Swahili Bible2

39

1NENGOYE eza bu’ur nezrukugajuka nezirikunanata bakazikora ebyokujwara ebyarukirwe kurungi habwokuhereza omu kiikaro ekirukwera, bakora ebyokujwara ebirukwera ebya Aroni, nka MUKAMA okuyaragire Musa.

2Yakora efodi ya zabu, engoye za bu’ru, nezirukugajuka, nezirukunanata nezekitani ezarukirwe kurungi. 3Bahesa ezabu bagifora ebipapi, bagicunda enyerere okugitaba omu ngoye za bu’ru nezikrukajuka nezirukunanata, nezakitani enungi, omulimo ogwomukozi wamagezi. 4Bakagiko’raho ebyaha mabega ebyeteranizibwe ahamu: ekateranizibwa ha nsonga zayo ibir. 5Nomweko ogwarukirwe namagezi ogukaba guli haliyo okugitegesa, gukaba guli gwomulmo gwayo, gwezabu gwengoye za bu’ru nezirukugajuka, nezirukunanata, nezekitani ezarukirwe kurungi; nka MUKAMA okuyaragire Musa.

6Kandi bakakora obubale bwa omukisi, babukwasa omu ngata zezabu, bwasarurwa nka kokuro’raho okukasarurwa, nkamabara gabana ba Isareri okugali. 7Yabuta ha byahamabega ebya efodi, okuba obubale bwokuijukya hali abana ba Isareri;nka UKAMA okuyaragire Musa.

8Yakora nekyahafifuba, omulimo gwa fundi wamagezi, nkomulimo gwa efodi, kyezabu, nengoye za bu’ru, nezikugajuka nezikunanata, nezekitani ezarukirwe kurungi. 9Kikaingananaingana okuraiha nokugaliha bakakora ekyahakifuba nengoye ezikubirwemu okuraiha kwayo ruta rumu, kandi kikaba kikubirwemu: okuraiha kwayo ruta rumu; kandi kikaba kikubirwemu. 10Kandi bakitabiramu enyi’ri ina ezobubale: orunyi’ri rwa sadiyo, topazi, na kabunkulo nurworunyi’ri orwokubanza. 11Norunyi’ri orwakabiri, akabale kekikubwa, safiro, na alimasi. 12Norunyi’ri orwakasatu, yakinso, sebu, na amesusito. 13Norunyi’ri orwakana, beruli na onukisi, na yasipere obu babukwasa omu ngata zezabu okugumyamu. 14Nobubale bukaba buli nkamabara gabana ba Isareri, ikumi nobubiri, nkamabara gabu okugali, nkokusarurwa okwakokouro’ho, akabale kona nkibara lyako okuliri, habwenganda ikumi nobubiri, nkamabara gabu okugali, nkokusarurwa okwakokura’ho akabale kona nkibara lyako okuliri, habwenganda ikumi na biri. 15Kandi bakakora ha kyahakifuba emikufu nkemiguha, eyomulimo ogwongosirwe ogwezabu enungi. 16Kandi bakora engata ibiri ezezabu, nempeta ibiri ezezabu, nempeta ibiri ha nsonga ibiri ezekyahakifuba. 17Kandi bata emikufu ebiri ezayongosibwe ha mpeta ibiri ha nsonga zekyahakifuba. 18Nensonga ezindi ibiri ezemikufu ebiri ezayongosirwe bazita ha byahamabega byefodi, omu kicweka kyayo ekyomu maiso. 19Kandi bakora empeta ebiri ezezabu, bazita ha nsonga ibiri ezekyahakifuba, ha mukugiro gwakyo, ogukaba guli ha rubaju rwa efodi orwomunda. 20Kandi bakora empeta ibiri ezezabu, bazita ha byahamabega ebibiri ebya efodi hansi, omu kicweka kyayo ekyomu maiso, haihi norubaziro rwayo, eruguru yomweko gwa efodi ogwarukirwe namagezi. 21Kandi baboha ekyahakifuba nempeta zakyo ha mpeta eza efodi nakakoba ka bu’ru, kiikalege ha mweko gwa efodi ogwarukirwe namagezi, kandi ekyahakifuba kitasumu’rwa ha efodi; nka MUKAMA okuyaragire Musa.

