Swahili Bible2

4

1KANDI abanyanzigwa ba Yuda na Benyamini obubahulire ngu abana bokusengurwa nibombeka yekaru hali MUKAMA, Ruhanga wa Isareri; 2bai’ra haihi Zerubaberi, nemitwe yenju zabaisebo, babagambira ngu naitwe twombeke nainywe: baitu ntuse’ra Ruhanga wanyu nka inywe okumukora; kandi tumusa’ra ebyonzira okuruga omu biro bya esa-hadoni omukama wa Asura, ayatulesere hanu, 3Baitu Zerubaberi, nayesuha, nabandi abomu mitwe yenju zabaisebo Isareri babagambira ngu Timurukuterana hamu naitwe okwombekara Ruhanga waitu enju; baitu itwe itwenka ahamu tulyombekera MUKAMA Ruganga wa Isareri, nkomukama Kuro, omukaka wa Peresi, okuyaturagire. 4Nubwo abantu abensi bajwahya emikono yabantu ba Yuda, babatuntuza omu kwombeka kwabu, 5baguli’ra abahanuzi okuhakana nabo, okutanga eki ekibamalirire okukora, ebiro byona ebya Kuro omukama wa Peresi, nokuhikya obusinge bwa Dalio omukama wa Peresi. 6Kandi omu businge bwa Ahasuero, hayabandize okulema, bakahandika ebyokubirirki’ra abantu abomu Yuda na Yerusalemu.

7Kandi omu biro bya Atakisakisi Bisisramu, Misisredasi, Tabeeri, nabatahibe abandi, bakahandikira Atakisakisi omukama wa Peresi; kandi ekihandiko ekyebaruha kikahandikwa nenyuguta ezoruaramu. Kandi omu rilimi Oruaramu. 8Rehumu owisaza na Simusai omuhandiki bakahandikira Atakisakisi omukama okulega Yerusalemu bati: 9nubwo Rehumu owisaza, na Simusai omuhandiki nabatahi babu abandi bahandikire bati; Abadina, Nabafasasiki, Abataraperi, Abafasi, Abalevi,Abababuroni, Abasusaniki, 10Abadeha, Aberamu, nabamahanga abandi Osinaparu omukuru kandi owekitinisa abayayambuire, yabata omu rubuga rwa Samaliya, nomu nsi ezindi, nseri yekyambu, nebindi biti. 11Binu nibyo bigambo ebyaihirwe omu baruha eyibatwekire Atakisakisi omukama; abairu bawe abasaija abali nseri yakyambu, nebindi biti. 12Omukama amanye Abayudaya abarugire namberli baizire namberetuli Yerusalemu; kandi nibombeka orubuga orwobwemi kandi orubi, kandi bamazire muhuruzi, basemize emiganda. 13Hati bunu omukama amanye ati Orubuga runu oburulyombekwa, na muhuruzi obwerihwa, tibalihayo musoro, nobuzakuba ehozo, nobukwakuba okuzinira ebintu, kandi hanyuma abakama baliferwa. 14lero itwe habwokulya ha kisura ekyomu kikali, kandi tikituhikirire okukora omukama; naswazibwa, nikyo tutumire okumanyisa omukama. 15base’re omu kitabu ekyamakurur ga baswenkuru: nukwo olisanga omu kitabu ekyamakuru, kandi olimanya orubuga runu nurwo rubuga orwobwemi, kandi nurusisa abakama namasaza, kandi bakemesa abantu omurwo omu biro byaira: orubuga oru nikyo rwahwerekezibwe. 16Itwe ntumanyisa omukama ngu orubuga runu oburulyombekwa, na muhuruzi obwerihwa, nikyo kirirtanga iwe okuba nomugabo ogwensi nseri yekyambu. 17Omukama yatumira Rehumu owisaza, na Simusai omuhandiki, nabatahi babu abandi abaikaire omu Samaliya, nomu nsi ezindi nseri yekyambu yagarukamu ati Mirembe, 18nebindi biti. Ebaruha eyimwatutwekire esomerwe omu matu gange. 19Kandi naragira, base’ra, kandi bazora rukmera abakama, kandi ngu obwemi nobudupe bukasangwamu. 20kandi hakaba haroho abakama bamani abalemaga Yerusalemu, kandi bakalema ensi yona nseri yekyambu; nomusoro nehozo nebintu babisorozaga. 21hati bunu maragire ekiragiro okutanga abasaija abo, orubuga oru ruleke okwombekwa, okuhikya obwekiragiro kirirragirwa nyowe. 22Kandi mwerinde mutagira obugara omweki: nikigasa ki akabi okugwa ha bakama? 23Kandi ebaruha eyaihirwe omu baruha eyomukama Atakisakisi obuyasomerwe omu matu ga rehumu, na simusai omuhandiki, na batahi babu, bagenda bwango yerusalemu hali Abayudaya, babatanga okukora namani nobusobozi. 24Nubwo omulimo ogwenju ya Ruhanga eri Yerusalemu gwalekerwe; gwaikaraho gulekerwe okuhikya omwaka ogwakabiri ogwa Dalyo omukama wa Peresi.