Swahili Bible2

7

1MUKAMA yagambira Musa ati Dora, nkufoire nka Ruhanga hali Faraho: kandi Aroni mugenzi wawe aliba nabi wawe. 2Oligamba byona ebindukuruagira: kandi Aroni mugenzi wawe aligambira Faraho alekere abana ba Isareri baruge omu nsiye. 3Kandi ndigumanganiza omutima gwa Faraho, ndikanyisa obwokuro’raho bwange nebyamahano byange omu nsi ya Misiri. 4Baitu Faraho talibahu’ra nanyowe ndita omukono gwange ha Misiri, nditurukya amahe gange, abantu bange abana ba Isareri, omu nsi ya Misiri nebyobulyo ebikoto ebindibacwera. 5Kandi Abamisiri balimanya ngu Ninyowe MUKAMA obundigo’ra omukono gwange ha Misiri ninyihaho abana ba Isareri omulibo. 6Musa na Aroni bakora bati: nka MUKAMA okuyabaragire, nukwo bakozire bati. 7Kandi Musa akaba ahikize emyaka kinana, na Aroni emyaka kinana mwesatu, obubabalize na Faraho.

8Kandi MUKAMA akagambira 9Musa na Aroni ati Faraho obwalibaza nainywe nagamba ati Mwoleke ekyamahano nubwo oligambira Aroni oti

kwata omuigo gwawe, ogunage hansi omu maiso ga Faraho, gufoke enjoka. 10Musa na Aroni bataha hali Faraho bakora bati nka MUKAMA okuyaragire: Aroni yanaga hansi omuigogwe omu maiso gabairube, gwafoka enjoka. 11Nubwo Faraho yayeta abasaija bamagezi, nabarogo; nabo abafumo ba Misiri nukwo bakozire bati namagezi gabu agensita. 12Baitu bakanaga hansi omuntu wena omuigogwe, emiigo yafoka enjoka: baitu emuigo gwa Aroni gwamira emiigo yabu. 13Omutima gwa Faraho gwagumangana, tiyabahu’ra; nka MUKAMA okuyagambire.

14MUKAMA yagambira Musa ati Omutima gwa Faraho gugumire muno, nayanga okuleka abantu bagende. 15Genda hali Faraho nyenkya; dora, naturuka okugenda ha maizi; naiwe orayeme’ra ha rubaju rwekyambu okumutangana; kandi omuigo ogwafokere enjoka oragutwara omu mukono gwawe. 16Kandi oramugambira oti MUKAMA Ruhanga Wabaheburaniya nuwe antumire namberoli, nagamba ati Leka abantu bange bagende, bampereze omu irungu: kandi dora, na hati hona tohurire. 17Nukwo MUKAMA agambire ati Ha kinu nuho olimanyira ngu Ninyowe MUKAMA dora, nditera nomuigo oguli omu mukono gwange ha maizi agali omukyambu, kandi galifoka esagama. 18Kandi encu eziri omukyambu irifa, nekyambu kirinunka; kandi Abamisiri balinuga amaizi agomu kyambu okuganywa. 19MUKAMA yagambira Musa ati Gambira Aroni ati Twara omuigo gwawe, ogo’re omukono gwawe hamaizi ga Misiri, ha byambu byabu, ha mikura yabu, na ha ntunga zabu, na ha bijongo byabu byona ebyamaizi, bifoke esagama; kandi haliba esagama omu nsi yona eya Misiri, omu ncuba ezemiti nomu nsoha ezamabale. 20Musa na Aroni bakora bati, nka MUKAMA okuyaragire, yaikukya omuigo, yatera amaizi agakaba gali omu kyambu, gafoka esagama. 21Nencu ezikaba ziri omu kyambu ikafa; ekyambu kyanunka, Abamisiri batasobole okunywa amaizi gomu kyambu; esagama ekahika hona omu nsi yona eya Misiri. 22Kandi abarogo ba Misiri bakakora bati noburogo bwabu: omutima gwa Faraho gwagumangana, tiyabahu’ra; nka MUKAMA okuyagambire. 23Faraho yahinduka yataha omu njuye, kunu neki atakiteho omutima. 24Abamisiri bona balima haihi nekyambu, batunge amaizi gokunywa; baitu batasobole okunywa ha maizi agomu kyambu. 25Kandi ebiro musanju byahiki’ra, MUKAMA amazire okutera ekyambu.