22Kandi yakora busuti ya efodi eyomulimo gwokuruka, 23yona ya bu’ru; nebikya bya busuti hagati yayo nkebikya byekizibaho ekyebyoma okubiri nomuyondo okwehinguriliza ebikya byayo atatemuka. 24Kandi bakora ha byebu bya busuti nkamakomamahanga agehuzi za bu’ru nezirukugajuka, nezirukunanata, nezekitani, ezarukiwe. 25Kandi bakora enjogera ezezabu enungi, bata enjogera hagati yamakomamahanga ha byebu bya busuti okwehinguliriza hagati yamakomamahanga; 26enjogera nikomamahanga, ha byebu bya busuti okwehinguliriza okuhererezamu; nka MUKAMA okuyaragire Musa.

27Kandi bakora ebizabaho ebyekitani enungi, omulimo ogwalukirwe habwa Aroni na 28batabanibe, nekiremba ekyekitani enungi, nebihuta ebyemitwe ebirungi ebyekitani enungi, na seruwale zekitani eyarukirwe 29kurungi nomweko ogwekitani eyarukirwe kurungi, nengoye za bu’ru nezirukugajuka, nezirukunanata, omulimo ogwomudalizi, nka MUKAMA okuyaragire Musa.

30Kandi bakora akabali akaha kondo erukwera akezabu enungi, bahandikaho ekihandiko, nkokusarurwa okwakokuro’raho, ARUKWERA HALI MUKAMA. 31Kandi babohaho akagoye ka bu’ru okukagumiza ha kiremba eruguru; nka MUKAMA okuyaragire Musa.

32Nukwo omulimo gwona ogwenju yehema yokutangatanganiramu gwahoire guti: abana ba Isareri bakora byona nka MUKAMA okuyaragire Musa, nukwo bakozire bati.

33Kandi baleta enju hali Musa, Ehema, nebintu byayo byona, ebikwaso byayo, embaho zayo, ebihongozo byayo, nenyomyo zayo; 34nebiina byayo; netandaruha eyebisato yentama empaya ebyahinduirwe okunanata, netandaruha eyebisato byengonge, nenyigamo eyekikingyo; 35nesanduko eyobwakaiso, nemigamba yayo, nentebe eyokuganyira; 36emeza, ebintu byayo byona, nemigati eyokwoleka; 37ekikondo kyetabaza ekisemire etabaza zakyo, etabaza ezokusemezebwa, nebintu byayo byona, namagita agokwaka 38nekyoto ekyezabu, namagita agokusesaho, nemyami’ro erukuboya nekikingyo habwo 39mulyango Ogwehema ekyoto ekyomulinga, nekisengijo kyakyo ekyomulinga, emigamba yakyo, nebintu byakyo byona, orwoho nekibunu kyarwo: 40Ekikingyo ebyezigati, enyomyo zayo, nebiina byayo, nekikingyo ekiirembo lyezigati, emiguha yayo, nenkondo zayo, nebintu byona ebyokuhereza okwomu nju abwehema yokutangatananiramu; 41ebyokujwara ebyakozirwe kurungi habwokuhereza omu kiikaro ekrukwera, nebyokujwara ebirukwera ebya Aroni nyakatagara, nebyokujwara ebya batabanibe, okuhereza omu bunyakatagara. 42Nka byona okubiri MUKAMA ebiyaragire Musa, nukwo abana ba Isareri bakozire bati omulimo gwona. 43Musa yarora omulimo gwona, kandi dora, bakaba bagukozire, nka MUKAMA okuyaragire, nukwo bakaba bagukozire: Musa yabasabira omugisa.