Swahili Bible2

34

1MUKAMA yagambira Musa ati Oyebziaire ebibali bibiri ebyamabale ebirikususana nebyokubanza kandi ndihandika ha bibali ebyokubanza, ebiwacwire. 2Kandi oyetekanize nyenkya, otembe nyenkya harusozi Sinai, oyeyoleke namberendi ha mutwe gworusozi. 3Busaho muntu aratemba naiwe, kunu busaho muntu arazoka omu rusozi rwona rwona: nubuzakuba entama nobuzakuba ente okulira omu maiso gorusozi oru. 4Yabaija ebibali bibiri ebyamabale, ebirikususana nkebyokubaniza; Musa yaimuka nyenkya omu rukyakya, yatemba orusozi Sinai, nka MUKAMA okuyamuragire, yatwara omu ngaroze ebibali bibiri ebyamabale. 5MUKAMA yasirimuka omu kicu, yayeme’ra oku nauwe. Yaduma ibara lya YAHWE. 6MUKAMA yaraba omu maisoge yaduma ati MUKAMA, MUKAMA, Ruhanga aijuire okuganyira kandi owembabazi, aikaraho okutabihirwa, asigare ebyokuganyira namazima: nagira embabazi enkumi nenkumi, alekera 7okutahiki’ra nokusisa nekibi:kandi talihiihaho omusango na kake hali ogu anyinagwo; ajunaniza abana okutahiki’ra kwa baisebo, nabana babana okuhikya obuijukuru obwakasatu nobwakana. 8Musa yayanguha, yainama omutwegwe hansi, yaramya. 9Yagamba ati Obundabe mboine embabazi omu maiso gawe, ai Mukama, nkwesengerize Mukama ogendege hagati yaitu; baitu niryo ihanga eryengeto egumire kandi oganyire okutahiki`ra kwaitu nekibi kyaitu, otuikirize tubw obugwetwa bwabwe. 10Yagamba at Dora, nindagana ekiragano: omu maiso gabantu bawe bona ndikora ebyamahano, ebitakakorwaga omu nsi nobuhokuba omu ihanga lyona: nabantu bona abolimu balirora omulimo gwa Mukama baitu eki ekindikukora kyokunitwa. 11Werinde kinu ekindu kukuragira hati: dora, ni mbinga omu maiso gawe Omwamoli, Nomukanani, Nomuhiti, Nomuperezi, Nomuhivi, Nomuyeyebusi. 12Werinde wenka, otaliragana ekiragano nabo abali omu nsi nambere orukugenda, kitaba kisuli hagati yawe: 13baitu mulisesa ebyoto byabu, mulicwacwana amabale gabud agaraihire, kandi mulitema 14Aserimu zabu: baitu otaliramya omucwezi wean; baitu MUKAMA, ibaralye nuwe Ihali, 15nuwe Ruhanga wihali oleke okuragana ekiragiro nabo abali omu nsi, kandi baleke okuhana nbakuratira abacwezi babu, kandi omuntu okweta iwe ogende olye ha 16kyonzirakye naiwe okuswe’ra batabani bawe abahara babu, nabahara babu okusihana nibakuratira abacwezi babu. 17Otalyeko’ra ebisisani ebyabacwezi ebyagibwe. 18Orayerindaga obugenyi obwomugati ogutatumbisibwe nkokunakuragire, omu kasumi akatairweho omu kwezi Abibu; baitu omu kwezi Abibu nuho warugire Misiri. 19Byona ebiigura enda byange ebisoro byawe byona ebihaya, emizigaijo eyente neyentama. 20Kandi omuzigaijo gwenkaina oligucungura nekyana kyentama: kandi omuzigaijo gwenkaina oligucungura nekyana kyentama kandi obwaliba otarukwenda okugucungura, olihotora ebikya byagwo. Abemizigaijo bona abomu bana bawe abojo olibacungura. Kandi omuntu wean atalyaranga omu maiso gange atalesere kintu. 21Ebiro mukaga orakoraga emirimo, baitu ha kiro kya musanju arahumuraga omu bitro ebyokulimiramuga omu biro nomu biro byokugesa, olihumura. 22Kandi oyerindaga obugyenyi obwa sabiti musanju, obugenyi obwemiganuro eyengano, nobugyenyi obwokuhunika omwaka guhoireho. 23Emirundi esatu omwaka gumu abasaija bawe bona barataharaga omu maiso ga MMUKAMA RUHANGA, Ruhanga wa Isareri. 24Baitu ndibinga amahanga omu maiso gawe: kunu omuntu wean atalyegomba wnsi yawe obwolitabara okuzoka omu maiso ga MUKAMA Ruhanga wawe emirundi esatu omwaka gumu. 25Otalihonga esagama eyokyonzira kyange hamu nomugati ogutatumbisibwe; nobukyakuba ekyonzira, ekyobugenyi bwa kuhingurwaho kitalisigaraho okukiisa obuire. 26Emiganuro eryekitaka lyawe erukubanza oragiretaga omu nju ya MUKAMA Ruhanga wawe, otalicumba ekyana kyembuzi omu mata ga nyinakyo. 27MUKAMA yagambira Musa ati Iwe ohandike ebigambo binu: baitu nkebigambo binu okubiri nukwo ndagaine ekiragano hamu naiwe na Isareri. 28Kandi yaikara oku hamu na MUKAMA ebiro amakumi ana nyamusana nekiro; atalye byokulya, kandi atanywe amaizi. Yahandika ha bibali ebigambo ebyekiragano, ebiragiro ikumi.

29Kandi kyahika, Musa obuyasirimukire orusozi Sinai, anyina ebibali bibiri ebyobwakaiso omu ngaro za Musa, atamanye omubiri ogwamaisoge okugurukwangasana obwokubanza nauwe. 30Kandi Aroni nabana ba Isareri bona obubaboine Musa, dora, omubir ogwamaisoge gukaba nugwangasana; batina okumi’ra haihi. 31Musa yabeta; Aroni nabalemi bona abekitebe bagaruka namberali’ Musa yabeta; Aroni nabalemi bona abekitebe bagaruka namberendi: Musa yabaza nabo. 32Hanyuma abana bona ba Isareri bagaruka bai’ra haihi: yabaha nkebiragiro byona MUKAMA nkebiragiro byona MUKAMA ebiyabalize nauwe omu rusozi Sinai/ 33Kandi Musa obuyamazire okubaza nabo yataho ekyokwesweke’ra ha maisoge. 34Baitu Musa obuyatahaga omu maiso ga MUKAMA okubanza nauwe, yaihahoga ekyokwesweke’ra okuhikya ebuyaturukaga; yaturukaga yabazaga nabana ba Isareri ebi ebiyaragirwaga; 35nabana ba Isareri bakarora amaiso ga Musa gakaba nigangasana, omubiri gwamaiso ga Musa gukaba nugwangasana: Musa yagaruka okuta ekyokwesweke’ra ha maisoge, okuhikya obuyatahire okubaza nauwe.