerize enju enu, yasengura abantu, yabatwara Baburoni. 13Baitu omu mwaka gwa kuro omukama wa Baburoni ogwokubanza, Kuro omukama yataho ekiragiro okwombeka enju enu eya ruhanga. 14Kandi nebintu ebyezabu nebyefeza ebyomu nju ya Ruhanga, Nebukadaneza ebiyaihire omu Yerusalemu, yabatahya omu yekuru ya baburoni, nibyo Kuro omukama yaiha omu yekaru ya baburoni, bahebwayo hali omuntu ibaralye Sesibaza, owakaba afoire omulemi; 15yamugambira ati Twara ebintu binu, ogende, obite omu yekaru eri yerusalemu, kandi enju ya Ruhanga eyombekwe omu kiikaro kyayo. 16Nubwo haija Sesibaza ogu, yataho emiganda eyenju ya Ruhanga eri Yerusalemu: kandi okuruga ha kasumi ako nah ati hona neyombekwa,baitu tekahoire. 17Nukwo hati bunu, obukiraba nikisimwa omukama, leka base’re omu nju yebikwato byomukama, eri Baburoni, rundi kiri kiti ngu ekiragiro kikaragirwa Kuro omukama okwombeka enju enu eya Ruhanga omu Yerusalemu, kandi omukamu atutumire ebyasima ha kigambo kinu.