Swahili Bible2

35

1KANDI Musa akasoroza ekitebe kyona ekyabana ba Isareri, yabagambira ati Binu nibyo bigambo MUKAMA ebiyaragire, inywe mubikolege. 2Ebiro mukaga murakoramuga emirimu, baitu ha kiro kya musanju haliba ekiro ekirukwera namberemuli, esabiti eyokuhumura eyatairweho hali MUKAMA: omuntu wena alikora’ho omulimo gwona aliitwa. 3Mutalihemba omu’ro gwona omu nju zanyu ha kiro kya sabiti.

4Musa yabaza nekitebe kyona ekyabana na Isareri ati Kinu nikyo kigambao kya MUKAMA 5ekiyaragire nagamba ati Muihe amulinywe ekihongwa hali MUKAMA wena anyakuyina omutima ogurukugonza, akirete, 6ekihongwa kya MUKAMA; ezabu, nefeza, nemiringa, nengoye za bu’ru nezikugaijuka, nezirukunanata, nezekitani ezisemire, 7nebyoya byembuzi, nebisato, byemapya ebihinduirwe okunanata, nebisato byengonge, 8nomuti omusisa namagita habwokwaka, nebirikuboya habwamagita agokusesaho, na habwemiyami’ro erukuboya kurungi; 9nobubale bwa onukisi, nobubale obwokutabiramu,habwa efodi, kandi habwekyahafuba. 10Kandi omuntu wena omulinywe owomutima gwamagezi aije, akole byona MUKAMA ebiyaragire; 11enju; ehema yayo nebyokugisweka nebikwaso byayo, nembaho zayo, nebiboha byayo, nenyomyo zayo, nebina byayo; 12esanduko nemigambo yayo, nentebe eyokuganyira, 13nenyigamo eyekikingyo emeza, nemigamba yayo, nebintu byayo byona, nemigati 14eyokwoleka nekikondo kyetabaza habwokwaka, nebintu byayo, netabaza zakyo, namagita 15agokwaka; nekyoto ekyemyami’ro erukuboya nekikingyo habwomulyango, ha mulyango 16ogwenju; ekyoto ekyekihogwa ekyokeze, hamu nekisengijo kyakyo nebintu byakyo byona, orwoho nekibunu kyarwo; 17ebikingyo ebyezigati, enyomyo zayo, nebina byazo, nekikingyo habwirembo eryezigati; 18enkondo ezenju, nenkondo ezezigeti nemiguha yazo, 19ebyokujwara ebikozirwe kurungi, habwokuherereza omukiikaro ekirukwera, ebyokujwara ebirukwera ebya Aroni nyakagara, ebyokujwara ebya batabanibe, okuhereza omu bunyakatagara.

20Ekitebe kyona ekyabana ba Isareri baruga omu maiso ga 21Musa, baija, omuntu wena ayayekambisibwe omutimagwe, nomuntu wena owomwoyo gwokugonza, baleta okihongwa kya MUKAMA, habwomulimo gwehema yokutangatangarina, kandi habwokuhereza kwayo kwona, kandi habwebyokujwara ebirukwera. 22Baija, abasaija nabakazi, bona abagondeze nemitima yabu, baleta amapesa, nobwoma obwomu matu, nempeta ezobwokuro’raho, nebikomo, byona byezabu, omuntu wena ayahongire MUKAMA ekihongwa kyezabu. 23Nomuntu wena akabanyina engoye ezabu’ru nezirukugajuka, nezirukunanata,nezekitani ezisemire, nebyoya byembuzi, nebisato byentama empaya, ezahinduirwe okunanata, nebisato byengonge, yabireta. 24Omuntu wena ayahongere efeza nemiringa yaleta ekihongwa kya MUKAMA: nomuntu wena akabanyina omuti omusisa habwomulimo gwona ogwokuhereza oku, yaguleta. 25Nabakazi bona abemitima eyamagezi bakongonsa engaro zabu, baleta ebi ebibayongesere, eza bu’ru nezirukunanata, nezegajuka, nezekitani ezisemire. 26Nabakazi bona abayekambisibwe emitima yabu habwamagezi bakongosa ebyoya byembuzi. 27Nabalemi baleta obubale bwa onukisi, nobubale obwokutabiramu, habwa efodi, na habwa ekyahakifuba; 28nebiyoya namagita; habwokwaka, kandi habwamagita agokusesaho, kandi habwemyami’ro, kandi habwemyami’ro erukuboya. 29Abana ba Isareri baletera MUKAMA eki- Hongwa ekyokugonza: omusaija wena nomukazi wena abagondeze nemitima yabu, okuleta habwemirimo yona, MUKAMA eyiyaragire okukorwa habwomukono gwa Musa.

30Musa yagambira abana ba Isareri ati Dora, MUKAMA ayesere ibara Bezaleri mutabani wa Uli, mutabani wa Hura, owomu 31ruganda rwa Yuda; yamuijuza omwoyo gwa Ruhanga, omu magezi nokwetegereza nokumanya, nemirimo eyemiringo yona, 32nokucwere’ra emirimo ayamagezi, okukora ezabu, nefeza. Ne 33miringa, nokusara emiti, okukora emirimo yona eyokwetegereza. 34Kandi yata omu mutimagwe ayegese, uwe na Oholyabu, mutabani wa Ahisamaki, owomu rugunda rwa Dani. 35Abo ekabaijuza okwetegereza okwomutima, okukora emirimo yona, eyokusasura, neyomukozi omu engoye za bu’ru, nezirukugajuka, nezirukunanata, nezekitani ezisemire, neyomuruki wengoye, neyabo abakora omulimo gwona, neyabo abacwe’ra emirimo yamagezi.