Swahili Bible2

33

1KANDI MUKAMA akagambira Musa ati Muruge hanu, mugende iwe nabantu abawaihire omu nsi ya Misiri, mutahe omu nsi eyinarahire Iburahimu, na Isaka na Yakobo, ningamba nti 2Ndigiha oruzaro; rwawe kandi ndituma maraika omu maiso gawe: kandi ndibingamu okukanani, Nomwamoli, Nomuhiti, Nomuperezi, Nomuhivi, Nomuyebusi: 3omu nsi erukugera amata nobwoki: baitu nyowe tinditemba hagati yawe, baitu oli ihanga eryengoto egumire: ndeke okukuhwerekereza omu muhanda. 4Abantu obubahurile ebigambo ebi ebibi, bakwatwa obujune hatabe omuntu ajwaire ebyomutoro. 5MUKAMA yagambira Musa ati gambira abana ba Isareri oti Muli ihanga eryengoto egumire: kuba mbaire nintaha omuliwe akacu kake, mba nakuhwerekereza: nukwo hati omanye ekindakukora. 6Abana ba Isareri bayejura ebyomutoro byabu, okuruga ha rusozi Holebu nokuikarayo omu maiso.

7Lero Musa yatwaraga ehema yasimbaga aheru yorukande akatambu norukande; yagyeta Ehema yokutangatanganiramu. Kandi kyahika wean ayase’raga MUKAMA, yaturukaga yagenda hali ehema yokutangatanganiramu. 8Kandi kyahika Musa obuyaturukaga nagenda hali Ehema, abantu bona baimuka bayeme’ra omuntu wena omu mulyango ogwehemaye, narole’ra Musa okuhikya obuyamaraga okutaha omu Hema. 9Kandi kyahika Musa obuyatahaga omu Hema, enyomyo eyekicu yasirimuka, yayeme’ra omu mulyango Ogwehema, kandi MUKAMA yabaza na Musa. 10Abantu bona barora enyomyo yekicu, eyemerire omu mulyango Gwehema abantu bona baimuka baramya omuntu wean omu mulyango gwehemaye. 11MUKAMA yabazaga na Musa nibarorangana ha maiso, nkomuntu okwabaza nenganjaniye. Yagarukayoga omu rukande: baitu omuherezawe Yosuha, mutabani wa Nuni, omusigazi, tiyarugaga omu Hema.

12Musa yagambira MUKAMA ati Dora, nondagira oti Tahya abantu banu: baitu tomanyisize owolituma hamu nanyowe. Baitu ogambire oti Nkumanyire ibara lyawe, naiwe okabona embabazi om maiso gange. 13Nukwo na hati, nkwesengerize, obundaba mboine embabazi omu maiso gawe, onyoleke hati emihanda yawe, nkumanye, nubwo ngaruke ndole embabazi omu maiso gawe kandi tekereza ihanga linu okubali Bantu bawe. 14Yagamba ati Amaiso gange garagendaga hamu naiwe, ndakuhaga okuhumura. 15Yamugambira ati Amaiso gawe obugataligenda nanyowe, oleke okutuiha hanu. 16Baitu kirimanywa kita nyowe okumboine embabazi omu maiso gawe, nyowe na Bantu bawe? Tinikyo iwe okugenda naitwe, nukwo tubaganizibwemu, nyowe nabantu bawe omu Bantu bona abali ha maiso gensi?

17MUKAMA yagambira Musa ati Neki ekyogambire ndikora baitu okabona embabazi omu masio gange, kandi nkumanyire ibara. 18Yagamba ati Nkwesengerize onyoleke ekitinisa kyawe. 19Yagamba ati Ndarabya oburungi bwange bwona omu maiso gawe, ndaduma ibara lya YAHWE omu maiso gawe; kandi ndakwatirwaga embabazi, oundakwatirwaga embabazi, ndaganyiraga oundaganyiraga. 20Yagamba ati Tosobora okukora amaiso gange: baitu omuntu atalimbona naba omwomezi. 21MUKAMA yagamba ati Dora, haroho ekiikaro ekiri haihi nanyowe, kandi oryayeme’ra ha mwandara: 22kandi obukirihika ekitinisa obukiraba nikihinguraho, ndakuta omu munya’ra ogwibale, ndakusweka nomukono gwange okuhikya 23obundamara okuhinguraho: kandi ndaihaho omukono gwange iwe orarora amabega gange: baitu amaiso gange tigazoke.