Swahili Bible2

40

1KANDI MUKAMA yagambira 2Musa ati Ha kiro kyokubanza ekyokwezi okwokubanza oliimukya enju eyehema yokutangatanganiramu. 3Kandi olitamu esanduko yobwakaiso, kandi olikinga esanduko nenyigamo. 4Kandi olitahyamu emeza oliterekereza ebintu ebigiroho: kandi olitahyamu ekikondo kyetabaza, olibakiriza etabaza zakyo. 5Kandi olita ekyoto ekyezabu ekyemyami’ro omu maiso gesanduko yobwakaiso, olita ekikingyo ekyomulyango ha nju. 6Kandi olita ekyoto ekyekihongwa ekyokeze omu maiso gomulyango ogwenju yehema eyokutangatanganiramu. 7Kandi olita orwoho hagati yehema yokutangatanganiramu nekyoto, kandi aolitamu amaizi. 8Kandi oliimukya ezigati okwehinguliriza, kandi olihanika ekikingyo ekiirembo lyezigati. 9Kandi oliiha ha magita agokusesaho, oseseho enju, na byona ebirumu, kandi oligyeza egi nebintu byayo byona, kandi kirifoka ekirukwera. 10Kandi olisesa amagita ha Kyoto ekyekihongwa ekyokeze, na ha bintu byakyo byona, noyeza ekyoto; kandi ekyoto kirifoka ekirukwera muno. 11Kandi olisesa amagita ha rwoho na ha kibunu kyarwo, norweza. 12Kandi olireta Aroni na batabanibe hali omulyango ogwehema yokutangatanganiramu, olibogya namaizi. 13Kandi olijweka Aroni ebyokujwara ebirukwera., kandi olimusesaho amagita, nomweza aherezege namberendi omu bunyakatagara. 14Kandi olireta batabanibe, olibajweka ebizibaho; 15Kandi olibasesaho amagita, ha isebo, baherezege namberendi omu bunyakatagara: kandi okuseswaho kwabu kuliba namberebali obunyakatagara obutalihwaho okuhikya obuijukuru bwabu. 16Nukwo Musa yakozire ati nka byona okubiri MUKAMA ebiyamuragire, nukwo yakozire ati.

17Kandi kikahika omu kwezi kwokubanza omu mwaka gwakabiri, ha kiro kyokubanza ekyokwezi, bakaimukya eka yehema. 18Musa yaimukya ehema, yataho ebina byayo, yaimukya embaho zayo, yatamu ebihongozo byayo, yaimukya enyomyo zayo. 19Yatinda ehema ha ruguru ye nju, yataho etandaruba ha ruguru yayo; nka MUKAMA okuyaragire Musa.

20Yakwata obwakaiso yabuta omu sanduko, yata entebe eyokuganyira eruguru ha sanduko; 21Yatahya esanduko omu nju, yaimukya enyigamo eyikikingyo enyigamo eyekikingyo yakinga esanduko yobwakaiso; nka MUKAMA okuyaragire Musa. 22Yata emeza omu hema yokutangatanganiramu, ha rubaju rwenju orwobukizi bwemoso, aheru yenyigamo. 23Yatekaniza emigati haliyo omu maiso ga MUKAMA; nka MUKAMA okuyaragire Musa. 24Yata ekikondo kyetabaza omu hema yokutangatanganiramu, omu maiso gehema, ha rubaju rwenju orwobukizi bwobulyo. 25Yabakiriza etabaza omu maiso ga MUKAMA; nka MUKAMA okuyaragire Musa. 26Yata ekyoto kyezabu omu hema yokutangatanganiramu omu maiso genyigamo; 27yakyote’raho emyami’ro yebirukuboya kurungi; nka MUKAMA okuyaragire Musa. 28Yata ekikingyo kyomulyango ha nju. 29Yata ekyoto ekyekihongwa ekyokeze ha mulyango gwenju eyehema yokutangatanganiramu, yahongeraho ekihongwa ekyebyokulya; nka MUKAMA okuyaragire Musa. 30Yata orwoho hagati yehema yokutangatanganiramu nekyoto, yatamu amaizi agokunaba. 31Musa na Aroni na batabanibe banabamuga engaro zabu nebigere byabu 32obubatahaga omu hema yokutangatanganiramu, kandi obubaiga’ra haihi ha Kyoto nubwo banaga nka MUKAMA okuyaragire Musa.

33Yaimukya ezigati okwehinguliriza enju nekyoto, yaimukya ekikingyo ekiirembo eryezigati. Nukwo Musa yamazire ati omulimo.

34Nubwo ekicu kyasweke’ra ehema yokutangatanganiramu, ekitinisa kya MUKAMA kyaijura omu nju. 35Kandi Musa atasobole okutaha omu hema yokutangatanganiramu, baitu ekicu kyagiikaraho, ekitinisa kya MUKAMA kyaijura omu nju. 36Kandi ekicu obukyaihwaga ha ruguru yenju, abana ba Isareri bagendaga omu maiso omu ngendo zabu zona; baitu ekicu kitakaihirweho batagende okuhikya ekiro obukyaihirweho. 37Baitu ekicu kitakaihirweho batagende okuhikya ekiro obukyaihirewho. 38Baitu ekicu kya MUKAMA kyaikaraga ha nju nyamusana, kandi omu’ro gwaikaramuga ekiro, omu maiso ga bona abenju ya Isareri, okuhikya engendo zabu zona.