Swahili Bible2

37

1KANDI Bezalari akakora esanduko eyomuti omusisa; okuraiha kwayo kukaba kuli emikono ebiri nekicweka, nokugaliha kwayo mukono nekicweka, noburaibura bwayo mukono gumu nekicweka: 2yagisweka nezabu enungi omunda na haruguru, yakora omugoma gwezabu okugyehinguliriza. 3Yagyagiza empeta ina ezezabu, omu maguru gayo ana; empeta ibiri ha rubaju rwayo orumu, nempeta ibiri ha rubaju rwayo orundi. 4Yakora nemigamba eyomuti omusisa, yabisweka nezabu. 5Yata emigamba omu mpeta ha mbaju zesanduko habwokuhimba esanduko. 6Kandi yakora entebe eyokuganyira eyezabu enungi:okuraiha kwayo kukaba kuli emikono ebiri nekicweka, nokugaliha kwayo mukono gumu nekicweka. 7Yakora na bakerubi babiri bezabu, akabakora nomulimo oguheserwe, ha nsonga ibiri ezentebe yokuganyira; kerubi omu ha nsonga endi: akakora 8bakerubi ha nsonga zayo ibiri omulimo gumu hamu nentebe eyokuganyira. 9Kandi bakerubi bakasasanura emapapa gabu haiguru, nibasweka entebe yokuganyira namapapa gabu, amaiso gabu nigarole’rangana; gakaba nigarole’ra entebe eyokuganyira.

10Kandi akakora emeza eyomuti omusisa okuraiha kwayo mikono ebiri, nokugaliha kwayo mukono gumu, noburaibura bwayo mukono gumu nekicweka: 11yakisweka nezabu enungi, yakiko’ra omugoma gwezabu okugyehinguliriza. 12Kandi yagiko’raho nkengata okwehinguliriza, okugaliha kwayo rutarumu, yakora omugoma gwezabu okwehinguliriza engata. 13Yagyagiza empeta ina ezezabu, yata empeta ha burugu buna obukaba buli ha maguru gayo ana. 14Haihi nengata hakaba haroho empeta, ebiikaro byemigamba eyokuhimbisa emeza. 15Yakora emigamba yomuti omusisa, yagisweka nezabu, ehimbege emeza. 16Yakora nebintu ebikaba biri ha meza, esahani zayo, nebigiko byayo, nebibindi byayo, nembindo zayo, ezokuitu’ra za zabu enungi.

17Yakora nekikondo kyetabaza kyezabu enungi: yakora ekikondo kyetabaza omulimo oguheserwe, ekibunu kyakyo nokuguru kwayo; ebikopo byayo, nemitwe yakyo, nebyakyo byakyo, bikaba biri omulimo gumu hamu nakyo: 18namatagi mukaga gakaruga omumbaju zakyo; amatagi asatu agekikondo kyetabaza gakaruga omu rubaju rwakyo orumu, namatagi asatu agekikondo kyetabaza gakaruga omu rubaju rwakyo ekindi: 19ebikopo bisatu ebisisanizibwa nkebyakyo bya karuha omu itagi erindi, omutwe nekyakyo: nukwo omu matagi mukaga agarugire omu kikondo kyetabaza. 20Nomu kikondo kyetabaza hakaba harumu ebikopo bina ebyasisanizibwe nkebyakyo bya karuha, emitwe yabyo nebyakyo byayo: 21nomutwe hansi yamatagi abiri ogwomulimo gumu hamu nago, nomutwe hansi yamatagi ogwomulimo gumu hamu nago, nomutwe hansi yamatagi abiri ogwomulimo gumu hamu nago, habwamatagi mukaga agarugire omu kikondo kyetabaza. 22Emitwe yabyo namatagi gabyo bikaba biri byomulimo gumu hamu nakyo: eki kyona kikaba kiri omulimo gumu ogwezabu enungi eheserwe. 23Kandi yakora etabaza zakyo, musanju, norutambi orusisire, bya zabu enungi. 24Yakikora omu taranta emu eyezabu enungi, nebintu ebi byona.

25Kandi akakora ekyoto ekyokwe’raho emyami’ro ekyomuti omusisa: okuraiha kwayo mukono gumu, nokugaliha kwakyo mukono gumu, okuraiha kwayo nokugaliha kwayo bikainganangina; kandi oburaibura bwakyo mikono ebiri, namahembe gakyo gakaba gali gomulimo gumu hamu nakyo. 26Yakiweka nezabu enungi, eruguru yakyo, nembaju zakyo okwehinguliriza, namahembe gakyo: kandi yakiko’ra omugoma gwezabu okwehinguliriza. 27Kandi yakora empeta ibiri ezezabu hansi yomugoma gwakyo omu matundu gakyo zombi, okuba ebiikaro ebyemigamba eyokukihimbisa. 28Kandi yakora emigamba yomuti omusisa, yagisweka nezabu. 29Kandi yakora amagita agarukwera agokusesaho, nemyami’ro esemire eyebiboya ebirungi, nkamagezi gomutabi okugali.