Swahili Bible2

3

1KANDI okwezi okwa musanju obukwahikire, nabana ba Isareri bakaba bali omu mbuga, abantu bayesoroza Yerusalemu nkomuntu omu. 2Nubwo Yesuha mutabani wa Yozadaki yaimuka, na bene babu banyakatagara, na Zerubaberi mutabani wa Sealityeri, na bagenzide, bayombeka ekyoto ekya Ruhanga wa Isareri, okuhongeraho ebihogwa ebyokeze, nkokukyandikirwe omu biragiro bya Musa, / omusaija wa Ruhanga. 3Baimukya ekyoto ha kibunu kyakyo; baitu okutina kukaba kubakwasire habwabantu abensui: bahongeraho ebihongwa ebyokeze hali MUKAMA, ebihongwa ebyokeze nyenkya na kairirizi. 4Kandi balya obugenyi obwenkande, nkokukyahandikirwe, bahonga ebihongwa ebyokeze ebyobutosa omuhendo gwabyo, nkekiragiro okukiri, nkomulimo ogwa bukyabukya okugwahikirire; 5kandi hanyuma ekihongwa ekyokeze ekitahwaho, nebihongwa ebyokwezi okuboneka, nebyobugenyi bwona obwa MUKAMA obwatairweho, kandi obwasoroirwe, kandi ebyomuntu wena ayahongere nagonza ekihongwa ekyokugonza hali MUKAMA. 6bakabandiza ha kiro kyokubanza ekyokwezi kwa musanju, okuhonga ebihongwa ebyokeze hali MUKAMA: baitu emiganda eya yekaru YA mukama ekaba etakatairweho. 7Kandi baha efeza hali ababaizi bamabale, nababaizi bemiti; nebyokulya, nebyokunywa, namagita, hali abo aba Turo, baihe emiti emikogoto omu Lebanoni, bagirete ha nyanja, hali Yopa, nka Kuro, omukama wa Peresi okuyaikiriza.

8Kandi omu mwaka ogwakabiri, bamazire okutaha omu nju ya Ruhanga omu Yerusalemu, omu kwezi okwakabiri, hakabanza Zerubaberi mutabani wa Sealityeri, na yesuha mutabani wa Yozadaki, na bene babu abandi banyakatagara Nabalevi, na bona abarugire omu kusengurwa okuija yerusalemu; bataho Abalevi, abakaba bahikize emyaka abiri nokukiraho okurole’ra omulimo ogwenju ya MUKAMA. 9Kandi yesuha yayeme’ra hamu na batabanibe na bene babu, Kadimyeri na batabanibe, abana ba Yuda, barole’rege abakozi omu nju ya ruhanga; batabani ba babu na bene babu Abalevi. 10Kandi abomeki obubataireho emiganda ya yekaru ya MUKAMA, bataho banyakatagara bajwaire ebyokujwara byabu kandi banyina engwara, nabalevi batabani ba Asafu banyina enjogera, bakugize MUKAMA, nkekiragiro kya Daudi omukama wa Isareri okukikaba kiri. 11Kandi bakazinirangana bonka na bonka nibakugiza nibasima MUKAMA, nibagamba ngu Baitu murungi, baitu okuganyirakwe kwebiro nebiro hali Isareri. Nabantu bona bakatokera haiguru, obubakugize MUKAMA, baitu emiganda eyenju ya MUKAMA ekatebwaho. 12Baitu baingi hali banyakatagara nabalevi nemitwe yenju zabaisebo, abasaija abagurusi abakaba baboine enju eyokubanza, obubataireho emiganda eyenju enu omu maiso gabu, ba’ra niraka erihango; kandi baingi bakatokera ha iguru habwokusemererwa: 13nukwo abantu balema okubaganizamu iraka eryokutoka habwokusemererwa niraka eryoku’ra kwabantu: baitu abantu bakatokera gaiguru muno, obwogo bwahu’rwa hara.