Swahili Bible2

6

1MUKAMA yagambira Musa ati Hati bunu olirora ebindikora Faraho: baitu nomukono gwamani alibaleka bagende, kandi nomukono gwamani alibabinga omu nsiye.

2Ruhanga yabaza na Musa nagamba ati Ninyowe YAHWE: 3Kandi nkabonekera Iburahimu, na Isaka, na Yakobo, nka Ruhanga owobusobozi Bwona, baitu omu ibara lyange YAHWE ntabamanywe. 4Kandi nkagumya muno ekiragano kyange nabo, okubaha ensi ya Kanani, ensi eyokugendamuga. 5Kandi nkahu’ra okusinda kwabana ba Isareri, Abamisiri ababaikizi omu buiru; kandi naijuka ekiragano kyange. 6Nukwo ogambire abana ba Isareri oti Ninyowe YAHWE, kandi ndibaihayo hansi yemitwaro Eyabamisiri, ndibajuna obuiru bwabu, ndibacungura nomukono ogugoroirwe, nebyobulyo 7bikoto ebindibacwera: kandi ndibatwara namberendi okuba ihanga, nanyowe ndiba Ruhanga namberendi okuba ihanga, nanyowe ndiba Ruhanga namberemuli: kandi mulimanya ngu Ninyowe YAHWE, Ruhanga wanyu, arukubaihayo hansi yemitwaro Eyabamisiri. 8Kandi ndibatahya omu nsi eyinaimukize omukono gwange okuhiga Iburahimu, na Isaka, na Yakobo; kandi ndigiha inywe okuba obugwetwa: ninyowe YAHWE. 9Nukwo Musa yabalize ati nabana ba Isareri: baitu batuhu’ra Musa habwobujune bwomwoyo, na habwobuiru obwitima.

10MUKAMA yagambira Musa ati 11Taha, ogambire Faraho omukama wa Misiri, aleke abana ba Isareri baruge omu nsi ye. 12Musa yagamba omu maiso ga MUKAMA at Dora, abana ba Isareri tibampu’ra ata, nyowe omuntu atasazirwe eminwa 13MUKAMA yagambira Musa na Aroni, yabagambira ebyabana ba Isareri, na hali Faraho omukama wa Misiri, okuiha abana ba Isareri omu nsi ya Misiri.

14Banu niyo emitwe eyenju zabaisebo; nabana ba Reubeni omuzigaijo wa Isareri; Hanoki na Paru, Hezeroni na Karami: nibyo bitabu bya Reubeni.

15Nabana ba Simeoni Yemuweri na Yamini, na Ohadi, na Yakini, na Zahora, na Sahuli omwana womukazi Omukanani: nibyo bitabu bya Simeoni. 16Kandi ganu nigo mabara gabana ba Levi nkokuzarangana kwabu okukubaka kuli; Geresoni, na Kohasi, na Merali: kandi emyaka eyobwomezi bwa Levi ekaberi myaka kikumi mwasatu mu musanju. 17Abaniba Geresoni, Libuni, na Simei, nkebitabu byabu okubikaba biri. 18Nabana ba Kohasi; Amuramu, na Iziha, na Heburoni na Uzyeri: kandi emyaka kikumi mwasatu mwesatu. 19Nabana ba Merali; Mahali na Musi. Nibyo bitabu Byabalevi nkokuzarangana kwabu okukaba kuli. 20Kandi

Amuramu akaswera Yokebedi munyanya ise; yamuza’ra Aroni na Musa; kandi emyaka eyobwomezi bwa Amuramu ekaberi emyaka kikumi mwasatu mu sanju. 21Nabatabani ba Iziha; Kora, na Nefegi na Zikiri. 22Na batabani ba Uzyeri; Misaheri, na Erizafani, na Sitiri. 23Kandi Aroni akaswera Eriseba, omuhara wa Aminadabu, munyanya Nahasoni; yamuza’ra Nadabu na Abihu, Eryeza na Itama. 24Na batabani ba Kora; Asiri, na Erikana, na Abyasafu; nibyo bitabu Byabakora. 25Kandi Eryeza mutabani wa Aroni akaswera omu hali abahara ba Putyeri; yamuza’ra Finehasi. Niyo emitwe yenju zabaisebo Abalevi nkebitabu byabu okubikaba biri. 26Nibo Aroni na Musa abo, MUKAMA abayagambire ati Muihe abana ba Isareri omu nsi ya Misiri nkamahe gabu okugali. 27Nibabo abagambire Faraho omukama wa Misiri, okuihayo abana ba Isareri omu Misiri: nibo Musa na Aroni abo.

28Kandi kikahika ha kiro MUKAMA ekiyagambireho Musa 29omu nsi ya Misiri, MUKAMA yagambira Musa ati Ninyowe YAHWE: gambira Faraho omukama wa Misiri byona ebindukukugambira. 30Musa yagambira MUKAMA ati Dora, ndi muntu oweminwa etasazirwe, kandi Faraho alimpu’ra ata?