Swahili Bible2

36

1NA Bezaleri na Oholyabu balikora omulimo, nomusaija wean owomutima gwamagezi, nokwetegereza, amanye okukora omulimo gwona ogwa harukwera, nka byona okubiri MUKAMA ebiyaragire.

2Musa yayeta Bezaleri na Oholyabu, nomusaija wna owomutima gwamagezi, MUKAMA ouyatairemu amagezi omu mutima gwe, omuntu wean ayayekambisibwe omutimagwe okugukora: 3habwahalihali Musa ekihongwa kyona, abana ba Isareri ekibaresere habwomulimo gwokuhereza kwa harukwera, okugukora. Kandi yayengera omukuletera bukyabukya ebihongwa byokugonza. 4Nabasaija bona abamagezi, abakozire, omulimo gwona gwa harukwera, bona abamagezi abakozire omulimo gwona gwa harukwera bona bakaleka omulimo gwabu 5ogubakaba nibakora; bagambira Musa ngu Abantu nibaleta bingi okukira omulimo ebigugonza, MUKAMA oguyaragira okukorwa. 6Musa yaragira, baduma omu rukande rwona ngu Abasaija bona nabakazi bona baleke okukora omulimo gwona habwekihongwa kya harukwera. Nukwo abantu batangirwe bati okuleta. 7Baitu ebintu ebibakaba banyinabyo bikamara omulimo gwona okugukora, kandi byasaga.

8Nomusaija wena owomutima gwamagezi omulibo ayakozire omulimo yakora ehema nebikingyo ikumi; ebyengoye zekitani ezarukirwe namagezi, neza bu’ru, nezirukugajuka, nezirukunanata, kandi akabikora nabakerubi, omulimo gwomukozi wamagezi. 9Okuraiha kwekikingyo kimu kukaba kuli mikono abiri na munana, nokugaliha kwekikingyo byona bikainganaingana okulengwa. 10Yateraniza ebikingyo bitano ebindi yabiteraniza hamu. 11Yakora obuyondo bwa bu’ru ha rubaju rwekikingyo ekimu okuruga ha mukugiro ogwokuteraniza: nukwo yakozire ati ha rubaju orwekikingyo ekyahampero, omu kuteraniza okwakabiri. 12Akakora obuyondo amakumi atano ha rubaju orwekikingyo ekiri omu kuteraniza okwakabiri: obuyondo bwarole’rangana. 13Yakora nebikwaso ebyezabu amakumi atano, yateraniza hamu ebikingyo nebikwaso: ehema yaba emu. 14Yahora nebikingyo ebyebyoya byembuzi okuba etandaruha ha hema: yakora ebikingyo ikumi na kimu. 15Okuraiha kwekikingyo kukaba kuli emikono amakumi asatu, nokugaliha kwekingyo mikono ena: ebikingyo ikumi na kimu bikingainangana okulengwa. 16Kandi yateraniza ebikingyo bitano ahamu, nebikingyo mukaga ahamu. 17Yakora obuyondo amakumi atana ha rubaju rwekikingyo ekimu ekyahampero omu kuteraniza, nobuyondo amakumi atano ha rubaju rwekikingyo ekyahampero omu kuteraniza okwakabiri. 18Yakora nebikwaso amakumi atano ebyemiringa okuteraniza ehema, ebe emu. 19Yakora ekyokusweka ehema ekyebisato byentama empaya ebyahinduirwe okunanata, kandi haruguru ekyokusweka ekyebisato byengonge.

20Kandi akakora embaho ezehema omu muti omusisa, ezokweme’ra. 21Okuraiha okworubaho rwona rukaba kuli emikono ikumi, nokugaliha kworubaho rumu mukono gumu nekicweka. 22Orubaho rwona rukaba runyina endimi ibiri, ezokuteraniza ha 23mu: nukwo yakozire ati embaho zona ezehema; embaho amakumi abiri ha rubaju orwobukizi 24bwobulyo: yakora nebina byefeza amakumi ana hansi yorubaho orumu habwendimi zarwo ibiri. 25Kandi ha rubaju orwehema orwakabiri, ha rubaju rwobukizi bwemoso, yakora embaho amakumi abiri, 26nebina byazo ebyefeza amakumi ana; ebina bibiri hansi yorubaho orumu, nebina bibiri ahansi yorubaho orumu. 27Kandi habworubaju orwehema orwenyuma obugwaizoba akakora embaho mukaga. 28Yakora embaho ibiri ezoburugu bwehema ha rubaju orwenyuma. 29Zaba ibiri ibiri hansi, nukwo zaba ziti okuhikya ha ruguru yazo okuhikya empeta emu: nukwo yakozire ati zombi habwoburugu bubiri. 30Kandi hakaba haroho embaho munana nebina byazo ebyefeza, ebina ikumi na mukaga; ebina bibiri hansi yorubaho rwona. 31Yakora nebihongozo ebyomuti omusisa, bitano 32habwembeho ezorubaju orundi orwehema, nebihongozo bitano habwembaho ezehema habwekicweka ekyenyuma obugwaizoba. 33Kandi ekihongozo ekyahagati yakirabya hagati yembaho, okuruga ha mpero nokuhikya ha mpero. 34Yasweka embaho nezabu, yakora empeta zazo hokutahyamu ebihongozo, yasweka ebihongozo nezabu.

35Kandi akakora enyigamo eyengoye za bu’ru, nezikukugajuka, nezirukunanata, nezikitani ezirukirwe kurungi: yagikora nabakerubi, omulimo gwomukozi wamagezi. 36Yagiko’ra enyomyo ina ezomusisa, yazisweka nezabu: yazagiza ebina bina ebyefeza. 37Yakora nekikingyo habwomulyango Gwehema, ekyengoye za bu’ru, nezikugajuka, nezirukunanata, nezekitani ezirukirwe kurungi, omulimo ogwomudalizi; 38nenyomyo zakyo itano nebikwaso byazo: yasweka emitwe yazo nebikomo byazo nezabu: nebina byazo ebitano bikaba biri byemiringa.